Juaṉ 14:30 - Yus Papí: Shuarja̱i̱ Yus Yamaram Chicham Najanamu

³⁰ Jú̱ nuṉkanmaya̱n akupin winiakui atumji̱a̱i̱ núkap chichaschattajai yamaikia. Wíniaka nupettukchamniaiti.

Juaṉ 14:30 Iomraidhean Croise

Ruk. 1:35

Tutai Yusa suntari̱ Marin chichaak “Yusa Wakaní̱ tarutrámtatui. Tura yuraṉmia núnisaṉ Uunt Yusa kakarmari̱ ijirmattawai. Nu tuma asamtai Uchi akiiniattana nu Yusai̱ya̱ asamtai ‘Yusa Uchirí̱nti’ tiártatui.

Ruk. 22:53

Nuik Yusa Uunt Je̱e̱n tuke tsawant atumji̱a̱i̱ pujumaj nui̱ achirkachmarme. Túrasha átum kiritniumia̱ kakarmaja̱i̱ nupetkatin yamái tsawantin tsaṉkatkamuitrume” tímiayi Jesus.

Juaṉ 12:31

Yamaikia nuṉkanam makumatin jeayi. Tura iwianchi uuntri̱ ju̱ nuṉkanam akupniua nu nupetnak ajapnattawai.

Tur. 1:3

Tura Jesus jaka nantaki̱ ni akatrámuri̱n tímiaja̱i̱k wantintiukmiayi. Tura kuaraintia tsawant nin wantintiukarmiayi. Nuna tura nekas iwiaakjai tusa nekaawarat tusa iniakmasmiayi. Tura Yusa akupeamuri̱ urukuit nuna mash ujakmiayi.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Ipi. 2:2

Nu tunaanum jú̱ nuṉkanam pujuinia nuja̱i̱ métek tuke wekainiuyarme. Túrarum iwianchi akupniuri̱ wakeramuri̱ umirniuyarme. Iwianchi uuntri̱ Yusan umirainiatsna nuna ashí akaténawai. Kame ju̱ nuṉkanam yajauch wakan ni akupeamuri̱ji̱a̱i̱ wekainia nuja̱i̱ métek atumsha wekainiuyarme.

Ipi. 6:12

Kame Yusna takáa asar peṉké aentsja̱i̱ mániatsji antsu yajauch wakan kakaram írunna nuja̱i̱ mániaji. Nisha ju̱ nuṉkanam kiritniunma áintsaṉ tunaanum wekainia nuna akupin áiniawai.

Kurs. 1:13

Yus iwianchin nupetak íwianch akupeana nú kiritniunmaya̱ uwemtikramar ni aneamu Uchirí̱ akupeana nui̱ wearmákmiaji.

Isr. 4:15

Nisha iiji̱a̱i̱ métek ashí yajauchiji̱a̱i̱ nekapsamuiti. Túrasha yajauchin peṉké túrachmiayi. Tuma asa ii tujintiaj nuna paant nékak ii itiurchatri̱n waitnentramniuitji. Tura Yúsnan pujurniu uuntri̱ asamtai

Isr. 7:26

Tuma asa Jesus Yúsnan péṉker pujurniu uuntri̱ asa ii atsumajnia núkete nisha. Nisha ti shiir asa peṉké tunaarinchaiti. Ashí yajauchinmaya̱ kanakniuiti. Tura Yusja̱i̱ métek Uunt ajasuíti.

1 Pit. 1:19

Antsu Kristu numpe̱ ti shiira nuja̱i̱ uwemtikramuitrume. Nu nékarme. Yaunchu shuar tunáa túrakui Yus chichaak “Murik yajauchichu tunamárcha máarum Yus sútai̱niam ikiustarum. Nuna numpe̱n wainkian atumí tunaari̱n tsaṉkurattajai” tíniuyayi. Núnisaṉ Kristu iin jarutramka asa ii tunaarí̱nia̱ uwemtikrampraitji.

1 Pit. 2:22

Krístuka tunaan peṉké túrachmiayi. Tura chikichkinkesha peṉké anaṉkachmiayi. Isa. 53:9

1 Jṉ. 4:4

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.

1 Jṉ. 5:18

Nekas Kristui̱ akiinia nú shuar yajauch túrutainmaṉ tuke enentáimias wekaatsui. Antsu Yusa Uchirí̱ nin tí peṉker wainkiui íwianch antiṉkiachminiaiti.

1 Jṉ. 5:19

Iikia nekas Yúsnaitji tura ashí ju̱ nuṉkanmaya̱ shuar iwianchnia áiniawai.

Apu. 12:9

Núnisaṉ Ti Kajen Yajasma ashí ni suntari̱ji̱a̱i̱ nuṉká akupnakmai. Nu Yajasmasha iwianchi uuntri̱ Satanás tutainti. Nisha yáunchuya napiti. Ashí nuṉkanmaya̱ shuaran anaṉniuiti.