Juaṉ 11:42 - Yus Papí: Shuarja̱i̱ Yus Yamaram Chicham Najanamu

⁴² Winiasha tuke anturtame tura ju̱ shuaran péṉker enentáimtikrataj tusan tajai. Ame akuptúkuitmena nuna nekarmawarti.”

Juaṉ 11:42 Iomraidhean Croise

Mat. 26:53

Wi wakeraknaka winia Aparun timiá untsurí Yusa suntari̱n seakui páchitsuk akuptúrkainti. ¿Nu nékatsmek?

Juaṉ 11:22

Tura tuke nékajai ashí Yus seamna nuna súramui” tímiayi.

Juaṉ 11:31

Marí wari wajaki̱ wématai Israer shuar nu je̱a̱nam atsaṉkrattsa pujuiniasha nuna iisar iwiarsamunam úttiasa wéatsuash tusa weriarmiayi.

Juaṉ 11:43

Nuna tinia kakaram untsúak “Rásaru jiinkitia” tímiayi.

Juaṉ 12:11

Untsurí Israer shuar Rásaru iniantkímiun nekaawar Yúsnan pujurniu peṉkeri̱n ikiukiar Jesusan enentáimtusarmiayi. Túrawarmatai Rásaruncha mátniun wakerukarmiayi.

Juaṉ 12:17

Jesus Rásarun iwiarsamunmaya̱ iniantkímiun wáinkiarua nú shuar nuna áujmatiarmiayi.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:25

Tí peṉker Aparu ju̱ nuṉkanmaya̱ shuar Ámin nekarmainiatsui. Antsu Wikia nékajme. Núnisaṉ Wí shuarsha ame akuptúkman nékainiawai.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 8:16

Tura súmamtikiunka awajitsuk túrajai. Iis, Wiki shuar túramun péṉkerashit tusan enentáimtsujai antsu winia Apar Winia akuptúkua nusha Wiji̱a̱i̱ métek shuar túramun nékawai.

Juaṉ 8:29

Winia akuptúkua nuka tuke Wíji̱a̱i̱ṉ pujawai. Winia Apar wakeramun tuke shiir túrakui ikiurkichuiti” tímiayi.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.

Isr. 5:7

Kristu jú̱ nuṉkanam pujak kakantar úutuk Yusan ti seamiayi. Nin jákatniunmaya̱ uwemtikramnia asamtai seamiayi. Tura Yusa wakeramuri̱n tuke enentáiji̱a̱i̱ enentáimtakui Yus anturak ti yáiṉmiayi.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

1 Jṉ. 4:14

Yus Apa ni Uchirí̱n ashí shuaran uwemtikrarat tusa ju̱ nuṉkanam akupkámia nu wainkia asarⁱ étsereaji.