Juaṉ 14:16 - Yus Papí: Shuarja̱i̱ Yus Yamaram Chicham Najanamu

¹⁶ Tura wéakun winia Aparun chikichan akuptúrmakti tusan seattajai. Nisha atumji̱a̱i̱ tuke pujak atsaṉtamprartatui.

Juaṉ 14:16 Iomraidhean Croise

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Juaṉ 14:14

Winia enentáimtursarum seakrumni̱ṉkia ashí túrattajai” tímiayi.

Juaṉ 14:18

Mitiaikia áitkiasnak ikiukchattajrume. Atumíin atak tátatjai.

Juaṉ 14:26

Yus Apa ni Shiir Wakaní̱n atumín yáintmak atsaṉtamprarat tusa akuptúrmaktatrume. Wi seam túrattawai. Nu Wakancha ashí Wi ujakjarmena nuna atak enentáimtikramprar ashí unuitiamprartatui.

Juaṉ 15:26

Tura atsaṉtamprattsa yáintmana nuna winia Aparuí̱ya̱ akuptúktatjarme. Nisha tuke nekas tiniu Wakaniti. Nisha Yusai̱ya̱ taa atumín nekamtikramattarme.

Juaṉ 16:22

Atumsha núnisrumek yamaik kúntuts pujarme. Tura atak íitjiarum tusan winiakui ti shiir atumí enentái̱n warastatrume. Nu warastinian jurutrámkichmin áiniawai.

Juaṉ 17:15

Jú̱ nuṉkanmaya̱ ji̱i̱ra̱i̱ tusan seatsjame. Antsu emesmau nin nupetkar yajauch awajsara̱i̱ṉ tusan seajme.

Juaṉ 17:20

Aya níniunkeka seatainiatsjame antsu ashí ni chichame̱ncha antukar Winia nekas enentáimtursartatna nusha ame yaiṉkiarta tusan seajme.

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 7:39

Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

Tur. 1:4

Jesuska ni akatrámuri̱ji̱a̱i̱ pujus nin chicharuk “Jerusaréṉnumia̱ wérap. Winia Apar ‘amastatjai’ timia nuna, paant ujakchamkajrum. Nu túrunat tusarum Jerusaréṉnum nákastarum.

Tur. 13:52

Yusa Wakaní̱sha pimiutkamu ásar Yus shuarka ti warasarmiayi.

Tur. 9:31

Tura Jutanmaya̱, Kariréanmaya̱sha, Samarianmaya̱sha Yus shuar shiir aṉkant ajasár kakaram ajasármiayi. Yusan ashamainia ásar tura Yusa Wakaní̱ yaya̱mu ásar kaweṉki̱ kaweṉki̱ wéarmiayi.

Rum. 14:17

Kame Yus umirkatin yurumátniuja̱i̱sha umartinji̱a̱i̱sha enentáimtuschatniuiti. Antsu Yusa Wakaní̱ji̱a̱i̱ shiir wekasar Yusja̱i̱ tura shuarja̱i̱ nawamnaikiar tí peṉker wekasatniuitji.

Rum. 15:13

Jintia íimprutai̱ Yuska Yus enentáimtakrumin ashí warastinniasha tura ashí aṉkant shiir pujustinniasha suramsati. Túramtai Yusa Shiir Wakaní̱ kakarmari̱ji̱a̱i̱ nuna naṉkaamas jintia íimprustinian amasti.

Rum. 5:5

Nu nákamuja̱i̱ ti shiir enentáimsar natsamshim nákamtsuji. Warí, Yuska ni Shiir Wakaní̱n suramsakrin ii enentái̱n pujurtamuk Yusa anenkartutairi̱n ti paant awajtúrmaji.

Rum. 8:34

Tura ¿yaki “jinium apenáti” titi? Warí, Kristu peṉké túrashtatui. Antsu nu shuaran jarukmiayi. Tura nantaki̱ Yusa untsuurí̱ni̱ ekemas iin áujturmaji.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Jir. 2:1

Kristu ikiantamkuisha ni aneṉkrattairi̱ atsaṉtamkuisha, ni Wakaní̱ atumji̱a̱i̱ pujakuisha, aneṉkratniuitkiurmesha, waitneṉkratniuitkiurmesha

2 Tis. 2:16

Ii Uuntri̱ Jesukrístusha tura ii Aparí̱ Yussha tí peṉker ásar iincha anenmatsjik. Tura waitnentrama ásar iincha shiir enentáimtikramji. Tura nú naṉkaamas ii tuke péṉker pujustinian ikiurtámsaitji.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Jṉ. 2:1

Yus shuartiram tunaanum iniaara̱i̱rum tusan ju̱ papí áateajrume. Túrasha Yus shuar yajauch túramtaiṉkia ii Aparí̱i̱n iin chichamprútma takakji. Nuka Jesukrístuiti. Nisha nekasa nuja̱i̱ métek ayamprutmaitji.

1 Jṉ. 2:27

Atumniasha Jesukrístu Yusa Shiir Wakaní̱n suramsakrumin, nú Wakan tuke pujurtamkurmin shuar jintintrámatin atsumatsrume. Antsu Yusa Wakaní̱ ashí jintintramprume. Ni jintintrammasha imiá nekas asa wáitchaiti. Tuma asamtai Ni jintintramna áintsarum Krístuja̱i̱ tuke tsaniṉkrum pujustarum.

2 Jṉ. 1:2

Nekas chicham tuke amuutsuk ii enentái̱n pujá asamtai aneajrume.