Juaṉ 12:25 - Yus Papí: Shuarja̱i̱ Yus Yamaram Chicham Najanamu

²⁵ Núnisaṉ shuarsha jiṉkiaiya nuke aya ju̱ nuṉkanam péṉker pujustinian enentáimkiuṉka ni iwiaakmari̱n emeṉkáktatui. Antsu ju̱ nuṉkanam niní̱ wakeramun muí̱jiak tuke iwiaaku pujustinian wainkiattawai.

Juaṉ 12:25 Iomraidhean Croise

Mat. 10:39

Kame aya jú̱ nuṉkanam péṉker pujustaj tana nu ni iwiaakmari̱n emeṉkáktatui. Antsu Winia enentáimturuka ni iwiaakmari̱ji̱a̱i̱ itit nekapmamtsuna nu ni iwiaakmari̱n wainkiattawai.

Mat. 16:25

Shuar áyatik péṉker pujustaj tákuṉka nú shuar uwemtsuk jakattawai. Antsu Winia enentáimturuk nemartus pachimiattsuk jaakka nú shuar nekaska iwiaakmanka wainkiattawai.

Mat. 19:29

Tura shuar ni je̱e̱ncha, yachi̱ncha, umai̱ncha, aparí̱ncha, nukurí̱ncha, nua̱ri̱ncha, uchirí̱ncha tura nuṉke̱ncha Winia anentu asa ikiukí̱ wekaakka nu shuar ni ikiukmia núnisaṉ yamaisha ti untsurí wainkiattawai tura ukunmasha tuke Yusja̱i̱ shiir pujustatui.

Mar. 8:35

Kame shuar ju̱ nuṉkanam aya niṉki anenmamkuṉka nu shuar ni iwiaakmari̱n emeṉkáktatui. Antsu Winia anentu asa tura winia chichamprun anea asa shuar aya péṉker pujustinniak enentáimtsuna nu nekas iwiaakman wainkiattawai.

Ruk. 14:26

“Shuar ni aparí̱ncha, ni nukurí̱ncha, nua̱ri̱ncha uchirí̱ncha, yachi̱ncha, umai̱ncha Wiji̱a̱i̱ naṉkaamas enentáimtakka tura shiir pujustinian wakerak Winí̱ winitniun nakitiakka winia unuiniamur ajaschamniaiti.Mat. 10:34-39

Ruk. 17:33

Aya ju̱ nuṉkanmaya̱ṉ enentáimias ‘iwiaaku átaj’ tana nu ni iwiaakmari̱n emeṉkáktatui. Tura ju̱ nuṉkanam ni iwiaakmari̱n emeṉkána nu nekas iwiaakma ana nuna wainkiattawai.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.

Tur. 21:13

Tutai Papru chichaak “¿Urukamtai útkuram winia enentái̱rui̱ kúntuts awajtarum? Wi Jesusna asan Jerusaréṉnum jiṉkiatrarmataisha jákatniun ashamatsjai” tímiayi.

Isr. 11:35

Nuwa̱sha ni uchirí̱ jakaan iniantkímiun wáinkiarmiayi. Chikitcha wáitias mantamnawarmiayi. Ti shiir pujustinnium nantaktiai tusar nú tsawantai̱ uwempratniun nakitrarmiayi.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.