Juaṉ 14:23 - Yus Papí: Shuarja̱i̱ Yus Yamaram Chicham Najanamu

²³ Jesus chichaak “Winia anentuka tájana nuna enentáimtawai. Winia Aparsha nu shuaran aneattawai. Tura Wisha winia Aparuí̱ nu shuarja̱i̱ tsaniṉkia pujustatji.

Juaṉ 14:23 Iomraidhean Croise

Naṉ. 1:26

Nuyá̱ Yus chichaak “Yamaikia Iiya jú̱nin métektaku aents najanatai. Tura aentska namaknasha nanamtinniasha taṉkuncha yajasmancha tura nuṉká japinias yujá ainia nunasha mash núpeteaku ártí” tímiayi.

Naṉ. 11:7

Tuma asamtai akaatúkir nuamtak chichainiaksha anturnaikiacharat tusar aentsu chichame̱ pachimprukartai” tímiayi.

YKan. 90:1

Uuntá Ámeka yáunchusha tura yamaisha nuyá̱ ukunam matsamártatna nunasha ejamtairi̱yaitme.

YKan. 91:1

Uunt Yusai̱ weatka nuka Ashí Tujintkiachu Yus ayamprúkma pujustatui.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 14:15

“Atumsha anentkurmeka winia chichamur umiktarum.

Juaṉ 14:17

Nusha Nekasa nú Wakaniti. Yus shuarcha Nin nekaachmin áiniawai. Tuma asamtai ni enentái̱n waya̱chminiaiti. Antsu átumka atumí enentái̱n pujakui Ni nékarme. Nisha atumí enentái̱n tuke pujustatui.

Juaṉ 14:21

Shuar Winia anentuka wi akupkámun nekáa umíawai. Nú shuarnaka winia Aparsha aneawai. Wisha nin aneajai tura nekarati tusan iniaktustatjai.” Jesus nuna tímiayi.

Juaṉ 14:24

Antsu Winia anentchaka tájana nuna enentáimtatsui. Átum ántarmena nú chichamka wíniachuiti antsu Yus Apa Winia akuptúkua Núnaiti.

Juaṉ 15:10

Winia Aparu akupkámuri̱n umíakun tuke ni aneamuri̱ntjiai. Núnisrumek winia akupkámur umíakrumka tuke winia aneamur átatrume.

Juaṉ 6:56

Winia aya̱shrun yúakka tura winia numparnasha úmakka Wi niin pujurjai tura ni Winí̱ pujurtawai.

Juaṉ 8:51

Ti nekasaiti. Wi tájana nuna enentáimta nú shuarka peṉké jákashtiniaiti” tímiayi.

Juaṉ 8:52

Nuiṉkia Israer shuar chicharainiak “Pai, yamaikia ti paant íwianch takakme. Aprajámsha ashí Yúsnan etserniusha jákaruiti tura Ame ‘Wi tájana nuna enentáimtaka peṉké jákashtiniaiti’ tátsumek.

2 Kur. 6:16

¿Iwiaaku Yusa je̱e̱ncha ántar yus pujustinkiait? Tura atumsha iwiaaku Yusa jé̱e̱ntrume. Yus Niṉki ni Papiri̱i̱n ju̱na tíchamka “Niji̱a̱i̱ tsaniṉkia pujusan niji̱a̱i̱ wekasartatjai tura ni Yusri̱ átatjai tura nisha Wí aents ajasártatui.” Riw. 26:12

Ipi. 3:17

Yus nekas enentáimtakrumin Kristu atumí enentái̱n pujusat tusan áujtajrume. Tuke yapají̱tsuk aneṉkratin átarum tusan áujtajrume.

1 Jṉ. 2:24

Yámankamtaikniumia̱ antukmiarum nu atumí enentái̱n pujurtamsati. Nu túrakrum atumsha Yusa Uchirí̱ji̱a̱i̱sha Yus Apaja̱i̱sha tuke tsaniṉkrum pujustatrume.

1 Jṉ. 2:5

Antsu shuar Yus tana nuna umireakka Yusan ti shiir aneawai. Túrakur Niji̱a̱i̱ tsaniṉkiar pujamu nékaji.

1 Jṉ. 4:4

Uchiru, átumka Yusna asarum Yus atumí enentái̱n pujawai. Tura ju̱ nuṉkanmaya̱ shuara enentái̱n íwianch pujawai. Atumíin pujana nuka niji̱a̱i̱ naṉkaamas kakaram asamtai wáitrin ainia nu nupetkaitrume.

1 Jṉ. 5:3

Yus aneakur Ni tana nu umiktatji.Mat. 11:30; Jṉ. 14:15 Ashí Yusa uchirí̱ya nu Yusan nekas enentáimta asa, ashí ju̱ nuṉkanmaya̱ írunna nuna núpeteawai. Nu asamtai Yus tana nu umirkatin itiurchatchaiti.

2 Jṉ. 1:6

Nekas anenkartinia nú shuar Yus akupkámun uminiaiti. Tura Yus akupkámuka “anenkartin tuke atarum” tawai. Nusha yámankamtaikniumia̱ antukuitrume.

Apu. 21:22

Yusa Uunt Je̱e̱ncha wáinkiachmajai. Antsu nú peprunam Uunt Yus Ashí Tujintkiachua nu tura núnisaṉ Muriksha nú peprun pímiutkui takamtsuk Níniuyi.

Apu. 21:3

Nayaimpinmaya̱ ti kakantar chichaamun antukmajai. “Iisiá, Yus yamaikia aentsja̱i̱ pujawai. Tuke niji̱a̱i̱ pujakui ashí ni shuari̱ ártatui. Tura niji̱a̱i̱ tuke pujak nekas tuke ni Yusri̱ átatui.

Apu. 22:3

Ashí yajauchia nuka atsuttawai. Uunt akupin pujutai̱ Yúsnasha Murikniasha nui̱ṉ aa asamtai ni shuari̱ ti paant wainiainiak tikishmátrartatui. Tura nijia̱i̱ncha ni naari̱ anujmamkartatui.