Juaṉ 13:34 - Yus Papí: Shuarja̱i̱ Yus Yamaram Chicham Najanamu

³⁴ Ju̱ yamaram akupeamun amaajai nuamtak mái̱ anenai ajatarum tusan. Wi atumín aneajrumna núnisrumek atumsha nuamtak mái̱ anenai ajatniuitrume.

Juaṉ 13:34 Iomraidhean Croise

YKan. 119:63

Wikia ashí ashampramainiak Ámin umirtamainiana nuna tsaníakmari̱ntjiai.

YKan. 16:3

Kame Áminiu íktusma ju̱ nuṉkanam pujuinia núnaka tí peṉker wekainiakui niṉkia ti wararainiajai.

Riw. 19:18

Ame shuarumi uchirí̱ yapajkiartaj tiip tura suirsha enentáimtusaraip. Antsu nuka túrutsuk ame shuarumka ame aya̱shim aneamna tímiatrusmek aneawarta. Witjiai Uunt Yus.

Riw. 19:34

Tura yajaya̱ aents taa atumín pujakuiṉkia aents tuke pujuwa nútiksarum enentáimtustarum. Ame aya̱shim aneamna tímiatrusam aneata. Warí Ejiptunam atumsha írarauyarme. Warí, Witjiai Uunt Yus atumí Yusri̱.

Mat. 5:44

Tura Wisha tájarme, nemasrum aneetarum. Yajauch chichartamna nusha shiir awajsata. Nakitramana nusha nawamkata. Tura katsekramainiana nu tura yajauch awajtámainiana nusha Yus áujtusarta.

Juaṉ 15:17

Jú̱naka akupeajrume nuamtak mái̱ anenai ajatarum.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Rum. 12:10

Nuamtak yachi asarum núnisrum mái̱ anenai ajatarum. Chíkich wiji̱a̱i̱ naṉkaamas úuntaiti tu enentáimtunaistarum.

Rum. 13:10

Shuar chíkich shuaran aneakka yajauch awajsashtatui. Tuma asa akupkámun ti shiir umirkattawai.

Rum. 13:8

Wariji̱a̱i̱ṉsha tumashrintin peṉké airap. Antsu mái̱ anenai tuke ajatarum. Kame chíkich shuar aneakum ni péṉker túrattame. Túram ashí akupkámu páchitsuk umirkattame.

Kar. 5:22

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin,

Kar. 5:6

Nekas Krístunuitkiurkia tsupirnaktin atsumatsji. Antsu aya Yus nekas enentáimtakur ashí anenaitniuitji.

Kar. 6:10

Tuma asamtai yáiṉmin ákuiṉkia ii jeajnia nu túratniuitji nekaska ii yachi̱ Yus shuar ainia nu yáiṉkiartin. Tura ashí shuarsha yáiṉtiniaiti.

Kar. 6:2

Kijinian júakui nuamtak yáiniaikchatniukait. Núnisrumek chíkich itiurchat pujakui nuamtak yáiniaiktarum. Túrakrumka Kristu akupeamuri̱ umíarme.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Kurs. 1:4

Atumsha Jesukrístu ti shiir enentáimtamusha tura ashí Yus shuar aneamusha antukji.

1 Tis. 3:12

Atumín ii aneajnia núnisaṉ Yus atumniasha mái̱ anenai ajatniun tura chikitcha anenaiyatniun enentáimtikramprarti. Tura nú nukap aneṉkrattain Yus amasárti tusar wakeraji.

2 Tis. 1:3

Yatsuru, átum péṉker matsatu asakrumin iisha Yus tuke yúmiṉkiaji. Átumka Yus nekas enentáimtustin nú nukap nekaakrum wéarme. Tura nuamtak anenaistincha nú nukap nékarme. Nu tuma asamtai Yus yumiṉsatniuitji.

Isr. 13:1

Nuamtak yachi̱a núnisrum tuke mái̱ anenai ajatarum.

San. 2:8

Yus Chichamnum ju̱ akupkámu nekas péṉkeraiti “Ame aya̱shim aneamna núnismek ame írutramuram aneeta.” Riw. 19:18 Nu nekas umirniuitkiurmeka maak.

1 Pit. 1:22

Yus nekas tana nuna Yusa Wakaní̱ yáintmakui umirka asarum atumí wakaní̱n péṉker ajasuitrume. Yus shuarja̱i̱ yajauch enentáimtunaitsuk mái̱ anenai ajatai tusarum tura asarum nekas shiir enentáimtunaisrum mái̱ anenai ajatarum.

2 Pit. 1:7

Tura nuyá̱ ashí shuar shiir enentáimtustiniaitrume. Tura nu naṉkaamas ashí shuar aneatniuitrume.

1 Jṉ. 3:11

Atumsha yámankamtaikniumia̱ chicham antukmiarum nu ju̱i̱ti, mái̱ anenai ajartin.

1 Jṉ. 3:23

Ju̱i̱ti Yus akupkámu, ni Uchirí̱ Jesukrístu nekas enentáimtustin tura Kristu timia áintsarik shuartisha mái̱ anenai ajartin.

1 Jṉ. 4:21

Yus iincha ju̱na turammiaji, Yusan anea nu shuar chíkich Yus shuarnasha aneatniuiti.

2 Jṉ. 1:5

Yamaikia, umaru, tájame, mái̱ anenai ajartai. Yamaram akupkámun áattsujme antsu yámankamtaik antukmiaj nunak tájame.