Juaṉ 12:43 - Yus Papí: Shuarja̱i̱ Yus Yamaram Chicham Najanamu

⁴³ Yus shiir enentáimtursati tútsuk antsu shuar shiir enentáimtursati tusar túrawarmiayi.

Juaṉ 12:43 Iomraidhean Croise

YKan. 22:29

Kame ju̱ nuṉkanam ashí naṉkamantu ainia nusha yurumpruawar Yusan shiir awajsártatui. Núnisaṉ ashí péejchach jákatniun nérencha ásar niji̱a̱i̱ métek tikishmátrartatui.

Neka. 29:25

Aentsu ashamniua nuka jintia akiramunam eṉkemkatniua núnisaiti antsu Uunt Yusan enentáimtinkia uwemprattawai.

Mat. 6:2

Nu asamtai shuar atsuma nu yaya̱kmeka ashí shuar ujakairap. Anaṉkartin ainia nuka iruntai̱nmasha tura pepru jintí̱ wekasasha ashí iimiainiai̱ṉ shiir túrajai tusar nuna túrin áiniawai. Ju̱nasha ‘péṉker túrawai’ tu enentáimturarti tiniu ásar Yus akíatsa̱i̱ṉ aya tu enentáimturmaja̱i̱ṉ akinkiaruiti, nekas tajai.

Ruk. 16:15

Túmakui̱ Jesus nin chichaak “Atumsha aents íimmianum péṉker awajmamprume. Túrasha atumí enentái̱ncha Yus péṉker nékawai. Kame winia ‘naṉkamantuiti’ turutit tusa wakera nuna Yuska nakitiawai.

Ruk. 19:17

Tutai uunt chichaak ‘Péṉker túrame. Ishichik susamjamna núja̱i̱ṉᵏⁱ wi tímiajna tímiatrusmek túrame. Tuma asakmin tias péprun akupin awajsattajme’ timiai.

Juaṉ 12:26

Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Juaṉ 5:41

Shuar Winia shíiraiti turutainiakuisha núnaka páchiatsjai.

Juaṉ 5:44

Aya nuamtak ‘Shiir enentáimtursarti’ tu enentáimtunaiyakrum tura nekas Yusa nu enentáimturmana nuka enentáimtutsuk ¿itiurak nuikia Yus tana nu nekaatniusha jeatarum?

Juaṉ 7:18

Ni enentáimmiaja̱i̱ chichaana nuka ashí shiir enentáimtursarti tusa chichaawai. Antsu nin akupka nuna shiir awajsarti tusa wakerak nekas wáitratsuk tawai.

Juaṉ 8:54

Tutai Jesus “Wiki shiir enentáimtumaknaka peṉké antraiti. Antsu Winia shiir enentáimturna nu winia Aparuiti. Nusha átumka ‘winia Yúsruiti’ tárumna nuiti.

Rum. 2:7

Shuar tuke péṉker túrak ashí shiira nunasha tura tuke amukachmin ainia nunasha wakeruiniana nuna Yus tuke iwiaaku Niji̱a̱i̱ shiir pujustinian súsartatui.

1 Kur. 4:5

Tsawant jeamtai ii Uuntri̱ Kristu atak tátatui. Tura ashí yamái kiritniunam u̱kma nuna tura shuar ashí enentáimprarma nunasha paant awajsattawai. Nu tsawant jeatsa̱i̱ṉ shuar umikiuashit tusarum enentáimtusairap. Tura nu tsawantai̱ Yus ashí péṉker umikiarun shiir awajsattawai. Péṉker umikiuncha ishichik umikiuncha takasmaja̱i̱ métek Yus shiir awajsattawai.

2 Kur. 10:18

Warí, niṉki “péṉkeraitjiai” tumamna nuka anturkachminiaiti. Antsu Uunt “péṉkeraiti” tana nú shuar nekas péṉkeraiti.

1 Tis. 2:6

Iisha Kristu akatrámuri̱ntji. Tuma asar ni kakarmari̱ji̱a̱i̱ akupkatin takakuji. Páchitsuk túramniauji. Túrasha waantu ajastaj tíchamji. Nuyá̱ atumsha tura chikitcha iin waantu awajtámsataj tákuisha iikia nakitmiaji.

1 Pit. 3:4

Antsu “nekas shíirmach ajastaj” tákumka enentáimin “shiir kajechu átaj” tu enentáimsatarum. Nuka sakarchattawai. Kame Yúsja̱i̱ṉkia nu timiá peṉkeraiti.

1 Sam. 15:30

Tutai Saur áimiuk “Yajauchin túrajai túrasha Israer shuara uuntri̱ tura ashí Israer shuar pujuiniamunam wiji̱a̱i̱ wáketeakum arantúrkata wisha Uunt Yusan ame Yúsrumin tikishmátrataj” tímiayi.