Juaṉ 13:14 - Yus Papí: Shuarja̱i̱ Yus Yamaram Chicham Najanamu

¹⁴ Tura Jintinniuitiatan tura Úuntaitiatan atumí nawe̱n nijiarchajak. Atumsha núnisrumek nuamtak náwem nijiatnairatarum.

Juaṉ 13:14 Iomraidhean Croise

Juaṉ 11:2

Nisha Rásaru umái̱ ármiayi. Nu Marisha ukunmaṉka kuṉkuinian sumak Jesusan kuer ni intiashí̱ji̱a̱i̱ japirmiayi.

Tur. 20:35

Kame átum takasrum atsumainia nusha yaiṉtarum tusan jintintiajrume. Wats, Uunt Jesusa chichame̱ enentáimsami. ‘Achíana núja̱i̱ṉkia naṉkaamas, súana nuka shiir waraawai’ tíchamka” tímiayi.

Rum. 12:10

Nuamtak yachi asarum núnisrum mái̱ anenai ajatarum. Chíkich wiji̱a̱i̱ naṉkaamas úuntaiti tu enentáimtunaistarum.

Rum. 12:16

Chikichik enentáiji̱a̱i̱ métekrak shiir enentáimtunaitiarum. Naṉkamantu enentáimtumasairap. Antsu péejchach ajastarum. “Ti nékajai” tu enentáimtumasairap.

1 Kur. 12:3

Tura jú̱ja̱i̱ṉ shuar Yusa Wakaní̱ kakarmari̱ji̱a̱i̱ chichaana nu nekaamniaiti. Yusa Wakaní̱ji̱a̱i̱ṉkia shuar “Jesus yajauchiti” tíchamniaiti. Núnisan aya Yusa Wakaní̱ji̱a̱i̱ṉ “Jesus winia Úuntur asa akuptúktiniaiti” tíminiaiti.

1 Kur. 8:13

Nu asamtai winia yatsurun wi yuajna nuja̱i̱ yajauch awajeaknaka namaṉnaka peṉké yúashtatjai ni yajauch ajasá̱i̱ṉ tusan.

2 Kur. 10:1

Wats, “Papru iiji̱a̱i̱ pujak péejchach ajawai tura yajá pujak kakaram chichaawai” chíkich shuar turutainiatsuk. Kame imia wiki Papru Kristu anenkartutairi̱ji̱a̱i̱ ju̱na seatjarum tusan pujajai.

2 Kur. 8:9

Ii Uuntri̱ Jesukrístu waitnenkartutairi̱ nékarme. Ashí takakuyayi tura atumín anenma asa kuítrincha núnisaṉ ajasmiayi. Ju̱ nuṉkanam kuítrincha núnis ajasmatai átum nayaimpiniam kuítriniak tusa túramiayi.

Kar. 5:13

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Jir. 2:11

Tura ashí shuar Jesukrístu ashí akupin ajasman paant nekaawartatui. Núja̱i̱ṉkia Yus Apá kakarmari̱sha paant nekanattawai.

1 Tim. 5:10

Ti paant péṉker túrin átiniaiti. Ni uchirí̱n péṉker tsakatmashit, iraran péṉker taatá tíniuashit, nekasmiancha enentáimtumar Yus shuaran yáiniashit, wáitiainia nuna waitnenniuashit tura chikichnasha péṉker túriniaitkiuṉka maak.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

1 Pit. 4:1

Kristu ni aya̱shi̱i̱n waitsa asamtai atumsha núnisrumek wáitsatin ákuisha, katsuntratjai titiarum. Ni aya̱shi̱i̱n wáitiana nú shuar yajauchin páchiatsui.

1 Pit. 5:5

Tura natsatirmesha atumí uuntri̱ umirkatarum. Kame yaunchu Yus Papinium aarma asamtai ashí Yus shuartiram naṉkamantu enentáimtumatsuk umirnaikiatarum. “Waantu enentáimtuma núnaka Yus nakitiawai. Antsu naṉkamantuchu enentáimtuma nuna Yus waitnentak yaya̱wai.” Neka. 3:34