Juaṉ 13:5 - Yus Papí: Shuarja̱i̱ Yus Yamaram Chicham Najanamu

⁵ Nuyá̱ nijiaamatainium entsan yará ni unuiniamuri̱ nawe̱n nijiatramiayi. Tura awaṉkémja̱i̱ japirmiayi.

Juaṉ 13:5 Iomraidhean Croise

Naṉ. 18:4

Atumji̱a̱i̱ péṉkeraitkiuiṉkia atumí nawe̱ nijiartin yumi utitiá tusa akupnákti. Tura atumsha numí kampui̱n mikintrana nui̱ ishichik ayampratarum.

Naṉ. 19:2

Tura chichaak “Úuntrutiram, waitneasrum jú̱ kashi winia je̱a̱rui̱ kanartarum tusan seajrume. Nui̱ atumí nawe̱ nijiarum yurumárum kanaarum kashin káshik wemintrum” tímiayi. Tutai aimiainiak “Atsá, amiin kanarchattaji antsu aya a̱a̱ṉ pujustatji” tiármiayi.

Naṉ. 43:24

Nuyá̱ Jusé je̱e̱n awayá̱war ni nawe̱n nijiararat tusa entsan súsarmiayi tura ni umpururi̱ncha ayurtuawarmiayi.

YKan. 51:2

Winia yajauch túrutair japirturam tunaarusha mash asaktúrata.

Isa. 1:16

Antsu átumka nijiamarum japimiarmena núnisrum tura atumí yajauch túrutai̱ Wi íimmianumka iniaisatarum. Nuyá̱ yajauch túrutai̱sha nekas iniaisatarum.

Isk. 36:25

Tura péṉker entsaja̱i̱ ukatran ashí yajauchia nuyá̱ atumí tunaari̱ncha tsaṉkurattajai. Nuyá̱ najankamu yus enentáimtutai̱nmaya̱sha aṉkant awajsattajrume.

Riw. 14:8

Tura imiatkincha ajaana nuka pushiri̱n nijiá nuyá̱ intiashí̱ncha kesá kesá ajas máitniuiti. Nuna tura imiatkincha ajawai. Nuya̱ṉka matsamkamunam waya̱mniaiti túrasha ni je̱e̱nka wá̱i̱tsuk siati tsawant pujustiniaiti.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Ruk. 7:38

Tura utki̱ Jesusa nawe̱n pujuras nea̱jki̱ji̱a̱i̱ nijiarmiayi. Tura intiashí̱ji̱a̱i̱ japirmiayi. Nuyá̱ nawe̱n mukuná kuṉkuinian ni nawe̱n ukatramiayi.

Ruk. 7:44

tutai Jesus aya̱k “Nekas tame” tímiayi. Nuiṉkia nu nuwa̱n iis Semuṉkan chicharuk “Ju̱ nuwa̱ wáintsumek. Ame je̱e̱miin waya̱mtai winia nawer nijiartin entsa suruschamame antsu jú̱ nuwa̱ka nawerun nea̱jki̱ji̱a̱i̱ nijiarturai tura intiashí̱ji̱a̱i̱ japirturai.

Juaṉ 13:10

Tura Jesus chichaak “Yamái mainkia aya̱shí̱ shiir asamtai aya nawe̱ni̱ṉ nijiamártiniaiti. Atumí enentái̱n ashí péṉkeraitrume. Túrasha ashí shuarcha” tímiayi.

Juaṉ 13:6

Semuṉ Pítiur jearin Pítiur chichaak “Uuntá, ¿winia nawer nijiartaj tamek?”

Juaṉ 13:8

Tutai Pítiur chichaak “Peṉké winia nawerka nijiarchattame” takui̱. Jesussha chichaak “Wi nijiaachkuiṉkia Wiji̱a̱i̱ tsaniṉkia pujuschamniaitme.”

Juaṉ 19:34

suntar aya páenam ijiumiayi. Ijiumtaisha nu chichamtaik numpa yumiji̱a̱i̱ puármiayi.

Tur. 22:16

Tuma asamtai yamaisha ¿warí nákam? Tunaarun asakátrurat tusam Uunt Jesus enentáimtusam weme ni naari̱ pachisam imiantia’ turutmai.

1 Kur. 6:11

Atumíya̱sha chíkich chíkich nuna túrin armai. Tura yamaikia ii Uuntri̱ Jesusa kakarmari̱ji̱a̱i̱sha tura ii Yusri̱ Wakaní̱ kakarmari̱ji̱a̱i̱ atumí enentái̱ shiir ajasuíti, atumsha Yusna ajasurme tura tuke péṉker ajasurme.

Ipi. 5:26

Kristu ashí ni shuari̱n ni Chichame̱ja̱i̱ tura entsaja̱i̱ nijiar ní shuar péṉker árat tusa jakamiayi.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

Isr. 10:22

Tuma asamtai tuke enentáiji̱a̱i̱ Yus imiá nekas enentáimtusar Yusai̱ jeartai. Ii enentái̱ Kristu numpe̱ja̱i̱ nijiarma asamtai nekas enentáimtakur Kristu nekas winia úuntruiti tiar ii yajauchiri̱ji̱a̱i̱ itit enentáimtumaschatniuitji. Tura ii aya̱shí̱sha saar entsaja̱i̱ imiantniuitji.

1 Jṉ. 1:7

Yuska tuke tsáapninium pujuwiti. Iisha núnisrik tuke tsáapninium pujakrikia nuamtak nawamnaikiar pujuiniaji. Túrakrin Yus ni Uchirí̱ Jesukrístu numpe̱ja̱i̱ ashí ii yajauch túramuri̱n japirtamji.

1 Jṉ. 5:6

Jesukrístu jú̱ nuṉkanam taa entsaja̱i̱ imiantkui Yus nayaimpinmaya̱ chichaak “Ju̱ka winia aneamu Uchiruiti” tímiayi. Tura nuyá̱ Jesus jakamtai ni numpé̱ puármiayi. Entsaja̱i̱ imianin ni takatrí̱n naṉkamamiayi túrasha iin jarutramak ni takatrí̱n ju̱ nuṉkanam amukmiayi. Chikichkinkikia túrutsuk mái̱ metek tura asamtai Yusa Uchirí̱ya nu paant nekanamniaiti. Yusa Wakaní̱sha tuke nekas tiniua nu métek tawai.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.