Juaṉ 12:40 - Yus Papí: Shuarja̱i̱ Yus Yamaram Chicham Najanamu

⁴⁰ “Yus nin kusuru awajsaiti tura ni enentái̱ncha kátsuram awajsaiti. Ni ji̱ji̱a̱i̱ íimsa̱i̱ṉ tusa tura ni enentái̱ji̱a̱i̱ nekaawa̱i̱ṉ tusa túraiti. Kame ni tunaarí̱ iisar enentáimtuiniakui Yus nin tsuárainti.” Isa. 6:10

Juaṉ 12:40 Iomraidhean Croise

1 Akup. 22:20

Tura Uunt Yus chichaak ‘Karaatnumia̱ Ramutan mesetan najata Akaap iniarat tusa ¿ya útsuktata?’ tawai. Tutai chíkichkia niisháa tura chikitcha niisháa aimiainiawai.

YKan. 147:3

tura enentáinium jaa ainia nunasha tsuáwiti tura akaṉmári̱ncha jaanchji̱a̱i̱ pénuiniaiti.

YKan. 41:4

Tura wi Yusan seakun “Uunt Yusá, Amiin yajauchin túraitjiai. Túmaitkiuisha winia waitnentruram tsuárata” tímiajai.

YKan. 6:2

Uunt Yusá, wi jaajna ju̱ waitnentrurta. Tura winia ukunchrusha micha jakamnia amutna ju̱ tsuárata.

Jiin. 10:1

Uunt Yus Muisaisan chicharuk “Parauṉ pujamunam wetá. Wi nin tura ni takarniúri̱miak aents túrachminia nuna iniaktustaj tusan ántichu awajsarjai.

Jiin. 11:10

Tura Muisais Araunja̱i̱ Parauṉ pujamunam aentsti túrachminian iniakmasarmiayi. Túrasha Uunt Yus Parauṉka enentái̱ ikiatsúmtikramiayi. Túram Parauṉ Israer shuaran ni nuṉke̱ya̱ akupratniun nakitrámiayi.

Jiin. 14:17

Nuyá̱ Uunt Yus chichaak “Israer shuaran pataaturkutak utsanawarat tusan Ejiptunmaya̱ aentsu enentái̱nkia ikiajtiúkartatjai. Túran Parauṉnasha ni suntari̱ncha núnisaṉ káruri̱ncha nuyá̱ kawainium eketka ainia nunasha winia kakarmarun iniaktusartatjai.

Jiin. 14:4

Tura pataatukarat tusan Wi Parauṉka enentái̱n ikiatsuátrattajai túran Parauṉkan suntari̱ntiuk winia kakarmarun iniaktustatjai. Nuna nekaawar Ejiptunmaya̱ aents Wi Úunt Yusaitjiana nuna nekaawartatui” takui̱ ni timia núnis túrawarmiayi.

Jiin. 14:8

Ejiptunmaya̱ akupin Parauṉka Uunt Yus ántichu awajsamu asa Israer shuaran pataatukarmiayi. Túrasha Israer shuarka sapijmiatsuk waraki̱ wéarmiayi.

Jiin. 4:21

Nuyá̱ Uunt Yus Muisaisan chicharuk “Ejiptunam waketkim aents túrachmin túrata tájam nuka Parauṉ íimmianum ashí túrata. Tuma ai̱ṉsha ni enentái̱n ikiatsuátrattajai, Israer shuaran akupkacharat tusan.

Jiin. 7:13

Tura Uunt Yus nuik timia núnisaṉ Parauṉsha ni enentái̱n ikiatsuár Araunnasha tura Muisaisnasha peṉké anturkacharmiayi.

Jiin. 7:3

Ejiptunam aents túrachminian túrakun ti kakarman iniaktusartatjai túrasha Parauṉka enentái̱nkia ikiatsuátrattajai.

Jiin. 9:12

Túrasha Parauṉka Uunt Yus ántichu awajsamu asa Uunt Yus Muisaisan timia ímiatrusaṉ antukchamiayi.

Isa. 29:10

Warí Uunt Yus atumí nekatairi̱n kanarua áitkiartamaitrume. Tura atumí Yúsnan etserniuri̱n ji̱ncha epetka nútikiaiti tura nekamin ainia nunasha nekamtai̱ri̱n emenkátkaiti.

Isa. 53:5

Tura ii yajauchiri̱n Niṉkia ijiunmiayi. Ii tunaari̱n awatnármiayi. Ni asutniámuja̱i̱ ii aṉkant ajasmiaji. Tura Ni wáitsamuja̱i̱ iikia péṉker ajasmiaji.

Isa. 6:10

Tura ju̱ aentsu enentáimtairi̱sha ikiatsuátrarta. Tura antukara̱i̱ṉ tusam empemtikiarta. Núnisaṉ íimsara̱i̱ṉ tusam ji̱sha ukusturarta enentáimsar nekarawar Winí̱ táarmatai tsuarara̱i̱j” turutmiayi. Mat. 13:14-15; Jṉ. 12:40; Tur. 28:26-27

Isa. 6:9

Tutai Ni chichartak “Ayu, wetá tura ju̱ aents chicharainiakum jú̱nisam tiartá ‘Péṉker ántayatrumek antukchattarme tura péṉker wáiniatrumek nekaashtatrume’ tiartá.

Jrm. 3:22

Ántichu kajen uchí Wini̱i̱n waketratarum. Túrawakrumni̱ṉkia kajen ántichuitrumna nuya̱ṉka péṉker awajsattajrume. Pai, yamaikia Ámeka Uunt Yus ii Yusri̱ asakmin Aminí̱ wininiaji.

Jrm. 5:21

Kame jí̱ntiniaitiatrumek wáintsurme tura kuishmisha ai̱ṉ ántatsrume.

Isk. 12:2

“Aentsu uchiri̱yá ámeka umichu ainia nu matsatmanum pujame. Nuka iimiainiaksha wáinmainiatsui tura kuíshtin áiniayataṉ ántuiniatsui. Warí tuke umichu áiniawai.

Use. 14:4

Nuyá̱ Uunt Yus jú̱nis tíniuiti. Wi kajerkámiaj núnaka Wikia kajinmátkiniaitjiai. Tuma asan ántichu ainia nunasha tsuártatjai túran ti aneawartatjai.

Use. 6:1

Ashí Israer shuarti Uunt Yusai̱ waketkiartai. Kame jáakri̱ncha tura Ni iin numpampramaitkiuisha páchitsuk ii Yusri̱ṉkia tsuármartatji.

Mar. 4:12

Íimiataṉ wáinkiacharat tusa, antukarsha nekaacharat tusa, umirtsuk ni yajauch túrutairi̱ tsaṉkurnarcharat tusa túrattawai.” Isa. 6:9-10; Jrm. 5:21

Ruk. 4:18

Yusa Wakaní̱ winí̱ pujurtawai. Shuar warainiachun shiir chichaman ujaktinian anaitiukuiti. Kúntuts enentáimiar wake mesek pujuinian tsuártinian akuptúkuiti. Achira yaruakma ainia nusha aṉkant awajsaruiti tura ji̱ kusurúncha íimtiktinian tura yajauch awajsamu ainia nuna péṉker awajsatniuncha

Ruk. 8:10

Tutai Jesus chichaak “Yus ni akuptáiri̱n átum nekaachma nuna nekamtikramprume. Tura chikichnaka wainiainiayat kusurua núnin ártí tusan tura ántuiniayat nekaacharat tusanIsa. 6:9 aya métektaku chichamja̱i̱ jintintiátjai” tímiayi.

Juaṉ 12:39

Nuna uminiak Jesusan enentáimtuscharmiayi. Tura nu arantcha Isayas áarmiayi.

Juaṉ 9:39

Nuyá̱ Jesus chichaak “Shuara enentái̱n nekaan akantratajtsan táwitjiai. Ni enentái̱n kusuru ai̱ṉ íimtiktinian tura anaṉmamuk ‘Yúsnan nekaan paant iimjiai’ tana nuna ukusturtinian táwitjiai” tímiayi.

Tur. 15:3

Papru Pirnapísha akupkámu ásar wénak Pinisianam tura Samarianmasha naṉkaamainiak Israer shuarcha Yus shuar ajasman Yus shuaran ujakármiayi. Tura Yus shuarsha nuna antukar ti warasarmiayi.

Tur. 28:26

‘Ame weme au aents ju̱ titiá “Ántutka ántakrumsha nekaashtatrume, Iitkia iyakrumsha wáinkiashtatrume.

Tur. 3:19

Wats, yamaikia atumí yajauchiri̱ya̱ ené enentáimia ajasrum kanaktiarum. Túrarum tunaarun asakárat tusarum Yusai̱ni̱ apajá̱rtarum. Túrunawakrumni̱ṉkia atumín uwemtikramprarat tusa Yus yaunchu anaikiamia nuna akuptúrmaktatrume. Tura nuka Jesukrístuiti. Tura Nisha enentáim ayamtikrai tusa amastatrume.

Rum. 9:18

Tuma asamtai Yus Ni wakera nuna waitnentawai. Túrasha Ejiptu akupniúri̱n túramia núnisaṉ Ni wakera nú shuaran enentái̱n kátsuram awajtawai.

Muis. 29:4

Túrasha Uunt Yus yamaiya̱ ju̱i̱sha ashí enentáimsar nekaatniun wáinkiatniuncha tura antuktinniasha tsaṉkatramkachuitrume.