Juaṉ 14:11 - Yus Papí: Shuarja̱i̱ Yus Yamaram Chicham Najanamu

¹¹ Nekaatarum. Wisha winia Aparja̱i̱ tsaniṉkia pujakur nekas chikichkitji. ‘Nu chicham itiurchataiti’ enentáimkiurmeka wi túramu nuikia enentáimpratarum. Wi túramuja̱i̱ chikichik ájinia nu páantchakait.

Juaṉ 14:11 Iomraidhean Croise

Juaṉ 10:25

Tutai Jesus chichaak “Yaunchu tiniu ai̱ṉ enentáimturachmarme. Winia Apar akupkámun takaajna nu ti paant awajtawai.

Juaṉ 10:32

Jesussha chichaak “Winia Aparu kakarmari̱ji̱a̱i̱ ti untsurí péṉkera nuna takasuitjiai. ¿Túja̱i̱mpia mantuattarum?”

Juaṉ 10:38

Tura nekas túrakuiṉkia enentáimtursatarum. Tura Winia nakitrakrumsha nuikia wi túramu enentáimtustarum. Núja̱i̱ṉkia winia Apar Winin pujamu ashí nekaattarme. Núnisnak Wisha Niin pujajai. Iisha chikichkitji.”

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 14:20

Tura nu tsawantai̱ ju̱ nekaattarme. Wisha winia Aparja̱i̱ tsaniṉkia pujakur chikichkitji. Núnisnak Wisha atumji̱a̱i̱ tsaniṉkian pujajai. Tura atumsha Wiji̱a̱i̱ tsaniṉkia pujarme.

Juaṉ 5:36

Tura Winia ‘Yusai̱ya̱iti’ túrutna nuka, Juaṉja̱i̱ naṉkaamas péṉkeran Wikia takakjai. Wi takasmajna nuiti. Winia Apar takastinian surusma nuna takaakun nuja̱i̱ páantaiti Yus Apa akupkámuitjiai.

Tur. 2:22

Tura Pítiur tuke chichaak “Israernumia̱ shuartiram, wi títiatjana nu antuktarum. Nasarétnumia̱ Jesusnan tajai. Nú Jesusan Yus shiir enentáimtawai. Yuska átum ti enentáimprarum ni kakarmari̱n paant nekaatarum tusa nú Jesusan ti ikiaká̱rmiayi. Tura Jesusja̱i̱ aentsti túrachminian átum íimmianum Yus túramiayi. Nuka ti paant nékarme.

Isr. 2:4

Kame nu arantcha uwempratin chichaman ujatmainiakrin imiá nekas tuíniawai tusa aentsti túrachminian kakarman Yus iniakmasmiayi. Núnisaṉ ni Shiir Wakaní̱ ni wakerana núnisaṉ niisháa niisháa kakarmaja̱i̱ takamtikiawai. Nuja̱i̱ Yus Chichama nu paant nekanamniaiti.