Juaṉ 14:9 - Yus Papí: Shuarja̱i̱ Yus Yamaram Chicham Najanamu

⁹ Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 14:9 Iomraidhean Croise

Naṉ. 26:9

Nuyá̱ Awimirík Isakan untsuk itiá chicharuk “Riwikia nekas nua̱rmete. ¿Urukamtai nua̱rmesha ‘Umaruiti’ tímiam?” tutai chichaak “Ju̱yá̱ aents ‘Winia nua̱ruiti’ tákuiṉkia mantuawara̱i̱ṉ tusan ‘umaruiti’ timiajai” tímiayi.

YKan. 11:1

Uunt Yuska wi ejamtai̱ ai̱sha ¿itiurak winia chichartuiniak “Chiṉkich nainnium nanak u̱mna núnikta turutiarat?”

Jrm. 2:23

Kame ¿itiura wikia mui̱jmiainkia ajakchaitjiai tura Páarnasha peṉké enentáimtuschaitjiai tíminiaitiam? Wats pakanam túramamna nu enentáimsam náṉkamas wekain kamiyuch nekasapitia titiá.

Mar. 9:19

Tutai Jesus chichaak “¡Yusan enentáimtichutirmincha urutmá tsawantak atumji̱a̱i̱ pujustaj tura urutmá katsuntrataj! Uchi itiatárum” tímiayi.

Ruk. 12:56

Yuraṉminmasha nuṉkanmasha túruna nu nékarme. Túmaitiatrumsha ju̱ tsawantai̱ túrunattana nusha ¿itiura nékatsrum? ¡Maaj, ántraitrume!

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 12:45

Winia wáitkiusha Winia Aparnasha wainiui.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 14:7

Winia nékarkurmeka winia Aparsha nekaawaintrume. Yamaisha Ni wainkia asarum nékarme” tímiayi.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

1 Kur. 15:12

Iisha “Kristu jakamunmaya̱ nantakniuiti” tu étsereaji. ¿Itiur nuikia shuar jakamunmaya̱ nantakchatniuiti tuinia?

Jir. 2:6

Nisha Yúsaitiat ju̱ nuṉkanam winiak tuke Yusja̱i̱ métek átinian emettsuk

Kurs. 1:15

Íischamnia Yusan Krístuka nakumeawai. Yus ashí najanamu ainia nuna iwia̱i̱yaiti.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.