Juaṉ 12:21 - Yus Papí: Shuarja̱i̱ Yus Yamaram Chicham Najanamu

²¹ Nisha Jiripin weantúkarmiayi. Kame nu Jirip Petsaitianmaya̱uyayi. Petsaitiasha Kariréanmaiti. Nincha Kriaku aents seainiak “Uuntá, Jesusja̱i̱ chichastaitsar wakeraji” tiármiayi.

Juaṉ 12:21 Iomraidhean Croise

Mat. 11:21

“Kurasínnumia̱tiram tura Petsaitianmaya̱tirmesha aneartarum. Nui̱ aents tujintiamun ti túraitjiai. Tírunam Setunnumsha nu tujintiamu túramuitkiuiṉkia yaunchu ni enentái̱n yapaji̱áwara̱a̱yi. Túrawar kúntuts pujutai̱ pushin entsarar yuṉkunim ajakiara̱a̱yi.

Mat. 2:2

Taar inintruiniak “¿Israer shuara úunt akupniuri̱ tui̱ akiiniait? Etsa̱ tatainmaani̱ pujaati ni yaari̱ wainkiamji. Tura tikishmátratai tusar winiaji” tiármiayi.

Juaṉ 1:48

Takui̱ Natanaérsha “¿Itiur nékaram?” tutai Jesussha chicharuk “Jirip tuke untsurmatsa̱i̱ṉ ikiu numiri̱n ejamkam wajamin wainkiajme” tímiayi.

Juaṉ 6:40

Yus Apa wakerana nu ju̱i̱ti. Ashí shuar Winia ‘Yusa Uchirí̱nti’ tu enentáimturkui yamaram iwiaakman tuke takusat tusa wakerawai. Nú shuarnaka amuukatin tsawantai̱ iniantkíttiajai” tímiayi Jesus.