Juaṉ 13:8 - Yus Papí: Shuarja̱i̱ Yus Yamaram Chicham Najanamu

⁸ Tutai Pítiur chichaak “Peṉké winia nawerka nijiarchattame” takui̱. Jesussha chichaak “Wi nijiaachkuiṉkia Wiji̱a̱i̱ tsaniṉkia pujuschamniaitme.”

Juaṉ 13:8 Iomraidhean Croise

Naṉ. 42:38

Takui̱ Jakupsha chichaak “Uchir Piṉjiamínnaka akupkashtatjai. Warí ni yachi̱ Jusesha jákachukait tura Piṉjiamínchik juatrukchakait. Nékachma jintiá meṉkaakuiṉkia wi úuntan úttin jáakuisha nuka atumniak átatui” tímiayi Jakup.

2 Sam. 20:1

Kame chikichik áishmaṉ netse Piṉjiamín shuar Pikri uchirí̱ Shiwia nui̱ pujumiayi. Tura ní kachun umpuar chichaak “Iikia Tawitiai̱ṉkia wariṉkish takurmaktsuji ántsaṉ iiniu átincha Isái uchirí̱nkia atsawai. ¡Israerá aṉkant aṉkant atumí je̱e̱n waketratarum!” tímiayi

1 Akup. 12:16

Nuiṉkia ashí Israer shuar ni searmia nu anturkacharam nisha chichainiak “Iisha Tawitji̱a̱i̱sha ¿warí íistiniaitiajⁱ? ¡Isái uchirí̱ Tawitia shuari̱ṉkia iiniu átinkia peṉké atsawai! ¡Israer shuartirmeka atumí je̱e̱n waketkitiarum! ¡Yamaikia Tawitia, amé shuarak Iistá!” Nui̱ṉkia Israer shuarka ni je̱e̱ni̱i̱ṉ waketrarmiayi.

YKan. 51:2

Winia yajauch túrutair japirturam tunaarusha mash asaktúrata.

YKan. 51:7

Uruchji̱a̱i̱ japirtinia núnis tunaar japirturta. Túrutawakmin enentái̱rui̱ṉkia michaja̱i̱ naṉkaamas puju ajastatjai.

Isa. 4:4

Tura Uunt Yus sumamtiktai̱ tura asutkiartutai̱ wakanja̱i̱ asutiá Seuna nawantri̱ mui̱jmiai̱ntri̱n tura Jerusaréṉnum numpa upuramun japirartatui.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Mat. 16:22

Takui̱ Pítiur akaṉkí̱ jukí̱ chicharuk “Uuntá, nuka peṉké túrunashtatui. Áminkia túrutmacharminiaiti” tímiayi.

Mat. 21:29

tutai uchi ‘Atsá, nakitiajai’ táyat urum enentáimiar takaumai.

Mat. 26:33

Takui̱ Pítiur chichaak “Chíkich natsantramainiakuisha wikia túrashtatjai”

Mat. 26:35

Pítiur chicharuk “Maa, Ámiji̱a̱i̱ métek mántuiniakuisha peṉkesha natsantrashtatjame.” Ashí ni unuiniamuri̱ núnisaṉ tiármiayi.

Juaṉ 13:6

Semuṉ Pítiur jearin Pítiur chichaak “Uuntá, ¿winia nawer nijiartaj tamek?”

Juaṉ 13:9

Tutai Semuṉ Pítiur chicharuk “Nuiṉkia Uuntá, aya nawerkechu antsu uwejrusha tura muukarsha nijiatrurta” tímiayi.

Juaṉ 3:5

Ataksha Jesus aya̱k “Ti nekas tájame. Shuar entsaya̱sha tura Wakanniúmia̱sha akiiniachuka Yus akupeamunam peṉké pachinkiashtatui.

Tur. 22:16

Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

Ipi. 5:26

Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi.

Kurs. 2:18

Tura shuar “Péejchach ajasam Yus áujtsuk aya Yusa suntari̱ shiir awajsatniuiti” túramkuiṉkia anturkairap. Nu shuar mesekranam wainkiamun áujmatenak ántar naṉkamantu enentáimtumainiawai. Aya aentsti enentáimian chichainiawai.

Kurs. 2:23

Shuar nu akupkámu umiiniak Yúsnan ti nékaitjiai tura Yus shiir enentáimturui tu enentáimtumainiawai. Nu arantcha péejchach ajasan winia aya̱shrun ti asutiájai tu enentáimtumainiawai. Túrasha aya̱sh wakeramunka nupeteatsui.

Tit. 3:5

Yus iin waitnentrama asa iikia jú̱kesha péṉker túrachma ai̱ṉ uwemtikrampramiaji. ¿Itiurak uwemtikrampramiajⁱ? Ii tunaari̱n asakátrampramiaji nijiaktinia áintsaṉ. Tura Yusa Wakaní̱ pujurtamkurin ii iwiaakmari̱n yamarman amasmaji.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.