Juaṉ 14:6 - Yus Papí: Shuarja̱i̱ Yus Yamaram Chicham Najanamu

⁶ Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 14:6 Iomraidhean Croise

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 1:17

Yusa akupeamuri̱n Muisais yaunchu jintintraiti, antsu waitnenkartutai̱ncha tura ashí nekas ana nusha Jesukrístuja̱i̱ tarutrámniuitji.

Juaṉ 1:4

Iwiaakmaka Niin amai. Nu iwiaakmaka aentsu tsáapintri̱nti. Nu tsáapninkia Yusna nuna ashí shuaran paant nekamtikiamniaiti.

Juaṉ 10:28

Tura yamaram iwiaakman tuke jákashtinian súajai. Nu asamtai jákachartatui tura Wi wáinmancha ¿yaki jurutkit?

Juaṉ 10:7

Nuyá̱ Jesus chichaak “Ti nekasan tájarme. Murik wainia nu wáitinkia Witjiai.

Juaṉ 10:9

Wikia wáitiya núnisketjai. Ashí Winin waya̱a̱ka uwemprattawai. Tura murikiua áintsaṉ wenuimiunmaya̱ jiinkí̱ péṉker yurumáttawai tura atak wayá̱ ayamprattawai.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 15:1

“Witjiai nekas araknaka tura Winia Aparka arakan wáinniuiti.

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 5:21

Winia Apar jakamunmaya̱n iwiaaku ajasat tusa Ni wakerana nuna inianteatsuk. Núnisnak ni Uchirí̱ asan Wi wakeraj nuna iwiaaku awajsámniaitjiai.

Juaṉ 6:33

Iis, Yusai̱ya̱ apatkuka nayaimpinmaya̱ tara núiti. Tuma asa ashí shuaran nekas iwiaakman suawai” tímiayi.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Juaṉ 6:57

Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Juaṉ 6:68

Semuṉ Pítrusha ái̱kmiayi “Uuntá, ¿yáini̱ṉ wétajⁱ? Ame chichammiji̱a̱i̱ṉ tuke iwiaaku áminiaiti.

Juaṉ 8:32

Núja̱i̱sha timiá nekas ana nu nekaattarme tura nekas aṉkant ajastatrume” tímiayi.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Tur. 4:12

Tura chíkichja̱i̱ uwempratin peṉké atsawai. Ju̱ nuṉkanam ii chikicha naari̱ pachisar uwempratin atsaji. Jesuskete ii uwemtikrampratniun Yus suramsamiaj nu” tímiayi Pítiur.

Tur. 9:2

Tura jearí chichaak “Papí ame náarmiji̱a̱i̱ áaram surusta. Wi nu papí jukin timiai Tamasku péprunam jean Israer shuar iruntai̱niam waya̱ttajai. Túran nú papiji̱a̱i̱ Jesusan umirkaru ainia nuna náṉkamsan achikiártatjai. Túran áishmaṉnasha nuwa̱ncha achikian jiṉkian, ju̱i̱ Jerusaréṉnum eṉkeataj tusan ikiaankattajai” tímiayi.

Rum. 15:16

Kame Jesukrístu Israer shuarchanum Yusa shiir chichame̱n etserkat tusa akuptúkuiti. Nuna túrakun Israer shuarchan Yusa Wakaní̱ji̱a̱i̱ shiir awajsamu ásarmatai Yusai̱ juíniajai. Tura Yussha shiir enentáiji̱a̱i̱ itiainiawai.

Rum. 5:2

Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

Rum. 5:21

Shuar tunaan túrin ásar jákatin ármiayi. Tura núnisaṉ ii Uuntri̱ Jesukrístu túramuja̱i̱ Yus iin “péṉkeraitrume” túramkurin iisha tuke iwiaaku pujustiniaitji.

1 Kur. 15:45

Yus Papinium nuní̱ áarmaiti “Emka áishmaṉ ni naari̱ Ataṉ, aents ajas iwiaaku ajasmiayi.” Naṉ. 2:7 Ukunmaṉka yamaram Ataṉka áintsaṉ Kristu, wakan asa ashí aentsun nekas iwiaaku átinian susamniaiti.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Kurs. 2:17

Nu nampernum Israer shuar Kristu túrattana nuna nakumainiak túrin ármiayi. Tura Kristu taa imia Niṉki pujá asamtai nakumkamuka ántraiti.

Kurs. 2:9

Krístunam Yus ashí takamtsuk pujuwiti.

Kurs. 3:4

Krístukete ii iwiaakmari̱. Ni nayaimpinmaya̱ wantinkiuisha atumsha Niji̱a̱i̱ métek wantinkiattarme.Apu. 19:11,14 Tura Niji̱a̱i̱ métek tí peṉker átatrume.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

Isr. 9:8

Núja̱i̱ṉkia Yusa Wakaní̱ ju̱na paant ujakúyayi. Yus Shiir Awajtai̱ Je̱a̱ tuke pujakui ashí aents Imiá Shiir Tesamunam waya̱tniun tujintkiarmiayi.

1 Pit. 1:21

Niji̱a̱i̱ átumka Yus umiirume. Yuska Krístun jakamunmaya̱n iniantki̱ naṉkamantu awajsámiayi. Yus nekas enentáimtakrum aya péṉkernak túrawai titiarum tusa túraiti.

1 Pit. 2:4

Ii Uuntri̱ Kristu kaya ántsaṉkete. Tura shuar kayan yajauchin nakitiáinia núnisaṉ Jesukrístun nakitrarmiayi. Tura kayan tí peṉkeran wakeruinia núnisaṉ Yuska “winia Uchir tí peṉkeraiti” tusa Jesukrístun achikmiayi. Atumsha Jesukrístu weantuktarum. Ni iwiaaku káyaiti.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Jṉ. 1:8

“Wi tunaan túrichuitjiai” tákurkia ímia iik anaṉmamaji. Antsu nekasa nuka chichaatsji.

1 Jṉ. 2:23

Yusa Uchirí̱n nakitiáinia nu Yus Apaja̱i̱sha tsaniṉ pujatsui. Tura Yusa Uchirí̱n shiir awajea nu, Yus Apaja̱i̱sha tsaniṉ pujawai.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

1 Jṉ. 5:6

Jesukrístu jú̱ nuṉkanam taa entsaja̱i̱ imiantkui Yus nayaimpinmaya̱ chichaak “Ju̱ka winia aneamu Uchiruiti” tímiayi. Tura nuyá̱ Jesus jakamtai ni numpé̱ puármiayi. Entsaja̱i̱ imianin ni takatrí̱n naṉkamamiayi túrasha iin jarutramak ni takatrí̱n ju̱ nuṉkanam amukmiayi. Chikichkinkikia túrutsuk mái̱ metek tura asamtai Yusa Uchirí̱ya nu paant nekanamniaiti. Yusa Wakaní̱sha tuke nekas tiniua nu métek tawai.

2 Jṉ. 1:9

Ashí shuar Kristu jintíamun iniais “naṉkaamas nékajai” tana nu, Yúsnachuiti. Antsu Kristu jintíamun umíana nu shuar Yus Apaja̱i̱sha tura ni Uchirí̱ji̱a̱i̱sha mai̱ tsaniṉ pujawai.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 19:11

Nuyá̱ nayaimp uranniun wainkiamjai. Nui̱ kawái puju wantinkiamai. Nu kawainium ekema nuna naari̱ Tí Peṉker Umin tutaiyi. Núnisaṉ Ti Nekas Túrin tutaiyi. Tí peṉker Akupin asa aya nekas péṉker túrak mesetan najanaiti.

Apu. 20:15

Tura ashí shuar tuke iwiaaku pujustin papinium ni naari̱ áatrachma asa wainniakchama nusha ti keá nu ji antumiaṉ kuamunam aju̱a̱warmai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.

Apu. 3:14

Nuyá̱ turutmiai “Rautiséanmaya̱ Yus shuara uuntri̱ ju̱ áatrata. Wáitrutsuk nekasa nunak tiniua nu tura núnisaṉ ashí Yus najanamun úuntri̱ya nu, tawai

Apu. 3:7

Nuyá̱ turutmiai “Piratírpianmaya̱ Yus shuara uuntri̱ ju̱ áatrata. Ti shiir túrin tuke nekasan tana nu, úunt akupin Tawitia yawiri̱ takaku asa uraimtai chíkich peṉké epenchamniaiti. Tura epenmiatai chíkich peṉké uraichminiaiti. Ju̱na tawai