Juaṉ 12:32 - Yus Papí: Shuarja̱i̱ Yus Yamaram Chicham Najanamu

³² Tura numiniam awajnaimtai ashí nuṉkanmaya̱ṉka shuar enentáimturartatui” tímiayi.

Juaṉ 12:32 Iomraidhean Croise

2 Sam. 18:9

Tura Apsarúnka Tawitia takarniúri̱ armia nuja̱i̱ iṉkiunaikiarmiayi. Apsarúnka umpururi̱n eketka wémiayi tura umpuruka ensena numi kae̱ wéakmanun wáiṉmiayi. Nuya̱ṉka ensena kanawe̱n Apsarúna intiashí̱n penumak yakí̱ juákmiayi antsu umpuruka nuṉkak naṉkaamakmiayi.

Anen. 1:4

Wearkata túrutawakmin wari wemí. Úunt akupniuka ni pujutái̱ri̱n jurukí̱ awa̱intiuáyi.” “Warainiakur ámiji̱a̱i̱sha wararnaisattaji. Wíniuja̱i̱ iniaṉkas ame aneṉkrattairmesha enentáimtittiaji. Tuma asaakminchash timiá anenmainia.”

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Use. 11:4

Wikia nuwa̱ ni uchirí̱n aneak miniakas tura naṉkas áyurea nútiksan ayurawarmiajai. Tura nin anena asan winí̱ winik tusan itiarmiajai.

Wek. 21:9

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi. Jṉ. 3:14-15

Juaṉ 1:7

Nisha tsáapninia chichame̱n étserkui ashí aents Kristu nekas Yusa uchirí̱nti tu nekas enentáimtusar umirkarat tusa támiayi.

Juaṉ 12:34

Shuarsha awajirar chichainiak “Yaunchu Yus akupkámu papiniumia̱ áujsar nékaji. Kristu tutai tuke jáatsuk iwiaaku pujustiniaiti. ¿Itiurak nuikia ‘Aents Ajasu numiniam awajnaitniuiti’ tame? Aents Ajasuka Krístuchukait, Yus anaikiamu. ¿Núchaitkiuiṉkia Aents Ajasuka yait?” tiármiayi.

Juaṉ 18:32

Yaunchu Jesus ni jákatniuri̱n enentáimtus “Wi awajnaitniuitjiai” tímiayi. Nisha krúsnum awajnain asamtai itiur mantuawartata Ni timia nu uminkiamiayi.

Juaṉ 19:17

Jesussha ni krusri̱ yanakí̱ Kúrkuta nainnium wémiayi. Kúrkuta támaka Israer shuara chichame̱ja̱i̱ṉkia “muuka ukunch” tawai.

Juaṉ 3:14

Iis, yaunchu Israer shuar atsamunam napi esaim tí jainiakui tsuámararat tusa Muisais napin nakumak yakí̱ numiniam awajaimiayi. Núnisnak Wisha awajnaitniuitjiai.

Juaṉ 6:44

Winia Apar shuaran akuptúrkachuitkiuiṉkia peṉké weantúrkachainti. Tura Winia akupturna nuna amuukatin tsawantai̱ iniantkíttiajai.

Juaṉ 8:28

Tuma asamtai chicharainiak “Aents Ajasuitjiana ju̱, numiniam ajintruarum yakí̱ takuriakrumin núja̱i̱ṉkia nekarattarme. Wi tájana nuitjiai tura winia enentái̱rja̱i̱ṉ takatsuk aya winia Apar unuitiurmanak tajai.

Kar. 3:13

Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23

1 Tim. 2:6

Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

Isr. 2:9

Tura wáinjinia nu Krístuiti. Nisha aents ajas ishichik tsawant nayaimpinmaya̱ suntarja̱i̱ péejchach ajasmiayi. Yus ashí shuaran ti aneak jarukarti tusa wakerimiayi. Tura ni wáitias jakamuja̱i̱ yamaikia ti shiir naṉkaamas Uunt awajsamuiti.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

Apu. 5:9

Ju̱ yamaram kantancha kantampriarmai “Amek imiá naṉkaamas akupniuitme. Amek papí achikiam asakamu já̱a̱kminiaitme. Yus sutai namaṉkea áinis mantamna asam túramniaitme. Ashí nuṉkanmaya̱ shuarnumia̱sha Yusna árat tusam ame numpe̱mja̱i̱ iin sumakmiame.