Juaṉ 11:41 - Yus Papí: Shuarja̱i̱ Yus Yamaram Chicham Najanamu

⁴¹ Nuikia kayarí̱n uratiarmatai Jesus nayaimpinmaani̱ íimias chichaak “Aparu, Winia anturtakmin yumiṉsajme.

Juaṉ 11:41 Iomraidhean Croise

YKan. 123:1

Ame nayaimpiniam pujá asakmin paṉkain iyajme.

Mat. 11:25

Nuyá̱ Jesus chichaak “Shiir enentáimtajme, Aparu, ashí nayaimpisha nuṉkasha úuntrinme. Tuma asam Ame túram nu tí unuimiaru enentáimtumainia nuyá̱ ú̱kuitme antsu uchichia áinis naṉkamantu enentáimtumainiatsna nú shuar paant awajtúsuitme.

Mat. 11:26

Ame Aparu, núnis wakera asam túraitme.

Mat. 27:60

Tura kaya wa̱a̱ táurmanum yamaram amia nui̱ iwiarsamiayi. Ni iwiarsatin táumtikramunam Jusé iwiarsamiayi. Iwiaras kaya uuntja̱i̱ etektuk ikiuak wémiayi.

Mar. 15:46

Jusesha riniu tarach waṉkarman sumarak Jesusa aya̱shi̱n itiar áepas penuarmiayi. Tura yamaram kaya táurmanum ikiusmiayi. Ikius wáitiniam kayan atutmiayi.

Ruk. 10:21

Nuiṉkia ni enentái̱n Yusa Wakaní̱ waramtiksam Jesus ju̱na tímiayi “Aparu, ashí nayaimpiji̱a̱i̱ nuṉka Úuntrinme. Tuma asam ju̱ túrunamu tí unuimiaru enentáimtumainia nuyá̱ ú̱kuitme. Antsu uchichia núnis naṉkamantuchu enentáimtumainia nú shuar paant awajtúsuitme. Ee, Aparu, núnik wakerichmakum. Tuma asamtai shiir enentáimtajme, Aparu.

Ruk. 18:13

Tura kuítian juusha árantaṉ wajas yakiini̱ paṉkái̱ íimsatniunkesha natsaamak tsuntsumá ni netsepé̱n awati ‘Yusá, ti tunaitjiai. Waitnentrurta’ timiai.

Ruk. 24:2

Tura iwiarsamu kaya atutkamu urani̱ aan wáinkiarmiayi.

Juaṉ 11:22

Tura tuke nékajai ashí Yus seamna nuna súramui” tímiayi.

Juaṉ 17:1

Nuna ti Jesus nayaimpinmaani̱ íimias áujeak “Aparu, yamái jeayi ame Uchiram shiir awajsatin. Túrawakmin ame Uchirmesha péṉker awajtámsamniaiti.

Juaṉ 20:1

Tumiṉtincha káshik kirit ai̱ṉ Máktaranmaya̱ Marí Jesus iwiarsamunam íistajtsa wémiayi. Jesusan iwiarsar kaya uuntja̱i̱ wa̱a̱n atutkarmiayi. Tura Marí nui̱ jeá nu kaya uraimiun wainkiamiayi.

Tur. 7:55

Tura Estepaṉsha imiá Yusa Wakaní̱ pimiutkamuyayi. Tuma asa nayaimpinmaani̱ íimias Yusa winchari̱n tura Yusa untsuurí̱ni̱ni̱ Jesusan wajan wainkiamiayi.

Jir. 4:6

Itiurchat enentáimsatin atumji̱a̱i̱ peṉké atsutí. Antsu tuke Yus áujkum ashí itiurchatrum ujakta. Atsumamuram Yus seatá. Túram Yus yumiṉsata.