Juaṉ 14:26 - Yus Papí: Shuarja̱i̱ Yus Yamaram Chicham Najanamu

²⁶ Yus Apa ni Shiir Wakaní̱n atumín yáintmak atsaṉtamprarat tusa akuptúrmaktatrume. Wi seam túrattawai. Nu Wakancha ashí Wi ujakjarmena nuna atak enentáimtikramprar ashí unuitiamprartatui.

Juaṉ 14:26 Iomraidhean Croise

YKan. 51:11

Aminí̱ya̱ ajaprua iniaitiusaip tura Ame Péṉker Wakanmisha juruttsaipia.

Isa. 54:13

Tura ashí ame uchirmeka Uunt Yus jintintiámu ártatui tura ni aṉkant pujustinkia ti núkap átatui. Jṉ. 6:45

Mat. 1:18

Jesukrístu akiiniamu jú̱nis ámiayi. Ni nukurí̱ Marí Juseja̱i̱ anajmanairuyayi. Tura tsaníatsa̱i̱ṉ Yusa Wakaní̱ ajaprumtikiamiayi.

Mat. 1:20

Nuna tu enentáimia pujái̱ mesekranam Yusa suntari̱ tarí ipiatkámiayi. Tura chicharuk “Juseá, ame we̱a̱trum Tawitchakait. Tuma asam Mariji̱a̱i̱ nuatnaikiatin ashamkaip. Uchin takustatna nuka Yusa Wakaní̱niuiti.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Mat. 3:11

Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai.

Mar. 12:36

Tawit, antsu Yusa Wakaní̱ aartá tutai, Yus Papinium ju̱na áarmiayi. ‘Uunt winia Úuntrun chichaak “Ame nemasrumin nupetkan amúatsa̱i̱ṉ winia untsuurui̱ni̱ni̱ pujusta.”’ YKan. 110:1

Mar. 13:11

Atumín surutmaktasar juramainiakuisha warintiajak tusarum ti enentáimsairap. Chichastin jeamtai Yusa Wakaní̱ jintintrámattarmena nu titiarum. Iis, atumí enentái̱ji̱a̱i̱ tíchattarme antsu Yusa Wakaní̱ jintintiam títiatrume.

Ruk. 1:35

Tutai Yusa suntari̱ Marin chichaak “Yusa Wakaní̱ tarutrámtatui. Tura yuraṉmia núnisaṉ Uunt Yusa kakarmari̱ ijirmattawai. Nu tuma asamtai Uchi akiiniattana nu Yusai̱ya̱ asamtai ‘Yusa Uchirí̱nti’ tiártatui.

Ruk. 1:41

Irisapít Marí áujeamun antukmatai uchi init muchitkiamiayi. Tumai̱ Irisapítian Yusa Wakaní̱ ni enentái̱n pimiutkamiayi.

Ruk. 1:67

Uchí aparí̱ Sakarías Yusa Wakaní̱ pimiutkam tura Yus jintintiam chicharukJuir 2:28

Ruk. 11:13

Warí átum imiá yajauchitirmesha atumí uchirí̱ péṉkera nu súchakaitrum. Atumí Aparí̱ nayaimpiniam pujana nu seakrumni̱ṉkia nú naṉkaamas ni Wakaní̱n suramsattawai.” Tu unuiniamiayi.

Ruk. 2:25

Nu tumai̱ Semiun náartin áishmaṉ Jerusaréṉnum pujumiayi. Simiuncha Yusa Wakaní̱ pujurma asa péṉker áishmaṉkauyayi. Yusan nekas enentáimtiniuyayi. Yusa anaikiamuri̱ji̱a̱i̱ Israer shuar aṉkant ajastin jeatí tusa jintia íimpriniuyayi.

Ruk. 24:49

Tura winia Apar, winia Wakantrun súsartatjai, turammarumna nuna akuptúktatjarme. Tura nayaimpinmaya̱ táatsa̱i̱ṉ ju̱i̱ Jerusaréṉnum pujustarum. Taa ni kakarmari̱n suramsattarme” tímiayi.Tur. 2:4

Ruk. 3:22

Tura Yusa Wakaní̱ yámpits najanar paant tarurmiayi. Tura Yus nayaimpinmaya̱ chicharuk “Amek winia aneamur Uchiruitme, Ámin ti wararjame” tímiayi.

Juaṉ 1:33

Nu túmatsa̱i̱ṉkia Niṉkia nekaachmajai. Tura Yuska winia imiakrattinian akuptak ‘Chikichik shuarnum Yusa Wakaní̱ tara ekemsa wainkiam nuja̱i̱ nekaattame. Yusa Péṉker Wakaní̱ji̱a̱i̱ imiakratniua núiti’ turutmai. Tura núja̱i̱ṉkia Nin nekaamjai.

Juaṉ 12:16

Nu chichamaik Jesusa unuiniamuri̱ nu túrunamun nekaacharmiayi. Tura ukunam Jesus nayaimpiniam shiir waketkimtai enentáimprarmiayi. Ashí Jesusna aarma núnisaṉ túrunamiayi.

Juaṉ 14:16

Tura wéakun winia Aparun chikichan akuptúrmakti tusan seattajai. Nisha atumji̱a̱i̱ tuke pujak atsaṉtamprartatui.

Juaṉ 14:25

Atumji̱a̱i̱ tuke pujakun nuna tájarme.

Juaṉ 15:26

Tura atsaṉtamprattsa yáintmana nuna winia Aparuí̱ya̱ akuptúktatjarme. Nisha tuke nekas tiniu Wakaniti. Nisha Yusai̱ya̱ taa atumín nekamtikramattarme.

Juaṉ 16:7

Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti.

Juaṉ 2:22

Tuma asamtai Jesus ukunam jakamunmaya̱ nantakmiatai ni unuiniamuri̱ ni timian enentáimturar ni chichame̱ncha tura yaunchu Yus Papinium áarmancha “Nekasaiti” tu enentáimtusarmiayi.

Juaṉ 20:22

Nuyá̱ ni matsatmanumaani̱ umpuí chichaak “Yusa Shiir Wakaní̱ atumí enentái̱n waya̱ti.

Juaṉ 6:45

Yúsnan etserniu áarmari̱n tawai ‘Ashí Yus jintintiámu ártatui.’ Isa. 54:13 Núnisaṉ ashí Yusa Chichame̱n antukar unuimiátainiakka Winí̱ táiniawai.

Juaṉ 7:39

Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

Tur. 1:2

nayaimpiniam wétsuk ashí Ni túramia nuna tímiajme. Jesuska nayaimpiniam wakettsuk Yusa Wakaní̱ kakarmari̱ji̱a̱i̱ túratniua nuna ni akatrámuri̱n jintintiáwarmiayi.

Tur. 1:4

Jesuska ni akatrámuri̱ji̱a̱i̱ pujus nin chicharuk “Jerusaréṉnumia̱ wérap. Winia Apar ‘amastatjai’ timia nuna, paant ujakchamkajrum. Nu túrunat tusarum Jerusaréṉnum nákastarum.

Tur. 1:8

Tura atumsha Yusa Wakaní̱ kakarmari̱ sunastatrume. Ni taa eṉkemprutmamtai kakaram ajasrum Wí túramu etserkattarme. Emka ju̱i̱ Jerusaréṉnum etserkattarme. Nuyá̱ ashí Jutanam tura arant Samarianmasha tura nú arant ashí nuṉkanam werum Wí túramu etserkattarme” tímiayi Jesus.

Tur. 11:16

Nuiṉkia Uunt Jesus timian enentáimpramjai. Nisha tíchamka ‘Juaṉ entsaja̱i̱ṉ imiakratmiayi. Tura antsu Yusa Wakaní̱nkia imiantinia áintsaṉ atumí enentái̱n eṉkemprutmattarme.’ Nu timian enentáimpramjai.

Tur. 13:2

Tura chíkich tsawantai̱ nisha yurumtsuk Yusan áujeak pujuiniai̱ Yusa Wakaní̱ chichaak “Pirnapísha, Sáurusha akantúrkitiarum. Wi takatan súsaitjiana nuna takasarat tusarum túratarum” tímiayi.

Tur. 13:4

Tura nuya̱ṉka Yusa Wakaní̱ akupkam Pirnapísha Sáurusha jíinkiar Serusia péprunam jeawarmiayi. Nuyá̱ uunt kanunam eṉkemprar Chípriniam jeawarmiayi.

Tur. 15:28

Kame túratin asamtai iisha Yusa Wakaní̱ji̱a̱i̱ ju̱ áartin enentáimsaji. Namaṉ najankamu yus susamu ana nu yuáwairap. Tura numpasha umarairap. Kajemtikramu ana nusha yuáwairap. Tura peṉké tsanirmawairap. Nuya̱sha chíkichkia nú naṉkaamas tíchattaji. Tura antsu nu iniaisarmeka péṉker átatrume. Ayu, Yus waitmakarti.” Tu áarman akupkarmiayi.

Tur. 15:8

Tura Yus Niṉki ashí aentsu enentái̱n neka asa Wí shuar ajasmin áiniawai tusa ni Wakaní̱n Israer shuarchancha susamiayi, iin suramsamiaj nútiksaṉ.

Tur. 16:6

Tura Yusa Wakaní̱kia Páprun Yus Chichaman Asia nuṉkanam ujaktinian tsaṉkatkachmiayi. Tuma asamtai Príjianam tura Karaseanam wá̱i̱rkutak

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 2:4

Tuma asamtai Yusa Wakaní̱ ashí ni enentái̱n pimiutkarmiayi. Túram chichasarat tusa Yusa Wakaní̱ ni nekatairi̱ súsarmiayi. Tuma asamtai nuja̱i̱ nisha chíkich chichaman chichasarmiayi.

Tur. 20:28

Tuma asamtai emka atumek íimiastarum. Túrarum nuyá̱ chíkich Yus shuar iistarum. Yus shuaran wáinin ajastarum tusa Yusa Wakaní̱ achirmákurme. Yus shuar ainia núnaka ni numpe̱ja̱i̱ṉ Uunt Jesus sumakchakait.

Tur. 20:35

Kame átum takasrum atsumainia nusha yaiṉtarum tusan jintintiajrume. Wats, Uunt Jesusa chichame̱ enentáimsami. ‘Achíana núja̱i̱ṉkia naṉkaamas, súana nuka shiir waraawai’ tíchamka” tímiayi.

Tur. 28:25

Chikichkí enentaikⁱ enentáimsatin atsá asamtai jiinkí̱ wéartasa pujuarmiayi. Túmainiakui Papru chichaak “Nékaseṉ Yusa Wakaní̱ yaunchu Yúsnan etserin Isayas áarmari̱ji̱a̱i̱ ii úuntri̱n chicharuk ju̱na tímiayi

Tur. 5:3

Túramtai Pítiur chichaak “Ananíasa ¿urukamtai iwianchi uuntri̱ enentáimin eṉkemturmamtai Yusa Wakaní̱n anaṉkataj tusam nuṉka surukam kuit achikiumna nu akankám ikiurmásum?

Tur. 7:51

Tura átumka Israer shuartirmeka atumí enentái̱ji̱a̱i̱ tuke umichuitrume. Atumí kuishi̱sha weaktsui tura Yus nékachua núniniaitrume. Yusa Wakaní̱ji̱a̱i̱sha tuke nemasnaikiaitrume. Tura atumí yaunchu úuntri̱ji̱a̱i̱ métek túrarme.

Tur. 7:55

Tura Estepaṉsha imiá Yusa Wakaní̱ pimiutkamuyayi. Tuma asa nayaimpinmaani̱ íimias Yusa winchari̱n tura Yusa untsuurí̱ni̱ni̱ Jesusan wajan wainkiamiayi.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 15:16

Kame Jesukrístu Israer shuarchanum Yusa shiir chichame̱n etserkat tusa akuptúkuiti. Nuna túrakun Israer shuarchan Yusa Wakaní̱ji̱a̱i̱ shiir awajsamu ásarmatai Yusai̱ juíniajai. Tura Yussha shiir enentáiji̱a̱i̱ itiainiawai.

Rum. 5:5

Nu nákamuja̱i̱ ti shiir enentáimsar natsamshim nákamtsuji. Warí, Yuska ni Shiir Wakaní̱n suramsakrin ii enentái̱n pujurtamuk Yusa anenkartutairi̱n ti paant awajtúrmaji.

1 Kur. 12:3

Tura jú̱ja̱i̱ṉ shuar Yusa Wakaní̱ kakarmari̱ji̱a̱i̱ chichaana nu nekaamniaiti. Yusa Wakaní̱ji̱a̱i̱ṉkia shuar “Jesus yajauchiti” tíchamniaiti. Núnisan aya Yusa Wakaní̱ji̱a̱i̱ṉ “Jesus winia Úuntur asa akuptúktiniaiti” tíminiaiti.

1 Kur. 6:19

Yusa Wakaní̱ ame enentáimin pujurtamu asamtai ame aya̱shim ni je̱e̱nte. Nu Wakanniaka Yus amasuiti. ¿Nuka nékatsrumek? Tuma asamtai ame aya̱shim nérenchaitme.

2 Kur. 13:14

Uunt Jesukrístu waitnenkartutairi̱, Yusa aneṉkrattairi̱sha atumíin pujurtamsati. Tura Yusa Wakaní̱sha tuke nemartamsarti. Nu atí.

2 Kur. 6:6

Tunáa nakitrar wekaaji. Yus Chicham unuimiátraitji, shiir enentáiji̱a̱i̱ katsuntrar wekaaji. Chíkich shuar péṉker awajeaji. Yusa Wakaní̱ pujurtamkurin shuar nekas aneaji,

Ipi. 1:13

Núnisaṉ atumsha nekas uwempratin chicham antukrum Kristu nekas enentáimtusurme. Túrarum Kristu shuar ajasákrumin Yus ni shiir Wakaní̱n akuptúktaj timia nuna akuptúrmakmai. Nuna tura “nekas Wí shuaraitrume” tawai.

Ipi. 1:17

Ii Uuntri̱ Jesukrístu Aparí̱ Yus ti shiir asamtai Nin áujeakun ni Wakaní̱ ni nekatairi̱n suramas ashí jintintrámawarti tusan seajai. Nuja̱i̱ nuna naṉkaamas Yus nekaattarme.

Ipi. 4:30

Yusa Shiir Wakaní̱ kúntuts awajsairap. Warí, Yúsnaiti tusa pujurtamji. Tura pujurtamuk takamtsuk uwemtikramprattaji.

1 Tis. 4:8

Tuma asamtai shuar ju̱ chichaman nakitiakka aentsun nakitiatsui antsu Yusan nakitraiti. Tura nu Yussha tunaan túrashtinian ni Wakaní̱n amaawiti.

2 Tim. 1:14

Yus ámin takasat tusa suramsamu shiir takasta. Tura Yusa Wakaní̱ iin pujurtamaj nuna kakarmari̱ji̱a̱i̱ túrata.

Tit. 3:5

Yus iin waitnentrama asa iikia jú̱kesha péṉker túrachma ai̱ṉ uwemtikrampramiaji. ¿Itiurak uwemtikrampramiajⁱ? Ii tunaari̱n asakátrampramiaji nijiaktinia áintsaṉ. Tura Yusa Wakaní̱ pujurtamkurin ii iwiaakmari̱n yamarman amasmaji.

Isr. 10:15

Yusa Wakaní̱sha núnisaṉ tawai. Emka tímiayi

Isr. 2:4

Kame nu arantcha uwempratin chichaman ujatmainiakrin imiá nekas tuíniawai tusa aentsti túrachminian kakarman Yus iniakmasmiayi. Núnisaṉ ni Shiir Wakaní̱ ni wakerana núnisaṉ niisháa niisháa kakarmaja̱i̱ takamtikiawai. Nuja̱i̱ Yus Chichama nu paant nekanamniaiti.

Isr. 3:7

Nu asamtai Yusa Shiir Wakaní̱ Yus Papinium tawai “Yamaikia Yus tana nu ántakrumka

Isr. 9:8

Núja̱i̱ṉkia Yusa Wakaní̱ ju̱na paant ujakúyayi. Yus Shiir Awajtai̱ Je̱a̱ tuke pujakui ashí aents Imiá Shiir Tesamunam waya̱tniun tujintkiarmiayi.

1 Pit. 1:12

Tura ni pujuiniai̱ṉkia túrunashtinian antsu ti ukunam ii pujajnia ju̱i̱ túrunatniun Yus nekaamtikiamiayi. Núnaka Yusa shiir chichame̱n ujatmákarmia nú shuar nekaprutmarme. Nú shuar Yusa Wakaní̱ nayaimpinmaya̱ akupkámu ana nuna nekatairi̱ji̱a̱i̱ ujatmákurme. Maa, nu uwempratniun tájana nuna nayaimpinmaya̱ suntar nekaatai tusar wakeruiniawai túrasha tujintiainiawai.

2 Pit. 1:21

Warí, Yúsnan etserin aya ní enentái̱ji̱a̱i̱ṉ peṉké etserkacharmiayi. Antsu Yusa Wakaní̱ ni enentái̱n útsuam Yusna nuna etserkarmiayi.

1 Jṉ. 2:20

Antsu atumniaka Yusa Shiir Wakaní̱n Kristu suramsamtai ashí paant nékarme.

1 Jṉ. 2:27

Atumniasha Jesukrístu Yusa Shiir Wakaní̱n suramsakrumin, nú Wakan tuke pujurtamkurmin shuar jintintrámatin atsumatsrume. Antsu Yusa Wakaní̱ ashí jintintramprume. Ni jintintrammasha imiá nekas asa wáitchaiti. Tuma asamtai Ni jintintramna áintsarum Krístuja̱i̱ tuke tsaniṉkrum pujustarum.

1 Jṉ. 5:7

Nu asamtai menaint “Yusa Uchirí̱nti” Jesusan tuíniawai. Nayaimpiniam Yus Apa tura Jesukrístu, Chícham aa nu tura Yus Wakancha, nuṉkanmasha Yus Wakancha, entsasha tura numpasha. Mash métekrak tuíniawai.

Jut. 1:20

Tura átumka, aneamu yatsuru, tuke Yus nekas enentáimtusrum kakaram ajastarum. Yusa Wakaní̱ kakarmari̱ji̱a̱i̱ ashí Yus seatarum.

Apu. 2:11

Kuíshtinia nu shuar Yusa Wakaní̱ ashí Yus shuaran timian antukti. Nupetmakuka jimiará jákatniuka wáitsashtatui.’ Tu aartá” turutmiai.