Juaṉ 12:2 - Yus Papí: Shuarja̱i̱ Yus Yamaram Chicham Najanamu

² Jesus jeamtai ayurawarmiayi. Rásarusha niji̱a̱i̱ yurumámiayi. Mártasha yurumkan ayurkamiayi.

Juaṉ 12:2 Iomraidhean Croise

Anen. 4:16

“Araki̱a̱ naseá shintiarta tura nuṉkaani̱ya̱ naseá ju̱i̱ winitiárum. Túram winia ajaruí̱ umpuim kúṉkuṉ awajiarta. Winia aneamurka ni ajarí̱n tati tura nere yumin ainia nuna yuatí.”

Mat. 26:6

Jesus Petanianam pujus tunamáru Semuṉka je̱e̱n pujumiayi.

Mar. 14:3

Jesussha Petanianam tunamáru Semuṉka je̱e̱n ekentsa yurumtainiam pujan nuwa̱ tarimiayi. Nartu kuṉkuinian arapástru tutai kaya najanamunam piákun itiamiayi. Nu kuṉkuin tí kuitiaiti. Mutí chuchuke̱ kupik Jesusa muuke̱n kuṉkuinian ukatramiayi.

Ruk. 12:37

Ni uuntri̱ taak iwiáa pujuinian wáinkiarai nuka shiir pujuiniawai. Nu úuntak iwiar ‘ekentsa yurumtainiam pujustarum’ ni takarniúri̱n títiatui tura yurumkan súsartatui.

Ruk. 14:12

Nuyá̱ Nin ipiaamua nuna chicharuk “Amesha yurumáití tusam untsuktajtsam wakerakmeka ame amikrumsha tura yatsumsha nuyá̱ ame shuarumsha írutramuram kuítrintin ainia nusha ipiaawaip. Ni ipiaamka ataksha íksaṉ ámin ipiatmashtatuak. Nuja̱i̱ akikma átatme.

Ruk. 22:27

Enentáimsatarum. Ekentsa yurumtainiam pujus yurumna nu, yurumkan ajamana nuja̱i̱ ¿túa imiá nekas naṉkamantuit? ¿Yurumna nu nekas naṉkamantuchukait? Túrasha Wikia atumín yurumkan ájamua núnisnak pujajai.

Ruk. 5:29

Nuyá̱ ukunam Riwí namperan Jesusan najatamiayi. Tura untsurí akupniu kuítri̱n juu tura chíkich shuarsha káunkar ekentsa yurumtainiam pujuarmiayi.

Apu. 3:20

Enentáimprata. Shuar wáitiniam wajas untsumna áintsanak Wi ámin untsúajme. Winia anturtukam ame enentáimin awa̱intiakminkia Wi wai̱ntiuattajme. Tura waya̱n ámiji̱a̱i̱ yurumáttajai. Tura amesha Wiji̱a̱i̱ yurumáttame.