Juaṉ 13:9 - Yus Papí: Shuarja̱i̱ Yus Yamaram Chicham Najanamu

⁹ Tutai Semuṉ Pítiur chicharuk “Nuiṉkia Uuntá, aya nawerkechu antsu uwejrusha tura muukarsha nijiatrurta” tímiayi.

Juaṉ 13:9 Iomraidhean Croise

YKan. 26:6

Winia uwejrunka nijiamaran tunaarincha awajsaitjiai. Nuní̱ túran Uunt Yus áestutairmi yantamén wekasattajai.

YKan. 51:2

Winia yajauch túrutair japirturam tunaarusha mash asaktúrata.

YKan. 51:7

Uruchji̱a̱i̱ japirtinia núnis tunaar japirturta. Túrutawakmin enentái̱rui̱ṉkia michaja̱i̱ naṉkaamas puju ajastatjai.

Jrm. 4:14

Maa, Jerusaréṉká uwemprataj tákumka netse enentáim yapaji̱áta. Tura yajauch túruktin iwiarkam takakmena nusha ¿urutáiṉ iniaisatam?

Mat. 27:24

Tura Piratu Jesus uwemtikrachminiaitkiui antsu ashí shuar charaatum ajainiakui entsa uturtitiarum tusa seamiayi. Tura ashí iimiainiai̱ṉ ikijmiak chichaak “Ju̱ péṉker áishmaṉ mátniunam wikia pachintsujai. Antsu atumek iistarum.”

Juaṉ 13:10

Tura Jesus chichaak “Yamái mainkia aya̱shí̱ shiir asamtai aya nawe̱ni̱ṉ nijiamártiniaiti. Atumí enentái̱n ashí péṉkeraitrume. Túrasha ashí shuarcha” tímiayi.

Juaṉ 13:8

Tutai Pítiur chichaak “Peṉké winia nawerka nijiarchattame” takui̱. Jesussha chichaak “Wi nijiaachkuiṉkia Wiji̱a̱i̱ tsaniṉkia pujuschamniaitme.”

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

1 Pit. 3:21

Nu yumi Yus shuarti imiantinian nakumui. Ii aya̱shi̱ chamir awajsatai tusar imiantsuji. Antsu ii enentái̱ péṉker atí tusar Yus sear imianji. Nuja̱i̱ iisha uwemji. Jesukrístu nantakin asamtai nuja̱i̱ uwempraitji.