Juaṉ 11:55 - Yus Papí: Shuarja̱i̱ Yus Yamaram Chicham Najanamu

⁵⁵ Israer shuara namperi̱ Paskua ishichik jatemsamtai untsurí shuar yajaya̱ péprunmaya̱ Jerusaréṉnum káunkarmiayi. Kame Paskua jeatsa̱i̱ṉ Muisais timia núnisaṉ ni aya̱shí̱sha enentái̱sha iwiarnarat tusa wakeriarmiayi.

Juaṉ 11:55 Iomraidhean Croise

Naṉ. 35:2

Tura Jakupka nuna antuk ni shuari̱n tura niji̱a̱i̱ írutra armia nuna chicharainiak “Átum najanamu yus achíakrumna nuka utsaṉtarum túrarum imiatkírtichu ajasrum atumí entsatái̱ri̱ yapaji̱átarum.

Juup 1:5

Nuyá̱ Juup káshik tuke túrin asa ni uchirí̱ namperan najantsua umikiarmatai Yusan yajauch enentáimtuiniak yajauchin túrachariash tu enentáimias mash untsukar ni tunaarí̱ tsaṉkurnararat tusa taṉkun maa áestak uchirí̱n chikichkimias Yusan seatniuyayi.

YKan. 26:6

Winia uwejrunka nijiamaran tunaarincha awajsaitjiai. Nuní̱ túran Uunt Yus áestutairmi yantamén wekasattajai.

Jiin. 19:10

Nuiṉkia Muisaisan Uunt Yus chicharuk “Weme Israer shuar imiatkincha awajsarta. Yamaisha tura kashincha atumí pushiri̱ nijiamaktarum.

Mat. 26:1

Jesus ashí nuna tinia umik ni unuiniamuri̱n chicharainiak

Mat. 26:2

“Atumsha nékarme, Paskua námper jeatin jimiarchik tsawant taasai. Nui̱ Aents Ajasuitjiana ju̱na krúsnum mantamnati tusar surutkartatui” tímiayi.

Mar. 14:1

Jímiarchik tsawant ajasmiayi Paskua tutai námper jeatin. Paskua nampertincha karin eṉketáchma páṉkan yúatin nampernasha métek najanin ármiayi. Yúsnan pujurniu úuntri̱sha tura Israer shuara jintinniuri̱sha Jesusan anaṉka achikiar maatai tusar wakeriarmiayi.

Ruk. 22:1

Karin eṉketáchma paṉ yúatin námper, Paskua tutai, jeatémamiayi.

Juaṉ 12:1

Paskua námper jeatin sais tsawant ajasmatai Jesus Petanianam wémiayi. Jesus jakamunmaya̱ iniantkímia nú Rásaru nui̱ pujumiayi.

Juaṉ 13:1

Paskua namper jeatin chikichík tsawant ajasmatai Jesusa tsawantri̱ jeatémayi. Túramtai ju̱ nuṉkan ikiukí̱ ni Aparí̱i̱n wétiniuyi. Jesussha nuna nekaamiayi. Ashí Níniun ju̱ nuṉkanam pujuinian tuke anea asa amúamunmasha yapají̱tsuk tuke aneemiayi.

Juaṉ 18:28

Nuyá̱ Kaipiasai̱ya̱ Jesusan júkiar tsawant tsawa̱a̱munam apachi úuntri̱n Piratu takatai̱ je̱a̱nam ejeniarmiayi. Israer shuarsha ni uuntri̱ akupkámia núnisar wapik ajasá̱i̱j tusar nu je̱a̱nam waya̱charmiayi. Waya̱warka Paskua nampernum yurumáchmin ármiayi.

Juaṉ 2:13

Israer shuara namperi̱, Paskua tutai ishichik ajasmatai Jesus Jerusaréṉnum wémiayi.

Juaṉ 2:6

Nui̱ kayaja̱i̱ najanamu muits entsa yaraatai sais pujuarmiayi. Nú muitsnum Israer shuar ni uwejé̱ncha nawe̱ncha Yus shiir enentáimtursati tusar nijiamau ármiayi. Kame chíkichkia uchaintia tura sian rítrusha entsa yarakmin ármiayi.

Juaṉ 5:1

Nu naṉkaamasmatai Israer shuar namperan najanainiakui Jesus ataksha Jerusaréṉnum waketkimiayi.

Tur. 21:24

Ni júkiarta. Túram nisha Muisais akupkámia nuna umikiar nijiaamainiakui amesha nijiaamarta. Núnismek kuítniasha ni súsatin ana nu amesha akikmatkarta. Nisha ashí umikiarmatai ni intiashí̱n awampratin áchattawak. Nu áishmaṉka intiashí̱n awampran Israer shuar wáinkiar anturtamkarainia nu nekaschaiti. Antsu Pápruka Muisais akupkámia tímianak túrawai, turamartatui.

Tur. 21:26

Nuyá̱ tiniu asamtai Papru nú kuatru áishmaṉkan júkiarmiayi. Tura kashin tsawa̱rar níimiak nijiaamararmiayi, Muisais timia nútiksaraṉ. Tura Yusan tiarmia nuna wárik umiktinian tura Muisais timia nuna Yus súsatniun ujaktajtsa Papru Yusa Uunt Je̱e̱n waya̱miayi.

Tur. 24:18

Túran wisha, Muisais jintinmia nútiksanak nijiaamaran Yusa Uunt Je̱e̱n pujumiajai. Untsurí aents charaatum ajainiasha atsumiayi. Nui̱ wiki pujái̱ Ásianmaya̱ Israer shuar wáitkiarmiayi.

1 Kur. 11:28

Nu asamtai ashí shuar ju̱ apatkun yútsuk tura ju̱ piniṉnumia̱ncha úmutsuk ni enentái̱n iwiaratniuiti Yusja̱i̱.

San. 4:8

Yusai̱ni̱ weamkata tura Ni atumín wearmáktatrume. Tunáa shuartiram Kristu numpe̱ja̱i̱ nijiamartarum. Tura átum, Yussha tura ju̱ nuṉkanmaya̱sha mái̱ metek wakerarmena nu, atumí enentái̱ naka eseeratarum.

1 Sam. 16:5

Tuíniakui Samuir aya̱k “Ee shiir enentáiji̱a̱i̱ Uunt Yusan shiir awajsataj tusan winiajai. Imiatkímprachu ajastarum túrarum Uunt Yus shiir awajmanum wiji̱a̱i̱ winitiárum” tímiayi. Nuyá̱ Isain uchirtiuk Yusna ártí tusa imiatkincha awajsarma Yus shiir awajeamunam Samuir ipiaawarmiayi.