Juaṉ 14:21 - Yus Papí: Shuarja̱i̱ Yus Yamaram Chicham Najanamu

²¹ Shuar Winia anentuka wi akupkámun nekáa umíawai. Nú shuarnaka winia Aparsha aneawai. Wisha nin aneajai tura nekarati tusan iniaktustatjai.” Jesus nuna tímiayi.

Juaṉ 14:21 Iomraidhean Croise

2 Akup. 18:6

Tuma asa Úunt Yusai̱ya̱ peṉké kanatsuk antsu yaunchu Uunt Yus Muisaisan akupkámu chichaman áamtikramia nuja̱i̱ métek umikmiayi.

YKan. 35:27

Wi péṉker túramunam waitanentruinia nuka waras kantamáwarti. Tura Uunt Yus Ni takarniúri̱ aṉkant pujak shiir enentáimkiui nu aents iisar “Uunt Yus nekas shiir awajsamu atí” tuke tiartí.

Jiin. 33:18

Tutai Muisais chicharuk “¡Nuiṉkia kakarmarmiji̱a̱i̱ wincharum iniaktursata!” tímiayi.

Neka. 8:17

Kame anenta núnaka wisha aneenajai tura ásump enentáiji̱a̱i̱ émamkes e̱a̱tainia nuka wáitiainiawai.

Jrm. 31:31

Tura tsawant jeamtai Israer shuarja̱i̱ tura ashí Jutá shuarja̱i̱ yamaram chichaman Wi najanattajai.

Sup. 3:17

“Jiuwaka amiin pujawai tura kakarmari̱ji̱a̱i̱ uwemtikramprattawai. Ámin shiir enentáimturmak warastatui. Anenmamuja̱i̱ mitia apujtamsattawai tura waramuja̱i̱ kantamprútmattawai.

Ruk. 11:28

tutai Jesus chichaak “Antsu Yusa Chichame̱n antukar umirainia nuna nukurja̱i̱ naṉkaamas Yus ti yaiṉkiaru áiniawai” tímiayi.

Juaṉ 14:15

“Atumsha anentkurmeka winia chichamur umiktarum.

Juaṉ 14:18

Mitiaikia áitkiasnak ikiukchattajrume. Atumíin atak tátatjai.

Juaṉ 15:14

Wi akupeamu takaakrumka atumsha winia amikruitrume.

Juaṉ 16:14

Ashí Wínian ujatmak Winia shiir awajtústatui.

Juaṉ 17:23

Amesha Winí̱ init pujakmin tura Wi ni enentái̱n pujakui nisha peṉké chikichik ajasárti. Túramtai Ame akuptúkuitmena tura Winia anenmena áintsam nu shuarsha aneamna nuna ashí shuar nekaawartatui.

Tur. 22:18

Nui̱ Jesus chichartak ‘Ju̱i̱ Jerusaréṉnum Wí túramur etserkattamna nuna antukchartatui. Tuma asamtai wari jiinkim wetá’ turutmiai.

2 Kur. 12:8

Nuka jurutkitia tusan Úuntan menaintiú seamjai.

2 Kur. 3:18

Nu asamtai iisha ii yapi̱ tarachji̱a̱i̱ nukukchamu asar íspikia núnisketji. Uunt Kristu péṉkeri̱ iniakmaji. Kristu péṉkeri̱ nú nukap takaki̱ wéakur Krístuja̱i̱ métek ajastasa pujaji. Yusa Wakaní̱ṉkia nuna túrawai.

2 Kur. 4:6

Yaunchu kiritin aan Yus tsáapin ati tusa tsáapnin awajsachmakia. Nú Yúsaiti ii enentái̱n tsáapnin awajtámsamia nu. Nu tsáapniji̱a̱i̱ ni shíirmari̱n Jesukrístu iniakmana nuna ashí aents nekaawarat tusar Jesukrístunu étsereaji.

Muis. 11:13

Uunt Yusan aneenak takamtsuk enentái̱ji̱a̱i̱ tura wakantiuk enentáimtusrum umíakrumni̱ṉkia warirmeksha tátramsachartatui. Tura yumisha núnisaṉ tí peṉker yuturtamiartatui. Túmakui̱ yurumkarmesha péṉker nerenakui núkap taramkarum núnisaṉ sá̱a̱krumsha péṉker tsapainiakui ti shiir matsamsattarme.

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

2 Tim. 4:22

Ii Uuntri̱ Jesukrístu ámiji̱a̱i̱ tsaniṉ pujusti. Tura Yus ashí péṉker waitmakarti. Nuke atí.

1 Jṉ. 2:5

Antsu shuar Yus tana nuna umireakka Yusan ti shiir aneawai. Túrakur Niji̱a̱i̱ tsaniṉkiar pujamu nékaji.

1 Jṉ. 3:1

Maa, shiir enentáimpratarum. Yus Apa ti anenma asa “winia uchir” tu anaitiamkaitji. Kame nekas ni uchirí̱ntji. Tuma asakrin jú̱ nuṉkanmaya̱ Yus shuarcha nekarmainiatsji. Kame Yusnasha nékainiatsui.

1 Jṉ. 5:3

Yus aneakur Ni tana nu umiktatji.Mat. 11:30; Jṉ. 14:15 Ashí Yusa uchirí̱ya nu Yusan nekas enentáimta asa, ashí ju̱ nuṉkanmaya̱ írunna nuna núpeteawai. Nu asamtai Yus tana nu umirkatin itiurchatchaiti.

2 Jṉ. 1:6

Nekas anenkartinia nú shuar Yus akupkámun uminiaiti. Tura Yus akupkámuka “anenkartin tuke atarum” tawai. Nusha yámankamtaikniumia̱ antukuitrume.

Apu. 2:17

Kuíshtinia nu shuar Yusa Wakaní̱ ashí Yus shuaran timian antukti. Nupetmakunka maná yurumkan u̱kma nuna ayurattajai. Nuyá̱ kaya pújun susattajai. Nu kayanam yamaram naari̱ aarma átatui. Nunasha chíkich shuarka peṉké nékatsa̱i̱ṉ aya achía nuke nekaattawai.’ Tu aartá” turutmiai.

Apu. 22:14

Ni pushiri̱ péṉker nijiamatniua núnisaṉ péṉker túrinia nú shuar shiir warasminiaiti. Nu shuar nu pepru wáitiri̱ncha waya̱mniaiti. Túrar tuke iwiaaku pujutai̱ numinmaya̱ yuámniaiti.

Apu. 3:20

Enentáimprata. Shuar wáitiniam wajas untsumna áintsanak Wi ámin untsúajme. Winia anturtukam ame enentáimin awa̱intiakminkia Wi wai̱ntiuattajme. Tura waya̱n ámiji̱a̱i̱ yurumáttajai. Tura amesha Wiji̱a̱i̱ yurumáttame.