Juaṉ 14:12 - Yus Papí: Shuarja̱i̱ Yus Yamaram Chicham Najanamu

¹² Wi tájarmena nu ti nekasaiti. Winia enentáimturna nu Wi túrajna nuna túrattawai. Tura winia Aparuí̱ wéakui nuna naṉkaamas tujintiamun túrattawai.

Juaṉ 14:12 Iomraidhean Croise

Mat. 21:21

Tuíniakui Jesus chicharainiak “Nekasan tájarme, Yus nekas enentáimtakrumka ‘nekaspash túrat’ táchakrum íkiun túrajna nusha túramniaitrume. Tura nu arantcha nu naint ‘ékemtam nayantsanam inianta’ tutai túrunattawai.

Mar. 11:13

Tura arant wajan ikiu numiri̱n núkenniun wainiak nereatsuash tusa iyumiayi. Tura nereshtai̱ri̱n asamtai neren peṉké wainkiachmiayi.

Mar. 16:17

Shuar winia náarun pachis Yusan nekas enentáimtakka Yusa kakarmari̱n iniakmastaj tusa ju̱na túrawartatui, iwianchin ji̱i̱ki̱ akupkartatui, chíkich chichamja̱i̱ chichasártatui,

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 16:7

Tura Wi wématai atumji̱a̱i̱ṉkia nuna naṉkaamas péṉker átatui. Iis, Wi wéaknaka atumín yaintmaktinia nuna akupkáttajai tura wéachkuiṉkia táchattawai. Nuka ti nekasaiti.

Juaṉ 4:37

Kame ‘Chíkich araawai tura chíkich juwawai tutaiya nuka nekasaiti.’

Juaṉ 5:20

Ni Uchirí̱ asamtai Winia Apar anentui. Ashí túraj nuna iniakturui túrasha Wi túratniunka nuna naṉkaamas tujintkiachminian iniaktursattawai. Atumsha Wi nuna túrakui nekas ashamkattarme.

Juaṉ 7:33

Nuyá̱ Jesussha chicharainiak “Aya ishichik tsawant atumji̱a̱i̱ pujustatjai. Nuyá̱ ataksha Winia akuptúku pujana nui̱ waketkittiajai.

Juaṉ 7:39

Nuna taku Jesus “Ashí Yusan enentáimtusarun Yusa Shiir Wakaní̱ súsatniuiti” tímiayi. Tura núnisaṉ Yus Papiniumsha áarmaiti. Antsu Jesus tuke nayaimpiniam wéatsa̱i̱ṉ Yusa Wakaní̱ shuar súsachmauyayi.

Tur. 16:18

Tura nú nuwa̱chisha ti núkap tsawant tu wekaimiayi. Títmakui Papru ayanmar iwianchin chicharuk “Jesukrístu náari̱ji̱a̱i̱ tájame ni enentái̱ya̱ jiinkitia” tutai íwianchkia nú chichamaik jiinkimiayi.

Tur. 19:12

Jáanchniasha pushincha Papru antiṉman júkiar náṉkamas jaa shuar ejeetim, nú jaa shuar nuna antiṉkiar péṉker ajaarmiayi. Iwianchrukusha nuna antiṉkiar íwianch jiinkimtai aṉkant ajaarmiayi.

Tur. 2:33

Yuska Jesus naṉkamantuiti tusa ni untsuurí̱ni̱ apujsaiti. Tura ni Wakaní̱n Jesusan súsaiti Ni yaunchu timia nútiksaṉ. Tuma asamtai ju̱sha átum antukurmena nuna tura íisurmena nunasha Yus suramsaiti.

Tur. 2:41

Tuma asamtai nuna antukarmia nuka imianiarmiayi. Nú tsawantai̱ menaintiú mir aents Yus shuar ajasármiayi.

Tur. 4:16

áujmatainiak “Ju̱ Pítrusha ju̱ Juaṉsha itiurkatjik. Ju̱ uunt túrunamun Jerusaréṉnum matsatainia nu ashí nékainiatsuk. Wáitiaiti títin tujintiaji.

Tur. 4:33

Tura Jesusa akatrámuri̱sha Yus ti yaya̱mu ásar Yusa kakarmari̱ji̱a̱i̱ Uunt Jesusa nantakmiari̱n tuke etseras pujuarmiayi.

Tur. 4:4

Tura Pítrun nuik anturkarmia nú aents untsurí Kristu nekasaiti tu enentáimtusar Yus shuar ajasármiayi. Ashí Yus shuar iruram ti untsurí ajasármiayi. Aya áishmaṉkak seṉku mir aents ármiayi.

Tur. 5:15

Tura chíkich aents ni shuari̱ jainia nuna jintiá amamtikiarmiayi. Peakja̱i̱ júkiar tampunmasha eṉkeawar júkiar jintiá ayamach áepsarmiayi. Pítiur naṉkaamak ni mikintrari̱ṉsha naṉkaatamkinti tusar nu shuar túrawarmiayi.

Tur. 6:7

Túrasha Yusa Chichame̱nka tuke pampaṉki̱ wémiayi. Nui̱ Jerusaréṉnumsha Yus shuar ti kaweṉkarmiayi. Tura imia Yúsnan pujurniu úuntri̱sha untsurí Yus Chichaman umiriarmiayi.

Tur. 8:7

Ti untsurí aents iwianchruku armia nuna Jirip nu iwianchin ji̱i̱rki̱ akuptiarmiayi. Tura íwianch jiiniainiak kakantar charáa tiar jiiniarmiayi. Tura ti untsurí emearusha shutuapsha péṉker ajasármiayi.

Tur. 9:34

Tura Pítiur chicharuk “Eneasa, Jesukrístu tsuármawai. Nantaktia. Tura esekmatai̱ram iwiarata” tímiayi. Tutai Eneas nu chichamaik nantakmiayi.

Tur. 9:40

Nuya̱ṉka Pítiur a̱a̱ ashí akupkarmiayi. Tura nisha niṉki tikishmar Yusan áujsamiayi. Nuya̱sha nuwa̱n jaka tepan iis chichaak “Tapitia nantaktia.” Tutai nisha iimi Pítiur wajaan wainiak nantaki̱ pujusmiayi.

Rum. 15:19

Yusa Shiir Wakaní̱ kakarmari̱ji̱a̱i̱ aents tujintiamun túran ashí shuaran Jerusaréṉnum naṉkaman etserkin Iririkiu nuṉkanam ejekamjai. Kristu chichaman ashí nu nuṉkanam etserkaitjiai.