Juaṉ 12:26 - Yus Papí: Shuarja̱i̱ Yus Yamaram Chicham Najanamu

²⁶ Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Juaṉ 12:26 Iomraidhean Croise

YKan. 17:15

Antsu wikia Ame yapimin nekasa nuja̱i̱ métek íistatjai. Tura Ámiji̱a̱i̱ métektaku ajasan shintiaran warastatjai.

YKan. 91:15

Tura ni seatkuiṉkia anturkan ái̱ktatjai. Núnisaṉ ni waitia nui̱sha pujuru asan yáiṉkian páantin awajsattajai.

Neka. 27:18

Arakan péṉker wáinniua nuka ni nere̱n yuáttawai. Núnisaṉ ni uuntri̱ wakeramuri̱n umía nuka shiir awajnástatui.

Wek. 14:24

Antsu winia takartin Karepka núniska enentáimtsuk péṉker enentáimias takamtsuk umirtuku asamtai wekaatus iyuma nú nuṉkanam awayá̱ttajai túram ni shuari̱ nui̱ nuṉkenawartatui.

Mat. 16:24

Nuyá̱ Jesus ashí ni unuiniamuri̱n chicharainiak “Shuar Winia nemartustaj tusa wakerakka ni wakeramuri̱n iniais ni krúsri̱n yanakí̱ Winia nemartusti.

Mat. 25:21

Takui̱ ni uuntri̱ chichaak ‘Ti péṉker takakmawitme. Nekas uminiaitme. Ishichkiji̱a̱i̱sha ti péṉker takakma asakmin tí nukap yamaikia amastatjai. Winí̱ waya̱m wiji̱a̱i̱ ti shiir warasta’ timiai.

Mar. 8:34

Nuna tuasua amik tura nui̱ matsamármia nunasha ni unuiniamuri̱ncha untsuk chicharainiak “Shuar Winia nekas nemartustasa wakerakka ni wakeramuri̱nkia iniaisati tura ni krusri̱ yanakí̱ nemartusti.

Ruk. 12:37

Ni uuntri̱ taak iwiáa pujuinian wáinkiarai nuka shiir pujuiniawai. Nu úuntak iwiar ‘ekentsa yurumtainiam pujustarum’ ni takarniúri̱n títiatui tura yurumkan súsartatui.

Ruk. 6:46

Wi tájana nu túrachiatrumsha ¿urukamtai Winia, Uuntá, túrutrum?

Ruk. 9:23

Nuyá̱ ashí aentsun chicharuk “Shuar Winia nekas nemartustajtsa wakerakka ni wakeramuri̱ṉkia iniaisati. Tuke tsawant ni krusri̱ yanakí̱ nemartusti.

Juaṉ 10:27

Wisha winia murikrun untsúam anturtuiniak nemartuiniawai. Wisha wínianak mash nékajai.

Juaṉ 13:16

Ti nekasan tajai. Takarniuka ni uuntri̱ naṉkaamaschaiti. Akupkámusha akupea nuna naṉkaamaschaiti.

Juaṉ 14:15

“Atumsha anentkurmeka winia chichamur umiktarum.

Juaṉ 14:3

Tura iwiaaran amukan ataksha tátatjai. Tura tana yaruaktatjarme, wi pujamunam atumsha pujusúk tusan.

Juaṉ 15:20

‘Takarniuka ni uuntri̱ naṉkaamaschaiti’ tíchamkajrum. Shuar Winia yajauch awajtúsaru ásar atumniasha yajauch awajtámsartatui. Chikicha umirtukaru ásar atumniasha umirtamkartatui.

Juaṉ 17:24

Aparu, shuar surusmam nu Wi pujustatjana nui̱ pujusárti tusan seajme. Kame ju̱ nuṉká nájanchamunmaṉ tuke anentin asam ti shiir awajtúsuitme. Tura ti shiir awajtúsmamna nuna íisarti tusan nuna seajme.

Juaṉ 21:22

Jesussha aya̱k “Wi wakeraknaka iwiaaku pujai̱ṉ tátatjai tákuisha ¿warí itiurtama? Ámeka nemartusta” tímiayi.

Rum. 1:1

Wi Papru Jesukrístu takarniuitjiai. Núnisaṉ Yus achirak ni uwempratin chichame̱n etserkat tusa akatar akuptúkmiayi.

Rum. 14:18

Ashí shuar Krístun núnis umireakui Yussha tura chíkich shuarsha péṉker enentáimtuiniawai.

2 Kur. 4:5

Iisha étserkur Jesukrístu ii Úuntri̱nti tu étsereaji. Iikia atumí úuntri̱ntji tátsuji. Antsu Jesus ii uuntri̱ asamtai atumí yáintri̱ntji, taji.

2 Kur. 5:8

Tura ju̱ aya̱shniumia̱ jíinkir Uunt Jesusja̱i̱ tuke pujustaitsar wakeraji. Tura túrattaji tu nékaji.

Kar. 1:10

Ti kakaram chichaatsjak. Nuna chichaakun shuar shiir enentáimtursarti tusan chichaatsjai. Antsu Yus shiir enentáimtursati tusan nuna tajai. ¿Shuar wakeruinia nuna enentáimsan chichaajak? Nuna enentáimkiunka Kristu wakera nuna umirkachaintjiai.

Jir. 1:23

Wíji̱a̱i̱ṉkia itiurchataiti mai̱ achiktin. Jákatniuncha wakerajai Krístuja̱i̱ tsaniṉkian pujustaj tusan. Wíji̱a̱i̱ṉkia nu imiá péṉkeraiti.

Kurs. 3:24

Ame úuntrum Kristu asa nayaimpiniam ashí shiir takustinian tsaṉkatramkattawai.

Kurs. 4:12

Epaprassha, atum wea, Krístunun etserin asa atumín amikmátmarme. Nisha ashí tsawant Yusan áujeak Yusja̱i̱ kaka̱rum tuke shiir Yus wakera nu túrak tusa seatramprume.

2 Pit. 1:1

Wikia ju̱ papin aajna ju̱ Semuṉ Pítruitjiai. Jesukrístu akatrámu asan ni takarniúri̱ntjiai. Ii Yusri̱ tura iin Uwemtikramin Jesukrístu umirumna nuna atumniasha ju̱na áatjarme. Nisha ashí aentsun métekrak enentáimtin asamtai atumsha iiji̱a̱i̱ métek Niniu ajasurme. Nuka tí peṉkeraiti.

1 Jṉ. 5:3

Yus aneakur Ni tana nu umiktatji.Mat. 11:30; Jṉ. 14:15 Ashí Yusa uchirí̱ya nu Yusan nekas enentáimta asa, ashí ju̱ nuṉkanmaya̱ írunna nuna núpeteawai. Nu asamtai Yus tana nu umirkatin itiurchatchaiti.

Jut. 1:1

Wi Jútas Jakupu yachi̱ntjiai. Jesukrístu takarin asan ashí Yus Apa ni shuari̱ átinian achikma ainia nuna ju̱ papin áateajai. Jesukrístuja̱i̱ tsaniṉkiaru ásarmatai Yus nin wainiainiawai niji̱a̱i̱ kanakchatniun.

Apu. 14:4

Nu shuarsha nuwa̱ja̱i̱ yajauch ajascharu ásar ti shiir áiniawai. Túrawar Murik wéana nui̱ nemarainiawai. Ju̱ nuṉkanmaya̱ shuarnumia̱ uwempraru ásarmatai Yussha tura Muriksha ti shiir enentáimtiarmai. Nisha emka juukma ti shiira núnisaṉ armai.