Juaṉ 10:6 - Yus Papí: Shuarja̱i̱ Yus Yamaram Chicham Najanamu

⁶ Nu métektaku chichamnaka Jesus áujmatsamiayi tura shuar antukar nekaacharmiayi.

Juaṉ 10:6 Iomraidhean Croise

YKan. 106:7

Ii aparí̱ yaunchu Ejiptunam ame ti waitnentainiakum aentsti túrachmin túramun wáinkiariat antra núnis enentáimtuiniak nekaacharmiayi. Antsu Kapantin Nayants yantam matsamsar umiktinian nakitiáiniak aya kájearmiayi. Jiin. 14:10-12

YKan. 82:5

Kiritniunam wekaakrum nekamachuitrume tura ántichuitrume. ¡Tuma asamtai nuṉka tépakmartiuk peakmaiti!

Neka. 28:5

Yajauch shuar ainia nuka péṉker túratniun nékainiatsui antsu shuar Yus wakeramun túruinia nuka mash nekamnia áiniawai.

Isa. 56:11

Tuna ju̱ ya̱wá̱ yuruma ejemachu áiniawai, murikiu wainniusha nékachu áiniawai. Ashí niṉkia ní jinti̱ni̱ṉ werenawai aṉkant aṉkant ni wakeramuri̱n wénawai.

Tan. 12:10

Kame untsurí aents nijiatkar imiatkincha puju awajsamu ártatui. Túrasha Yusan enentáimtichu ainia nuka yajauchin túruiniak peṉké nekaachartatui. Antsu neka ainia nuka nekaawartatui.

Mat. 13:34

Ashí nuna Jesus métektaku chichamja̱i̱ áujmatsamiayi. Yaunchu Yúsnan etserin timia nu uminkiati tusa túramiayi. Etserin ju̱na áarmiayi “Métektaku chichamja̱i̱ áujmattiatjai. Yámankamtaikniumia̱ nékashtai̱n etserkattajai” YKan. 78:2 tu áarmiayi. Nu asamtai aya métektaku chichamja̱i̱ṉ áujmatmiayi Jesus.

Mat. 13:51

Jesus nuna tuasua amuk “¿Ju̱ mash antukurmek?” tutai ni unuiniamuri̱ “Ee, Uuntá, ashí antukji” tiármiayi.

Mar. 4:34

Chíkich shuaran aya métektaku chichamja̱i̱ ujaamiayi. Antsu ni unuiniamuri̱ji̱a̱i̱ Niṉki pujus ashí paant jintintrarmiayi.

Juaṉ 16:25

Métektaku chichamja̱i̱ nakumkan nuna tímiajai. Tura ukunmaṉka nuja̱i̱ chichatsuk winia Aparnan paant ujaktatjarme.

Juaṉ 16:29

Nuyá̱ ni unuiniamuri̱ chicharainiak “Yamaikia métektaku chichamja̱i̱nchu chichaame.

Juaṉ 6:52

Nuyá̱ nuamtak tunaikiar chichainiak “¿Ju̱sha itiurak ni aya̱shi̱ncha ayurtamatjik?” tiármiayi.

Juaṉ 6:60

Jesusa unuiniamuri̱ nu chichaman antukar untsurí chicharainiak “Ni tana nu ti itiurchat asamtai ¿yaki anturka̱i̱ṉ?” tiármiayi.

Juaṉ 7:36

Ni timia nu itiurkit. ‘Átumka e̱a̱tkáttarme tura Wi wéajna nui̱ wéchamniaitkiuram wáitkiashtatrume’ tana nu ¿itiurkit?” tiármiayi.

Juaṉ 8:27

Tuma ai̱ṉ ni Aparí̱n áujmatman peṉké nekaacharmiayi.

Juaṉ 8:43

¿Urukamtai Wi tájana nu imiá nékatsrum? Wi tájana nu nakitia asarum winia chichamur ántatsrume.

1 Kur. 2:14

Yus shuarcha Yusa Wakaní̱niun ántatsui ántraiti tusa. Aya Yusa Wakaní̱ jintintiámniaitkiui Yus shuarcha nuna peṉké nekaachmin áiniawai.

2 Pit. 2:22

Tíchamukait “ya̱wá̱ iyak ataksha yúawai” Neka. 26:11 tura “kuchisha imiaimiuitiat ataksha tsakusnum má̱jkimiui.” Nu áishmaṉsha núnisaṉ yajauchiniam ataksha waketainiawai.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.