Juaṉ 12:20 - Yus Papí: Shuarja̱i̱ Yus Yamaram Chicham Najanamu

²⁰ Paskua nampernum Yus shiir awajsatniun Jerusaréṉnum weriaruka untsurí nuṉkanmaya̱ shuar ármiayi. Kriaku aents ármiayi.

Juaṉ 12:20 Iomraidhean Croise

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Mar. 7:26

Nu nuwa̱ Israer shuarcha, Serupinísianmaya̱uyayi. Túmaitiat nawantru enentái̱ya̱ íwianch ji̱i̱rturkitia tusa Jesusan seamiayi.

Juaṉ 12:1

Paskua námper jeatin sais tsawant ajasmatai Jesus Petanianam wémiayi. Jesus jakamunmaya̱ iniantkímia nú Rásaru nui̱ pujumiayi.

Juaṉ 12:19

Tura Pariséusha nuamtak chichainiak “Iis, peṉké tujintkiaji. Maa Iistá, ashí shuar Nin nemarainiatsuk” tiármiayi.

Juaṉ 7:35

Israer shuarsha nuamtak aniniaisarmiayi “¿Ju̱sha tui̱ wéakuiṉ iisha wáinkiashtatajⁱ? ¿Israer shuar Krésianam pujuinia nui̱ we nú aentsun unuiniartatuak?

Tur. 14:1

Ikiuniu péprunam Papru Pirnapíji̱a̱i̱ jeawar Israer shuar iruntai̱ je̱a̱nam waya̱warmiayi. Túrunawar Yus Chichaman ti paant etserkarmatai ti untsurí Israer shuarsha tura Kriaku shuarsha Yusan nekas enentáimtusarmiayi.

Tur. 16:1

Papru Sérasja̱i̱ Tírpin íirkutak Rístranam jeawarmiayi. Tura nui̱ Rístranam Yus shuaran Timiutéun wáinkiarmiayi. Ni nukurí̱ṉkia Israer shuar Yus shuarauyayi. Tura ni aparí̱ṉkia Kriaku aentsuyayi.

Tur. 17:4

Nuna takui̱ Israer shuar chikishtarchik umikiarmiayi. Túrawar Pápruja̱i̱ Sérasja̱i̱sha tsaniṉkiarmiayi. Tura Kriaku aentssha ti untsurí Yusan umirkarmiayi. Tura nuwa̱ peṉkeri̱ armia nusha nútiksaraṉ umikiarmiayi.

Tur. 20:21

Tura Israer shuarnasha Israer shuarchancha nútiksanak enentai yapaji̱árum Uunt Jesukrístu umirkatarum, tímiajrume.

Tur. 21:28

Achikiar untsumainiak “Israer shuartiram iin yaintmaktarum. Ashí nuṉkanam Muisais akupkámuri̱ncha Israer shuarti túrutairi̱ncha ju̱ Yusa Uunt Je̱e̱ncha yajauch chicharea nu achikji. Warí, Kriaku aentsun awayá̱shtinia nuna awayá̱ nuja̱i̱ yamái ju̱ Je̱a̱ncha yajauch awajtúrmaji” tiármiayi.

Tur. 8:27

Tutai Jiripsha wémiayi. Jintiá wesa Itiupíanmaya̱ áishmaṉkan wainkiamiayi. Nú aishmaṉsha Itiupía nuṉka akupniúri̱n, ni naari̱ Kantasen takarniuyayi. Kantaseka núwa̱uyayi. Tura nú aishmaṉ ti neka asa nuna kuítri̱n íirniuyayi. Nú aishmaṉsha Yusan áujsataj tusa Jerusaréṉnum wéu wáketmiayi.

Rum. 1:16

Nu uwempratin chicham Yusa kakarmari̱ji̱a̱i̱ ti kakaram asa ashí shuaran Krístun nekas enentáimtuinia nuna uwemtikramniaiti. Tuma asamtai natsantatsjai. Nekas Israer shuarnasha tura chíkich shuarnasha núnisaṉ uwemtikramniaiti.

Rum. 10:12

Tuma asamtai ashí shuar, Israertisha Israerchasha, mái̱ metek Yusan shiir enentáimtuinia nuna Yus ti aneak ashí péṉkeran suawai. Tura ashí métek ni Úuntri̱nti.

Kar. 2:3

Nisha Yus shuara úuntri̱ntiat itiurchat enentáimpracharmai. Antsu chíkich shuarka Titiu Israer shuarchaitiat wiji̱a̱i̱ pujakui nisha Israer shuar ajasti tusa tsupimiamtikiatniun wakeriarmai. Túrasha tujintkiarmai.

Kar. 3:28

Jesukrístuja̱i̱ tsaniṉkiu asarⁱ imiá métek aji. Israer shuar, Israer shuarcha aṉkant ainia nu aṉkantcha ainia nu áishmaṉ, nuwa̱, ashí mash Jesukrístunuitkiuiṉkia yamaikia “niishaaiti” tu enentáimprashtiniaiti. Ni shuari̱ mash chikichik áiniaji.

Kurs. 3:11

Ashí írunna nuja̱i̱ naṉkaamas Kristu ashiyaiti. Níiniun pujurui. Tuma asamtai ashí ni shuari̱ enentái̱n pujá asamtai nusháa enentáimtunairchatniuiti. Kriaku aentssha tura Israer shuarsha, tsupirnakusha tura tsupirnakchasha, apachcha tura yajaya̱ shuarsha, takarin ainia nusha tura aṉkant ainia nusha, Kristu ashí ni enentái̱n pujakui nusháa enentáimtunairchatniuiti.