Juaṉ 12:48 - Yus Papí: Shuarja̱i̱ Yus Yamaram Chicham Najanamu

⁴⁸ Winia nakitrur chichampruncha enentáimtachuka sumamtikiamuiti. Wi tímiaj nuka amuukatin tsawantai̱ nin sumamtikiattawai.

Juaṉ 12:48 Iomraidhean Croise

Isa. 53:3

Aents nakitiáiniak ji̱i̱ki̱ awemarmai. Aents asa najaimiatniuncha tura wáitsatniuncha nékauyi. Shiir awajtsuk nakitiakur ii yapi̱sha u̱rji.

Mat. 10:15

Nu shuaran nekapsatin tsawant jeamtai Yus asutiáshtatuak. Sutumanmaya̱ tura Kumuranmaya̱ aentsnasha naṉkaamas Yus asutiáttawai nu shuaran” tímiayi.

Mat. 21:42

Tuíniakui Jesus chicharainiak “Átumka Yus papikia ¿peṉkek áujchaitrum? Jú̱nis áarmaiti ‘Je̱a̱ je̱a̱min utsaṉkarmia nú kaya ashí kayaja̱i̱ naṉkaamas apujsamuiti. Núnaka ii Uuntri̱ Yus túraiti. Iisha iisar ti enentáimtaji.’ YKan. 118:22-23

Mat. 25:31

Jesus áujmatuk tímiayi “Aents Ajasu ana nu ashí akupin ajas Yusa suntari̱ éṉkekma winittiawai. Tura Úunt Akupin shiir pujutái̱ri̱n pujustatui.

Mar. 12:10

Ju̱, Yus Papinium aarma ana nu áujsachukaitrum. Kaya péṉkernak je̱a̱min ‘yajauchiti’ tusar ajapawarmia nu ashí kayaja̱i̱ naṉkaamas péṉker apujsamuiti.

Mar. 16:16

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Mar. 8:31

Tuke ujaki̱ wéak chichaak “Wi Aents Ajasuitjiana ju̱ tí waitsatniuitjiai. Israer shuarti ii úuntri̱sha, Yúsnan pujurniu úuntri̱sha, ii jintinniuri̱sha Winia nakitrurar mantuawartatui. Túrasha menaintiú tsawant naṉkaamasmatai nantaktiniaitjiai” tímiayi.

Ruk. 10:16

Atumín anturtamainiakka Winiasha anturtuiniawai. Atumín nakitramainiakka Winiasha nakitruiniawai. Tura nú arant Winia nakitrakka Winia akuptúkua nunasha nakitiawai.” Tú áujas Jesus niin akupkarmiayi.

Ruk. 17:25

Tura nu túruntsa̱i̱ṉ yamái pujuinia nu Winia nakitruiniakui tí waitsatniuitjiai.

Ruk. 20:17

Tura Jesus nin émamkes iisar chicharainiak “¿Nuikia Yus Papinium aarma nu warintiua? Ju̱ áarmaiti ‘Kayan péṉkernak je̱a̱ je̱a̱min yajauchiti tusar ajapawarmia nu ashí kayaja̱i̱ naṉkaamas péṉker apujsamuiti.’ YKan. 118:22

Ruk. 7:30

Túrasha Pariséusha Israer shuara jintinniuri̱sha Yus yáiṉtaj támaitiat Juaṉ imiaamuja̱i̱ imiancha ásar nakitrarmiayi.

Ruk. 9:22

Nuyá̱ Jesus chichaak “Wi Aents Ajasuitjiana ju̱ tí waitsatniuitjiai. Wí shuara uuntri̱ tura Yúsnan pujurniu úuntri̱sha nuyá̱ ni jintinniuri̱sha nakitrurar mantuarwartatui. Túrasha iwiartusarmatai menaintiú tsawant jeamtai nantaktiatjai” tímiayi.

Ruk. 9:26

Wi Aents Ajasuitjiana ju̱ Winiasha tura winia chichampruncha shuar natsantraitkiuiṉkia winia wincharuja̱i̱ winia Aparu winchari̱ji̱a̱i̱ tura nayaimpinmaya̱ péṉker suntara winchari̱ji̱a̱i̱ atak táakun shuar natsantrurmia nuna Wi natsantrattajai.

Juaṉ 11:24

takui̱ Mártasha chichaak “Nekas ashí amúamunam jákaru nantaktin tsawantai̱ nantakiartatui. Nuna nékajai.”

Juaṉ 5:45

‘Ii yajauch túrutairi̱n Yusai̱ etserturmaktatji’ turutiirap. ‘Muisais akupkámun umirkan uwemprattajai’ tátsurmek. Antsu Muisais aarma nuja̱i̱ atumí tunaarí̱ etsernaktatui.

Juaṉ 6:39

Winia Apar akuptúkuiti tura ju̱na wakerawai. Ashí winia tsaṉkatrukman emeṉkátsuk amuukatin tsawantai̱ iniantkiarat tusa wakerawai.

Juaṉ 8:47

Yus shuarka Yus timian ántawai tura átum Yúsnachu asarum Wi tájana nu nakitiarme” tímiayi.

Tur. 17:31

Yuska áishmaṉkan anaikiaiti. Nú áishmaṉ ashí aentsti, yaki péṉkeran túriniait yaki yajauchin túriniait núnaka nekarmattaji. Nú áishmaṉ Yus akupkámun tuke enentáimtakui Yus nin anaikiaiti. Tura tsawant nú túrunatin átatna nuna Yus Niṉki achikiuiti. Túrasha nekas anaikiajai tusa tura ashí aentstiram nekaatarum tusa nú aishmaṉkan jakamunmaya̱ iniantkímiayi” tímiayi Papru.

Tur. 3:23

Náṉkamas aents nu etserniun chichame̱n umíachkuṉka emesnartatui. Tura Israer shuarnum páchitkia áchattawai” tímiayi.Muis. 18:15,18-19

Rum. 2:16

Wi uwempratin chichaman étsereaj nui̱ ashí shuar u̱kri̱sha túramun ashí paant awajsártatui. Tura nuna etserkatniun Jesukrístun anaitiukmiayi. Nu tsawantai̱ tunaan túrin sumamawartatui.

2 Kur. 4:3

Uwempratin chicham ii étserjinia nu páantaiti. Áyatik meṉkakatniunam weena nu “páantchaiti” tuíniawai.

2 Tis. 1:8

Tura nú tsawantai̱sha Yusan nékainiatsna núnaka ii Uuntri̱ Jesukrístu Uwempratin Chichame̱n uminiatsna nunasha ti asutiátajtsa tátatui.

Isr. 10:25

Yusa Je̱e̱n Yus shuarja̱i̱ tuke iruntratin iniaisashtiniaitji. Chíkich iniainiakuisha iikia tuke iruntratniuitji. Nui̱ irunkurkia ikiakánairtiniaitji. Tura Kristu tátintri̱ ishichik tsawant ajasu asamtai nú nukap túratniuitji.

Isr. 12:25

Nuka tí peṉker asamtai Yus chichartamprumna nu nekas anturkatniuitrume. Yaunchu Yus jú̱ nuṉkanam murá chichaamun anturkachar asutniátniunam uwempracharmiayi. Nui̱kia Yus nayaimpinmaya̱ chichartamkurin ántachkurkia ishichkisha uwemprashtatji.

Isr. 2:3

Antsu ii Uuntri̱ Krístuka uwempratin chichaman emka itiamiayi. Tura imiá nekas tuíniak Nin anturkaru iin ujatmákarmaji. Tuma asamtai uwempratin chicham nakitiakrikia nuna naṉkaamas uwemtsuk asutniáttaji.

Isr. 4:12

Yusa Chichame̱ iwiaaku chichamaiti, imiá kakarmaiti. Puyá̱ mai̱ érea núniniaiti. Tuma asa shuara enentái̱n init wayá̱ ashí ni enentáimmian tura wakeramuri̱n ti paant awajtawai.

1 Pit. 1:5

Yus nekas enentáimta asakrumin ni kakarmari̱ji̱a̱i̱ wearmarme. Tura tuke uwemtikrampratniun nuṉka amúamunam paant iniakmastatna nu achikmintrum tusa tuke tsawant ni kakarmari̱ji̱a̱i̱ wáitmarme.

2 Pit. 3:3

Ju̱sha emka nekaatarum. Amúamu tsawantin Yúsnan wishikin wantinkiartatui. Tura nisha ni yajauch wakeramuri̱n túrusar wekasartatui.

2 Pit. 3:7

Tura Yus tiniu asamtai nayaimpisha nuṉkasha yamaiya̱ nuka jiji̱a̱i̱ emesnarat tusa ikiusma áiniawai. Yus aentsun nekapsattana nu tsawantai̱ yajauch aents emesnartatui tura jisha nu tsawantai̱ nuṉkancha nayaimpincha áesattawai.

1 Sam. 10:19

Tura átumka túramaitiatrum atumí Uunt Yusri̱ ashí itiurchatnumia̱ tura wáitiamunmaya̱ aṉkant awajtámsa nu nakitrarume. Túrarum chichakrum ‘¡Atsá! Antsu úunt akupin iin akuptámkatin amasta’ tákurmeka wats yamaikia Uunt Yus íimmianum atumí we̱a̱k tura atumí shuari̱ji̱a̱i̱ṉ iruntratarum” tiármiayi.

1 Sam. 8:7

Nuyá̱ Uunt Yus Samuiran aya̱k “Nu shuar ashí seatmainia nu anturkarta. Áminkia nakitramainiatsui antsu Wi akupin ai̱ṉ tusar Wíniaka nakitruiniawai.