Juaṉ 11:25 - Yus Papí: Shuarja̱i̱ Yus Yamaram Chicham Najanamu

²⁵ Tutai Jesus chichaak “Iwiaaku átinia nérentin asan Wikia iniantkiartiniaitjiai. Winia enentáimturna nuka jakasha nantaktiatui.

Juaṉ 11:25 Iomraidhean Croise

YKan. 36:9

Núnisaṉ tuke pujustin sukartinmeka Ameketme. Tuma asam ame tsáapnintrumsha ii enentái̱n tsáapniawai. Jṉ. 4:14

Isa. 26:19

Áminiu jákaru ainia nuka ataksha iwiaaku ajasártatui. Maa nuṉká matsatrumna nútirmeka shintiarum kantamátarum. Maa Wí shuar árumna nútirmeka Ame pujutái̱rmin waya̱ta. Winia kajetair naṉkaamam ú̱mkatarum. Yajauchiri̱n asutiáwartaj tusa pujutái̱ri̱ya̱ Uunt Yus jiiniui. Núṉkaka maamu ainia nuna numpe̱n tura aya̱shi̱ncha peṉké ú̱kchattawai.

Ruk. 23:43

Tutai Jesus chicharuk “Nekasan tájame, jakar shiir pujutai̱nium yamái tsawant Wiji̱a̱i̱ pujustatme” tímiayi.

Juaṉ 1:4

Iwiaakmaka Niin amai. Nu iwiaakmaka aentsu tsáapintri̱nti. Nu tsáapninkia Yusna nuna ashí shuaran paant nekamtikiamniaiti.

Juaṉ 14:19

Ishichik tsawant naṉkaamasmatai chíkich shuar írunna nu wáitkiachartatui. Tura Wi iwiaaku asamtai átumka nu iwiaakmaja̱i̱ pujustatrume. Tuma asarum waitkiattarme.

Juaṉ 14:6

Takui̱ Jesus aya̱k “Wi nekas jíntiaitjiai. Núnisnak Nekasa nuitjiai. Tura Iwiaakmaitjiai. Yaaksha Winí̱ winiachkuṉka Aparuí̱ peṉké jeashtatui.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 3:36

Shuar Yusa Uchirí̱n nekas enentáimta nuka Yusai̱ tuke iwiaaku pujustatui. Antsu Yusa Uchirí̱n enentáimtatsna nuka nu iwiaakman wáinkiashtatui. Antsu Yus nin tuke kajerkaiti” Juaṉ tímiayi.

Juaṉ 5:21

Winia Apar jakamunmaya̱n iwiaaku ajasat tusa Ni wakerana nuna inianteatsuk. Núnisnak ni Uchirí̱ asan Wi wakeraj nuna iwiaaku awajsámniaitjiai.

Juaṉ 5:26

Iis, Winia Apar iwiaaku awajsatniun ímia Niṉki takakui. Tura Winiasha ni Uchirí̱ asamtai iwiaaku awajsatniun surusuiti.

Juaṉ 6:35

Tura Jesus chichaak “Witjiai nu apatuk nekas iwiaakman súana nu. Winí̱ winiana nú shuar peṉké tsukamáshtatui tura Winia enentáimturna nusha tuke kitiarchattawai.

Juaṉ 6:44

Winia Apar shuaran akuptúrkachuitkiuiṉkia peṉké weantúrkachainti. Tura Winia akupturna nuna amuukatin tsawantai̱ iniantkíttiajai.

Tur. 3:15

Túrarum iwiaaku átinian Amaana nu mámarme. Tuma ai̱ṉ Yuska Nin jakamunmaya̱ iniantkímiayi. Nuka iisha neka asar étsereaji.

Rum. 4:17

Kame Yus Papinium Aprajám áatramuiti “Untsurí shuarsha amé wea ajasártatui.” Naṉ. 17:5 Nu asamtai iisha Aprajámja̱i̱ métek Yus shiir enentáimtakrinkia Yus iincha Aprajám wea áintsaṉ íirmaji. Nú Yuska ti kakaram asa jakaancha iwiaaku awajniuiti tura atsana nunasha ana nútiksaṉ nájanui.

Rum. 8:2

Jesukrístuja̱i̱ tsaniṉkiu asakrin Yusa Wakaní̱ nekas iwiaaku awajtámsaitji. Tuma asamtai tunáa túratniunmaya̱ tura jákatniunmaya̱sha aṉkant ajasuitji.

1 Kur. 15:18

Núnisaitkiuiṉkia Yus shuar jákaru ainia nu tuke meṉkakaru áiniawai.

1 Kur. 15:29

Wats, shuar jakaan enentáimtusar imiantinniasha ¿urukamtia nuna túruinia? Jákaru nantakchatniuncha ¿urukamtai imianainia?

2 Kur. 4:14

Yus kakarmaiti. Ii Uuntri̱ Jesusan jakamunmaya̱n iniantkímiayi. Iincha núnisaṉ Jesusja̱i̱ iniantamkittiaji. Tura atumji̱a̱i̱ métek ni pujamunam juramkittiaji. Nusha paant nékaji.

Jir. 1:23

Wíji̱a̱i̱ṉkia itiurchataiti mai̱ achiktin. Jákatniuncha wakerajai Krístuja̱i̱ tsaniṉkian pujustaj tusan. Wíji̱a̱i̱ṉkia nu imiá péṉkeraiti.

Jir. 3:10

Tuma asamtai ashí naṉkaamas wakeraj nu ju̱i̱ti, Krístun péṉker nekaan nekas enentáimtustinniasha tura ni iniantkímiu kakarman takustinniasha wakerajai. Tura Niji̱a̱i̱ métek ajastinian wakerakun ni waitkiamunam tsaniṉtinniasha tura Ni jakamia núnisan jákatniuncha wakerajai.

1 Tis. 4:14

Jesus jakayat nantakchamkia. Núnisaṉ Yus Jesusan iniantkin Nin umirkar jákaru áiniana nunasha iniantkíttiawai. Paant nékaji nusha.

Apu. 1:18

Wikia tuke iwiaakuitjiai. Jakamiajai tura nantakin jákashtinian tuke iwiaaku pujajai. Jákatniuncha tura jaka pujuinia nuna yawiri̱n takakun nérenniuitjiai.

Apu. 21:4

Yus ni nea̱jkin u̱ju̱jturartatui. Tura nuik amia nuka ashí amuukarmatai jákatniusha, úttincha, wáitsatniusha tura najaimiatniusha atsuttawai” timiai.

Apu. 22:1

Nuyá̱ suntar tuke iwiaaku pujutai̱ entsan tí saaran iniaktursamai. Nusha úunt akupin pujutái̱nmaya̱ ti saawi jiinmiai. Nu pujutai̱sha Yusna tura Muriknauyi.

Apu. 22:17

Yusa Shiir Wakaní̱sha tura Murik anajmarmasha “¡Winitiárum!” tuíniawai. Tura ju̱na ántana nusha “¡Winitiárum!” tití. Tura ashí kitiama nuka winití. Wakerakka tuke iwiaaku pujutai̱ entsan peṉké kuítchaja̱i̱ umarti.