Juaṉ 14:7 - Yus Papí: Shuarja̱i̱ Yus Yamaram Chicham Najanamu

⁷ Winia nékarkurmeka winia Aparsha nekaawaintrume. Yamaisha Ni wainkia asarum nékarme” tímiayi.

Juaṉ 14:7 Iomraidhean Croise

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 1:18

Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 15:24

Aents peṉké túrachman túrachuitkiuiṉkia yajauch túramunam sumamacharainti. Antsu wi túramun wáinkiaru áiniayat Winiasha tura winia Aparnasha nakitiáiniawai.Jṉ. 9:41

Juaṉ 16:3

Nu shuar Winiasha tura winia Aparnasha nékachu ásar túrutmawartatui.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Juaṉ 17:26

Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 17:3

Kame ju̱i̱ti tuke amukashtin iwiaakma. Amek nekas Yúsaitmena nuna tura Jesukrístu Ame akupkámuiti nú nekaatniua nuiti.

Juaṉ 17:6

Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 6:46

Aya Yusai̱ya̱ tauwa nuke Yúsnaka wáinniuiti. Chíkichkia peṉké wáinkiachuiti.

Juaṉ 8:19

Takui̱ “¿Ame apasha tui̱ pujá?” tiármiayi. Tutai “Átumka Winiasha winia Aparsha nékatsrume. Winia nékarkurmeka winia Aparsha nekaawaintrume” tímiayi Jesus.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

1 Jṉ. 2:13

Úuntirmincha yámankamtaikniumia̱ tuke pujuuya nu nekáa asakrumin ju̱na áateajrume. Úuntmarutirmincha iwianchi uuntri̱ nupetka asakrumin ju̱na áateajrume. Uchitirmincha, Yus Apa nekáa asakrumin áateajrume.