Juaṉ 10:4 - Yus Papí: Shuarja̱i̱ Yus Yamaram Chicham Najanamu

⁴ Tura ashí ni murikrí̱n ji̱i̱r émtuki̱ wéawai. Muriksha ni chichame̱n ántuiniak untsúam nemarainiawai.

Juaṉ 10:4 Iomraidhean Croise

Anen. 2:8

“¡Winia aneamuru chichame̱nte! ¡Nuá iisiana, nisha naintiar náintniumia̱sha nanten nanten ajakí̱ winiana! Murach ainia nuya̱sha aneamur tsékeṉki̱ pee pee winiawai.

Anen. 5:2

“Wikia kanimjiai túrasha winia enentái̱rka iwiaamiayi. Untsumna nuka winia aneamuru chichame̱nchukait. ‘Winia ekentru, winia aneamuru winia yampitschiru eteṉmas enentáimniu aya wíniak uratritia. Warí winia muukarnaka sana ukatkayi. Tura ashí mash intiashruka kashi wekaamuja̱i̱ jíiniarai.’

Mat. 16:24

Nuyá̱ Jesus ashí ni unuiniamuri̱n chicharainiak “Shuar Winia nemartustaj tusa wakerakka ni wakeramuri̱n iniais ni krúsri̱n yanakí̱ Winia nemartusti.

Juaṉ 10:16

Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 10:27

Wisha winia murikrun untsúam anturtuiniak nemartuiniawai. Wisha wínianak mash nékajai.

Juaṉ 10:3

Waiti wáinniuka nekas murikiun wáinniun wáitin uratui. Muriksha ni wainniuri̱ chichame̱n nékainiawai. Nisha ashí ni murikrí̱n chikichik chikichik náari̱n anaitius untsúawai. Tura tsawai̱kia ni murikrí̱n ji̱i̱ki̱ ayurtainiam yarumui.

Juaṉ 10:5

Chíkich shuarnaka nékachu ásar nemarainiatsui. Antsu ni chichame̱n nékainiachu ásar pisainiawai” tímiayi.

Juaṉ 10:8

Wi táatsa̱i̱ṉ ashí eem táaruka kasa áiniak winia shuarun kasartuktaj tusa wakeriarmiayi. Tura winia murikiur anturkacharmiayi.

Juaṉ 12:26

Shuar Winia takartustinian wakerakka nemartusti. Túrakka Wi pujajna nui̱ Winia takartinia nu Wiji̱a̱i̱ tuke átatui. Núnisaṉ Winia takartinian Winia Aparsha shiir enentáimtustatui” tímiayi.

Juaṉ 13:15

Atumín nekapruatsan túramjai. Atumsha núnisrumek túratarum.

Juaṉ 18:37

Piratusha “¿Nuikia ame nekas úunt akupniukaitiam?” tutai Jesussha “Ee, ame támena nu nekasaiti. Jú̱ nuṉkanam akiinian ashí shuaran nekasa nuna ujaktinian táwitjiai. Ashí shuar nekasa nuna umirniuka Wi táman ántawai” tímiayi.

Juaṉ 3:29

Kame shuar nuwa̱n nuatna nuna áishri̱nti. Nuatnaiyak áishmaṉ nuwa̱ja̱i̱ áujnaiyakui ni amikrí̱sha nuna antukar ti warainiatsuk. Wisha núnisnak aents Jesusai̱ wénakui ti waraajai.

1 Kur. 11:1

Kristu túramia áintsaṉ wisha takaajai. Atumsha núnisrum wi takaajna áintsarum takastarum.

Ipi. 5:1

Tuma asamtai atumsha Yus atumín anenmana núnisrum anenaitiarum.

Isr. 12:2

Túmakur Jesus tuke enentáimtusar tsékeṉtiai. Ashí shuarja̱i̱ naṉkaamas Jesus Yusan ti nekas enentáimtak aya péṉkernak túramiayi. Tuke nekas awakmakmiayi. Imiá yajauch shuar krúsnum mátin ai̱ṉ natsanmainium jákatniuncha surimiakchamiayi. Antsu ukunam ti shiir warastin átatna nuna enentáimtak nuna ashí katsuntramiayi tura nuyá̱ Yusa untsuurí̱ni̱ akupin pujutai̱nium pujusuiti.

Isr. 6:20

Jesussha emka Yusai̱ wayá̱ mash iwiarturmaji. Tura Mirkiseték amia núnisaṉ Nisha yamái tuke amuukashtinian Yúsnan pujurniu uuntri̱ ajasuíti.

1 Pit. 2:21

Núnisaṉ túrunatin achikmaitrume. Kristu wáitrutmasmiarme nui̱ Wi túraj núnisaṉ túrawarmi tusar wáitsamiayi.

1 Pit. 4:1

Kristu ni aya̱shi̱i̱n waitsa asamtai atumsha núnisrumek wáitsatin ákuisha, katsuntratjai titiarum. Ni aya̱shi̱i̱n wáitiana nú shuar yajauchin páchiatsui.

1 Pit. 5:3

Túrasha “Yus shuara uuntri̱ ajasan Yus shuaran akuptiaj” tu enentáimsaip. Antsu shiir túramurmiji̱a̱i̱ Yusa murikrí̱ jintintiata.