Juaṉ 12:29 - Yus Papí: Shuarja̱i̱ Yus Yamaram Chicham Najanamu

²⁹ Shuarsha nui̱ pujuinia “ipiamtachuashit” tiármiayi. Tura chikitcha “Nayaimpinmaya̱ suntar Nin chichasai” tiármiayi.

Juaṉ 12:29 Iomraidhean Croise

Juup 40:9

¿Amesha Yusa kakarmari̱ji̱a̱i̱ métekaitiam? ¿Tura ame chichammesha Yusa chichame̱ ipiamta tímiankait?

Jiin. 19:16

Tura menaintiú tsawant tsawa̱a̱munam peemsha, chárpisha ajamiayi. Tura Senainiumka yuraṉkim tee ajasmanum kachusha ti kakaram umpuamu antuimiayi. Túmakui̱ matsamkamunam ashí Israer shuar pujuarmia nuka ti sapijmiainiak kurainiarmiayi. 2 Sam. 22:9

Jiin. 20:18

Tura ashí Israer shuar ipiamtancha chárpincha kachu umpuamuncha ántiarmiayi. Núnisaṉ Senái múkun múkun ajan wáinkiar ti sapijmiakar kuraṉkármiayi. Túmakui̱ Senainiumia̱ṉka íkiaṉ wajasármiayi.

Tur. 9:7

Tura Sáuruja̱i̱ irunar wéarmia nu, chichaamun antukarmiayi. Tura aentsnaka peṉké wáinkiacharmiayi. Tuma ásar ti ashamkarmiayi.

Apu. 11:19

Tuíniakui Yusa Uunt Je̱e̱ nayaimpiniam ana nu uranmiatai wakenmaani̱ Yus Aentsja̱i̱ Chícham Najanamu Eṉketai̱ paant amai. Túrunamtai peemsha, ipiamtasha, cháarpisha, u̱u̱sha armai tura michasha tí kakekamai.

Apu. 14:2

Ti untsurí árpan nayaimpiniam túntuiniak te̱e̱r awajénak kanusa uuntri̱ nujaṉkrak téter ajá núnisaṉ antukmajai. Ti kakaram ipiamta núnis amai.

Apu. 6:1

Tura siati asakamunmaya̱ emka asakamun wísha iimiai̱ṉ Murik ja̱a̱kmai. Túramtai chikichík taṉku ipiamtaja̱i̱ métek kakantar untsumun antukmajai. “Winitiá” timiai.

Apu. 8:5

Nuyá̱ nu kuṉkuin eṉketain Yusa suntari̱ achik ekemátainmaya̱ ji kapa̱a̱n kaí̱ri̱n áimiak ju̱ nuṉkanam ukaamai. Túramtai ipiamtasha untsummasha, peemsha tura u̱u̱sha armai.