Juaṉ 11:47 - Yus Papí: Shuarja̱i̱ Yus Yamaram Chicham Najanamu

⁴⁷ Nuna antukar Pariséusha Yúsnan pujurniu úuntri̱sha ashí naamka uunt armia nuja̱i̱ iruntrar chicharainiak “¿Warí itiurkamniait? Ju̱ áishmaṉka aentsti tujintiamun ti túratsuk.

Juaṉ 11:47 Iomraidhean Croise

Mat. 26:3

Nuyá̱ Yúsnan pujurniu peṉkeri̱n tura Israer shuara jintinniuri̱sha núnisaṉ Israer shuara úuntri̱sha Yúsnan pujurniu uuntri̱ Kaipiasa je̱e̱ á̱a̱ri̱n iruntrarmiayi.

Mat. 5:22

Tura Wisha tájarme, shuar ni yachi̱n aya kajerakka nusha asutniátniuiti. Ni yachi̱n kátsekea nuka akupniúnam junaktiniaiti. Tura ni yachi̱n ‘netsé’ tákuṉka jinium akupnákminiaiti.

Mar. 14:1

Jímiarchik tsawant ajasmiayi Paskua tutai námper jeatin. Paskua nampertincha karin eṉketáchma páṉkan yúatin nampernasha métek najanin ármiayi. Yúsnan pujurniu úuntri̱sha tura Israer shuara jintinniuri̱sha Jesusan anaṉka achikiar maatai tusar wakeriarmiayi.

Ruk. 22:2

Yúsnan pujurniu úuntri̱sha Israer shuara jintinniuri̱sha aentsun ashamainia ásar itiurak máwaintiajⁱ tusar ti enentáimsarmiayi.

Juaṉ 11:57

Pariséusha tura Yúsnan pujurniu peṉkeri̱sha akupáiniak “Jesus pujá nekaamka ujatkata” tiármiayi. Jesusan sepunam eṉkeatai tusar tiármiayi.

Juaṉ 12:19

Tura Pariséusha nuamtak chichainiak “Iis, peṉké tujintkiaji. Maa Iistá, ashí shuar Nin nemarainiatsuk” tiármiayi.

Juaṉ 2:11

Jesus ju̱ túramu Kaná Kariréanam túrunamiayi. Núja̱i̱ṉkia Jesus emka ni kakarmari̱n paant iniakmasmiayi. Nuna iisar ni unuiniamuri̱sha Niin enentáimtusarmiayi.

Juaṉ 6:2

Untsurí shuar Jesus ti jáinian timiá wárik tsuan wáinkiaru ásar Nin nemariarmiayi.

Juaṉ 7:32

Pariséusha tura Yúsnan pujurniu peṉkeri̱sha Jesusnan timian antukar suntaran akupkarmiayi Jesusan achikiar sepunam eṉkeawarat tusar.

Juaṉ 7:45

Nuyá̱ suntarsha waketkiarmiayi. Tura Pariséusha tura Yúsnan pujurniu peṉkeri̱sha “¿Urukamtai itiachuram?” tutai

Tur. 5:21

Nuna antukar kashin tsawa̱r káshik Yusa Uunt Je̱e̱n waya̱war jintintiáwarmiayi. Nu túmainiai̱ Yúsnan pujurniu uuntri̱ tura niji̱a̱i̱ pujuarmia nusha iruntrarmiayi. Tura Israer shuara uuntri̱ naamka armia nuna iruntrami tusa untsukarmiayi. Ashí iruntrar akatar Jesusa akatrámuri̱ sepunmaya̱ itiatárum tusar akupkarmiayi.

Tur. 5:24

Yúsnan pujurniu uuntri̱ tura Yusa Uunt Je̱e̱n wainniu úuntri̱sha nu chichaman antukar “Tsej ausha ¿urutáik nunasha iniaisarat?” tiármiayi.