Juaṉ 13:1 - Yus Papí: Shuarja̱i̱ Yus Yamaram Chicham Najanamu

¹ Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 13:1 Iomraidhean Croise

Neka. 8:31

Yus nuṉka najanamunam pujuiniakui wisha wararainiajai. Núnisaṉ aentsnasha tí shiir enentáimtuiniajai.

Jrm. 31:3

Kame yáunchuk Uunt Yuska wíniaka wantintiurkamai tura chichartak “Winia aneṉkrattair náṉkatkachua nuja̱i̱ tuke aneemjame tuma asan Winia waitneṉkratairnaka iniaṉnatkachuitjiame.

Mat. 26:45

Áujas umik ni unuiniamuri̱ pujamunmaṉ wémiayi. Tura chichaak “Antsu yamaikia kanarum ayampratarum. Ura jeayi. Wi Aents Ajasu ai̱ṉ yajauch shuarnum surunkatin jeayi.

Mat. 28:20

Ashí atumíin Wi akatrámajrum nu nútiksarmek umiktin unuiniartarum. Tura ju̱ nekaatarum. Tuke tsawantai̱ ikiutsuk atumji̱a̱i̱ pujuttajai” tímiayi Jesus.

Ruk. 22:53

Nuik Yusa Uunt Je̱e̱n tuke tsawant atumji̱a̱i̱ pujumaj nui̱ achirkachmarme. Túrasha átum kiritniumia̱ kakarmaja̱i̱ nupetkatin yamái tsawantin tsaṉkatkamuitrume” tímiayi Jesus.

Ruk. 9:51

Jesus nayaimpiniam waketkitniuri̱ jeatémamtai enentáimmia ímiatrusaṉ Jerusaréṉnum we wémiayi.

Juaṉ 11:55

Israer shuara namperi̱ Paskua ishichik jatemsamtai untsurí shuar yajaya̱ péprunmaya̱ Jerusaréṉnum káunkarmiayi. Kame Paskua jeatsa̱i̱ṉ Muisais timia núnisaṉ ni aya̱shí̱sha enentái̱sha iwiarnarat tusa wakeriarmiayi.

Juaṉ 12:23

Jesussha chichaak “Wi Aents Ajasuitjiana ju̱ tsawantur jeayi. Túramtai shiir awajnástatjai.

Juaṉ 13:29

“Kuítrincha kuit súsarta” tátsuash tu enentáimprarmiayi. Tura chikitcha “nampernum yurumátin atsumajnia nu sumakta” tátsuash tu enentáimprarmiayi. Jútas kuítian wáinin asamtai tu enentáimprarmiayi.

Juaṉ 13:3

Tura Jesus Yusai̱ya̱ tau asa waketkitniuyi. Tura Yus Apa ashí mash susamiayi akupin atí tusa. Jesussha nuna nekáa

Juaṉ 13:34

Ju̱ yamaram akupeamun amaajai nuamtak mái̱ anenai ajatarum tusan. Wi atumín aneajrumna núnisrumek atumsha nuamtak mái̱ anenai ajatniuitrume.

Juaṉ 14:28

Nuik timiaj nu antukmarme. Aparuí̱ wena atak atumíin tátatjai. Winia Aparka Wiji̱a̱i̱ naṉkaamas úuntaiti. Tuma asamtai ti nekas anentkurmeka ‘Aparuí̱ wéajai’ takui̱ ashí warasa̱a̱rme.

Juaṉ 14:31

Tura Wikia winia Aparun aneajai tura Ni akuptúrkama nuna tuke túrajai. Ashí shuar nuna nekaawarti tusa ashí túrunatniuiti. Wajaktiarum. Ju̱yá̱ wetái” tímiayi.

Juaṉ 16:28

Winia Aparuí̱ya̱ jíinkin jú̱ nuṉkanam táwitjiai. Yamaikia jú̱ nuṉkanmaya̱ jíinkin ataksha Aparuí̱ wáketjai” tímiayi.

Juaṉ 17:1

Nuna ti Jesus nayaimpinmaani̱ íimias áujeak “Aparu, yamái jeayi ame Uchiram shiir awajsatin. Túrawakmin ame Uchirmesha péṉker awajtámsamniaiti.

Juaṉ 17:16

Wi ju̱ya̱nchuitiaj áintsaṉ nisha ju̱ya̱nchu áiniawai.

Juaṉ 17:26

Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 17:5

Nuna túramtai Aparu, ti yaunchu jú̱ nuṉka atsai̱sha Ámiji̱a̱i̱ pujakui shiir awajtúsmamna núnismek yamaisha shiir awajtusta.

Juaṉ 18:4

Jesussha ashí átinia nuna neka asa jiintiuki̱ “¿Ya e̱a̱a̱rum?” tímiayi.

Juaṉ 19:28

Nuyá̱ ashí uminkiamtai Jesus nuna nekáa yaunchu Yus Papinium aarma uminkiati tusa “kitiamajai” tímiayi.

Juaṉ 2:13

Israer shuara namperi̱, Paskua tutai ishichik ajasmatai Jesus Jerusaréṉnum wémiayi.

Juaṉ 7:30

Nuyá̱ sepunam eṉkeataj táyat achikcharmiayi ni tsawantri̱ jeachu asamtai.

Juaṉ 7:6

Tura Jesus chicharainiak “Winia tsawantur nampernum wétin jeatsui. Atumji̱a̱i̱ṉkia náṉkamas tsawant wétin péṉkeraiti.

Juaṉ 8:20

Núnaka Yusa Uunt Je̱e̱n Yusa kuítri̱n suinia nui̱ wajá tímiayi. Tuma ai̱ṉ ni tsawantri̱ jeachu asamtai sepunam eṉkeatniun achikcharmiayi.

Rum. 8:37

Tuma ai̱ṉ Kristu iin anenma asakrin Niji̱a̱i̱ ti nupetmakuitji.

1 Kur. 1:8

Tura iniaitsuk tuke emettamattawai ii Uuntri̱ Jesukrístu támatai atumí tunaari̱n pachischatin.

Isr. 3:14

Yámankamtaik Kristu shiir enentáimtusmaj núnisrik tuke iniaitsuk émeteakrikia Krístuja̱i̱ shiir tsaniṉkiar pujustatji.

Isr. 3:6

Túrasha Kristu Yusa Je̱e̱n takarniuchu asa antsu Yusa Uchirí̱ asa nui̱ ashí akupeawai. Nu je̱a̱sha iitji. Tura tuke iniaitsuk kakaram ajasár Yus suramsattaj nu wararsar nákastiniaitji.

Isr. 6:11

Tura nuik túrarmena núnisrumek tuke iniaitsuk kakaram takasrum ashí Yus tsaṉkatramkatta nu wainkiattarme. Núnisaṉ atí tusar wakeraji.

1 Pit. 1:13

Tuma asamtai péṉker enentáimsarum tura péṉker íimiasrum wekasatarum. Tura Jesukrístu ukunam wantiniak waitnentramprattana nu yawe̱tsuk nákastarum.

1 Jṉ. 4:19

Yus emka iin anenma asakrin iisha Ni aneaji.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.