Juaṉ 11:8 - Yus Papí: Shuarja̱i̱ Yus Yamaram Chicham Najanamu

⁸ Tura ni unuiniamuri̱sha chicharainiak “Uuntá, nuiksha Israer shuar kayaja̱i̱ tukurmar mantamatai tícharmaka. ¿Nui̱ ataksha wétai tamek?” tiármiayi.

Juaṉ 11:8 Iomraidhean Croise

Mat. 23:7

Jintiá wekainiaksha ashí aents áujtuiniak jintinkiartiniá turutiarti tusa wakeruiniawai.

Mat. 23:8

Túrasha átumka ashí shuar jintinkiartiniá turutiarti tusa enentáimsashtiniaitrume. Átumka nuamtak yáchintrume. Átumka chikichik jintinkiartin ni naari̱ Kristu takakrume. Nu asamtai jintinkiartiniá turamcharmin áiniawai.

Juaṉ 10:31

Tutai Israer shuarsha atak kayan achikiar tukutaj tiármiayi.

Juaṉ 10:39

Tutai ataksha sepunam eṉkeatai tiármiayi. Túrasha Jesus uwempramiayi.

Juaṉ 11:19

Tuma asamtai untsurí Israer shuar Mártasha Marisha ni umái̱ jakamtai utkui atsaṉkrataj tusa weriarmiayi.

Juaṉ 4:31

Túmainiai̱ ni unuiniamuri̱ chicharainiak “Uuntá, yurumáta” tiármiayi.

Juaṉ 8:59

Nuna takui̱ Jesusan tukutai tusar kayan achikiármiayi. Tura Jesus ú̱mak ni matsatmanum ajapéni̱ṉ wéak Yusa Uunt Je̱e̱ya̱ jiinkí̱ wémiayi.

Tur. 20:24

Kame wikia jákashtajash. Túrasha warí winia itiurtawa. Wikia Yusa jinti̱i̱n warasan wekasataj tusan wakerajai. Yusai̱ wea wéakuan jáakun iniaisataj tajai. Tura nuyá̱ takatan Uunt Jesus surusmia nuna péṉker amuktaj tusan wakerajai. Jesus chichartak ‘Yus waitnenkartana nú chicham etserkata’ turutchamka.