Juaṉ 13:20 - Yus Papí: Shuarja̱i̱ Yus Yamaram Chicham Najanamu

²⁰ Wi tájana nu nekasaiti. Shuar Wi akupeaj nuna shiir itiaakka Winiasha shiir itiaarui. Tura Winia shiir itiaarna nusha Winia Akuptúkuncha itiaawai” tímiayi.

Juaṉ 13:20 Iomraidhean Croise

Mat. 25:40

Tuíniakui Úunt Akupin chichainiak ‘Nekasan tájarme, ashí ju̱ wí shuar péejchachisha waitnentramarum nu winia anentakum túraitrume’ tiártatui.

Mar. 9:37

“Shuar uchin winia naarui̱ shiir awajeakka Winia shiir awajtawai. Tura Winia akuptúkua nunasha shiir awajeawai” tímiayi.

Ruk. 10:16

Atumín anturtamainiakka Winiasha anturtuiniawai. Atumín nakitramainiakka Winiasha nakitruiniawai. Tura nú arant Winia nakitrakka Winia akuptúkua nunasha nakitiawai.” Tú áujas Jesus niin akupkarmiayi.

Ruk. 9:48

Itiá chichaak “Winia anentuk ju̱ uchin shiir awajeana nuka Winiasha shiir awajtawai. Tura Winia shiir awajtana nuka Winia akuptana nunasha shiir awajeawai. Kame átum naṉkamantuchu tárumna nu ti nekas naṉkamantuiti” tímiayi.

Kar. 4:14

Tura winia suṉkur ti yajauch awajtai̱ṉ átum winia nakitrurum muí̱jrukchamarme, antsu Yusa suntarí̱a áintsarmek itiaramarme. Jesukrístu anturkatniua áintsarum anturtukmarme.

Kurs. 2:6

Nu asamtai átum ii Uuntri̱ Jesukrístu nekas enentáimtusrum Yus shuar ajasmarmena núnisrum yamaisha Ni nekas enentáimtusrum Niji̱a̱i̱ tsaniṉkrum ashí túratarum. Nu túrakrum Ni enentáimtakrum tuke tsakaki̱ wétatrume. Tura tee tariara wajasrum Yusja̱i̱ kanakchattarme. Yus Chicham núnisaṉ etsernakmatai nekamarme. Tuma asarum Yus tuke yumiṉsarum núnisaṉ péṉker wekasatarum.

1 Tis. 4:8

Tuma asamtai shuar ju̱ chichaman nakitiakka aentsun nakitiatsui antsu Yusan nakitraiti. Tura nu Yussha tunaan túrashtinian ni Wakaní̱n amaawiti.