Juaṉ 11:16 - Yus Papí: Shuarja̱i̱ Yus Yamaram Chicham Najanamu

¹⁶ Nuyá̱ Jímiampramu Tumas chíkich unuiniamuri̱ nui̱ armia nuna “Iisha weri Niji̱a̱i̱ métek jakatai” tímiayi.

Juaṉ 11:16 Iomraidhean Croise

Mat. 10:3

Nuyá̱ Jirip, Parturumí, Tumas, Matéu. Mateusha kuítian achiniuyayi. Arpeu uchirí̱ Jakupusha. Ripíu núnisaṉ Tateu náartiniuyayi.

Mat. 26:35

Pítiur chicharuk “Maa, Ámiji̱a̱i̱ métek mántuiniakuisha peṉkesha natsantrashtatjame.” Ashí ni unuiniamuri̱ núnisaṉ tiármiayi.

Mar. 3:18

Nuyá̱ Antressha, Jirip, Parturumí, Matéu, Tumas, Arpeu uchirí̱ Jakupu, Tateu, Ásump Semuṉ,

Ruk. 22:33

Tutai Semuṉ chichaak “Uuntá, sepunam eṉketmainiakuisha wisha nemarsatajme. Tura mantamainiakuisha métek jakatai” tímiayi.

Ruk. 6:15

Mateusha, Tumassha, Arpeu uchirí̱ Jakupusha, Ásump Semuṉsha,

Juaṉ 11:15

Tura nui̱ pujuscha asan kúntuts pujatsjai. Jean túrattajna nu íisrum ti nekas enentáimtursattarme. Nuna nekaan shiir enentáimjiai. Wátsek, iyutai” tímiayi.

Juaṉ 11:8

Tura ni unuiniamuri̱sha chicharainiak “Uuntá, nuiksha Israer shuar kayaja̱i̱ tukurmar mantamatai tícharmaka. ¿Nui̱ ataksha wétai tamek?” tiármiayi.

Juaṉ 13:37

Nuyá̱ Pítiur chichaak “Uuntá, ¿urukamtai yamaikia winichminiaitiaj? Ámin yáiṉtajtsan jakataj tajai” takui̱

Juaṉ 14:5

Tumas chichaak “Uuntá, Ame wéam nu nékatsji. ¿Jintiasha itiurak nekaatajⁱ?”

Juaṉ 21:2

Semuṉ Pítrusha Jímiampramu Tumassha Kariréanmaya̱ Natanaérsha Sepetéu uchirí̱sha tura chíkich jímiar unuiniamuri̱sha métek iruntrar pujuarmiayi.

Tur. 1:13

Tura Jerusaréṉnum jeawarmiayi. Nui̱ jeawar je̱á̱ waya̱war yakí̱ wákarmiayi. Nui̱ Pítrusha, Jakupusha, Juaṉsha, Antressha, Jiripsha, Tumassha, Parturumísha, Mateusha, tura Arpeu uchirí̱ Jakupusha, nuyá̱ Ásump Semuṉsha, Jakupu yachi̱ Jútassha, tímian waya̱warmiayi.