Juaṉ 12:49 - Yus Papí: Shuarja̱i̱ Yus Yamaram Chicham Najanamu

⁴⁹ Wi enentáimmiaja̱i̱ṉ chichaatsjai. Winia Apar akattúr akuptúkuiti. Tura chichastinia nuna surusuiti.

Juaṉ 12:49 Iomraidhean Croise

Juaṉ 14:10

Winia Aparja̱i̱ tsaniṉkian pujakun tura winia Aparsha Wiji̱a̱i̱ pujakui tuke chikichkitji. ¿Nu nékatsrumek? Wi tájarmena nu Winia chichampruchuiti. Yus Apa Winí̱ pujak ni wakeramun takaawai.

Juaṉ 14:24

Antsu Winia anentchaka tájana nuna enentáimtatsui. Átum ántarmena nú chichamka wíniachuiti antsu Yus Apa Winia akuptúkua Núnaiti.

Juaṉ 14:31

Tura Wikia winia Aparun aneajai tura Ni akuptúrkama nuna tuke túrajai. Ashí shuar nuna nekaawarti tusa ashí túrunatniuiti. Wajaktiarum. Ju̱yá̱ wetái” tímiayi.

Juaṉ 15:15

Takarniuka ni uuntri̱ takaana nuna nékatsui. Tuma asamtai ‘winia takarniúruitrume’ tátsujrume. Antsu ashí winia Apar táman ujaku asan ‘winia amikruitrume’ tájarme.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 3:11

Ti nekasan tájame. Nekas nékakur chichaaji. Íismajnia nusha ujaaji. Tuma ai̱ṉ ii chichame̱ ántatsrume.

Juaṉ 3:32

Tuma asa nayaimpiniam antukman tura wainkiamun áujmatui. Tuma ai̱ṉ ni chichame̱ncha peṉké anturainiatsui.

Juaṉ 5:19

Nuyá̱ Jesus chichaak “Tí nekas tájarme, Yusa Uchirí̱ṉkia ni enentái̱ji̱a̱i̱ṉ takaatsui. Antsu aya Winia Apar takaana nuna iisan métek takaajai. Ashí Winia Apar túramun Wisha ni Uchirí̱ asan métek takaajai.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Juaṉ 6:68

Semuṉ Pítrusha ái̱kmiayi “Uuntá, ¿yáini̱ṉ wétajⁱ? Ame chichammiji̱a̱i̱ṉ tuke iwiaaku áminiaiti.

Juaṉ 7:16

Jesussha chichaak “Wi unuiniajna nu winia chichampruchuiti antsu Winia akuptúkua Núnan unuiniajai.

Juaṉ 8:26

Nu arantcha atumín súmamtikiatjarum tusan ti tíminiaitjiai. Winia Apar akuptúkua nuka tuke nekasa nuna tawai. Tura aya ni táman antukan ashí shuaran nunak tajai” tímiayi.

Juaṉ 8:28

Tuma asamtai chicharainiak “Aents Ajasuitjiana ju̱, numiniam ajintruarum yakí̱ takuriakrumin núja̱i̱ṉkia nekarattarme. Wi tájana nuitjiai tura winia enentái̱rja̱i̱ṉ takatsuk aya winia Apar unuitiurmanak tajai.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Muis. 18:18

Amea ánis Yúsnan etserniun ame yatsuminianak anaikiattajai. Tura winia chichamprun etserkattawai. Nuyá̱ ashí Wi títiatjana nuja̱i̱ métek chichartamkattawai.

Apu. 1:1

Jú̱ áarman Jesukrístun Yus ujakmiayi. Wárik túrunatta nuna ni shuari̱n ujakárat tusa ujakmiayi. Tuma asamtai Jesukrístu ni suntari̱n akupak ashí winia paant awajtúrsamai. Wisha Jesukrístu takarniúri̱ Juáṉkaitjiai.