Juaṉ 14:13 - Yus Papí: Shuarja̱i̱ Yus Yamaram Chicham Najanamu

¹³ Ashí Winia enentáimtursarum seatrumna nuna amastatjai. Núja̱i̱ṉkia winia Apar shiir awajnástatui.

Juaṉ 14:13 Iomraidhean Croise

Mat. 21:22

Ashí Yus áujeakum seamna nu, Yus nekas enentáimtakum seakmeka wainkiattame” tímiayi.

Mat. 7:7

Yus seakrumin suramsattawai. E̱a̱krumka wainkiattarme. ‘Winiajai’ tákurmin awa̱intiámattarme.

Mar. 11:24

Tuma asamtai tájarme ashí Yus áujkuram searmena nuna suramsattarme. ‘Wi seajna nuna yamái takakjai’ tu enentáimkiurmeka wainkiattarme.

Ruk. 11:9

Tuma asamtai tájarme Yus seatarum túrakrumin suramsattarme. E̱a̱krumka wainkiattarme. ‘Winiajai’ tákurmin awa̱intiámattarme.

Juaṉ 10:30

Wikia winia Aparja̱i̱ aya chikichkitji” tímiayi Jesus.

Juaṉ 12:44

Jesus kakantar untsumuk “Winia enentáimturuk aya Winiak enentáimturtsui antsu winia Aparun Winia akuptúkua nunasha enentáimtawai.

Juaṉ 13:31

Jútas jiinkimtai Jesus chichaak “Wi Aents Ajasu asamtai winia kakarmar yamaikia paant átatui. Tura wi túramuja̱i̱ Yusa kakarmari̱sha ti paant átatui.

Juaṉ 14:14

Winia enentáimtursarum seakrumni̱ṉkia ashí túrattajai” tímiayi.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 15:16

Aya atumí enentáimsamuri̱ji̱a̱i̱ṉ Wí shuar ajaschamarme. Antsu akatrámur ajastarum tusan atumniaka achikmajrume Wi. Winia takatur takastiniaitrume. Túrarum péṉker túratniuitrume nerektinia áintsarmek. Tura nu nere amuutsuk tuke átiniaiti. Tuma asamtai winia Apar searmena nuna amastatui.

Juaṉ 15:7

Tuke Winí̱ áchitkiaitkiurmeka tura Winia Chichamprusha kajinmáttsuk emetarmeka átum wakerarmena nu seakrumin amastatjai.

Juaṉ 16:23

Nu tsawantinkia peṉké ininsashtatrume. Ti nekas tájarme Winia enentáimtursarum winia Apar searum nuna ashí amastatui.

Juaṉ 16:26

Nu tsawantai̱ átumka Winia enentáimtursarum winia Apar seattarme. Winia Aparsha atumín anea asamtai Wi Nin áujsatin atsumashtatrume. Winia anentu asarum tura winia Aparuí̱ya̱ táman enentáimtakrumin Nisha anenmawai.

Juaṉ 16:7

Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti.

Juaṉ 4:10

Tutai Jesus chichaak “Yus súamu nékakmeka tura entsan seatmana nusha nékakmeka nekaska ame seawaintme tura Niṉkia iwiaaku entsan amasainti.”

Juaṉ 4:14

Antsu Wi súajna nú entsan umarka atakka peṉké kitiamchattawai. Antsu nu entsaka ni enentái̱n púkuni̱ya̱ ántsaṉ tuke pajamtitiawai tura nuja̱i̱ tuke iwiaaku pujustatui.”

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Juaṉ 7:37

Námper amúamunam ti shiir najanawarmia nu tsawantai̱ Jesus wajaki̱ kakaram chichaak “Shuar ni enentái̱n kitiamakka Winin taa umar kitiakén imikrati.

1 Kur. 14:13

Nu asamtai niisháa chichamja̱i̱ chichaitkiumka chichasumna nu jintiartin Yus seatá.

Ipi. 2:18

Yamaikia Israer shuartisha tura Israer shuarchasha mái̱ metek Kristu túrunamuja̱i̱ tura Yusa Wakaní̱ takaku asar Yusai̱ jeatniuitji.

Ipi. 3:12

Tura Krístuja̱i̱ Yusai̱ yúpichuch jeaji. Tura Nin nekas enentáimtusar sapijmiatsuk Nin tantamniaitji.

Ipi. 3:14

Nu asamtai ii Uuntri̱ Jesukrístu Aparí̱n tikishmátran áujtajrume.

Jir. 4:13

Kristu ni kakarmari̱n surakui ashí túramniaitjiai.

Kurs. 3:17

Tura takaakmesha, chichaakmesha kame ashí túramna nuka Jesukrístu shiir awajsataj tusam ni kakarmari̱ji̱a̱i̱ṉ túrata. Túrakum Krístuja̱i̱ Yus Apa yumiṉsata.

Isr. 13:15

Tuma asar taṉku maar Yus sútsuk antsu shiir chicham súakur tuke Yus shiir yúmiṉkiaji. Tuke núnisar túratai.

Isr. 4:15

Nisha iiji̱a̱i̱ métek ashí yajauchiji̱a̱i̱ nekapsamuiti. Túrasha yajauchin peṉké túrachmiayi. Tuma asa ii tujintiaj nuna paant nékak ii itiurchatri̱n waitnentramniuitji. Tura Yúsnan pujurniu uuntri̱ asamtai

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

San. 1:5

Átum náṉkamsarmek nekaatin tujintiakrumka Yusa nekatairi̱ seatá. Shuar seakui Yuska kajetsuk tura ementutsuk antsu patatas suawai. Tuma asamtai seakminkia suramsattawai.

San. 5:16

Nu asamtai atumí tunaarí̱ paant etsertunaiktarum. Túrarum Yus áujtunaistarum atumí tunaarí̱ tsaṉkurnarat tusarum. Péṉker shuar Yusan nekas enentáiji̱a̱i̱ áujeamuri̱ṉkia ti kakarmaiti.

1 Pit. 2:5

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

1 Jṉ. 3:22

Tura ni wakeramu túrakrikia tura ni chichame̱sha umiru asakrin ashí ii seaj nuna suramsattaji.

1 Jṉ. 5:14

Yus wakeramuja̱i̱ métek seakrinkia anturtamji. Tura anturtamkurin ii seamaj nu nekas takusua nu enentáimpramniaitji. Nu neka asar Yus ti shiir enentáimtaji.