Juaṉ 10:36 - Yus Papí: Shuarja̱i̱ Yus Yamaram Chicham Najanamu

³⁶ Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 10:36 Iomraidhean Croise

YKan. 2:2

Warí ashí nuṉkanmaya̱ úunt akupniusha tura peṉkeri̱sha wajarar Úunt Yusnasha Ni Anaikiamuri̱ncha iruntrar kajerkar chicharainiak Tur. 4:26

Isa. 42:1

Ju̱i̱ti Winia takartin anaikiamu yáiṉtatjana nu. Wi anaikiamu asamtai wakantrusha shiir enentáimtawai. Winia wakantrun nin súsaitjiai. Túramu asa nekasa nuja̱i̱ ashí nuṉkan sumamtikiawartatui.

Isa. 42:3

Tura pintiu punuancha kupikchattawai. Núnisaṉ ji kaji̱niuncha ikiajniákchattawai. Antsu nekasa nuja̱i̱ métek sumamtikiattawai.

Isa. 55:4

Nekaatarum. Niṉkia nekasaiti wisha wáinkiaitjiai tití tusan péprun apujtusuitjiai. Núnisaṉ uuntri̱ tura suntara uuntri̱ ati tusan ashí péprun apujtusuitjiai.

Jrm. 1:5

“Wikia nukui̱ṉkia najantsuk áminkia nekaamjame núnisnak akiintsumni̱ṉ Winia atí tusan akankámiajme. Tura ashí uunt nuṉka mátsatkamu áiniana nui̱ Winia chichamprun etserin atí tusan anaikiamiajme” turutmiayi.

Mat. 27:43

Yusan nekas enentáimtiniaitjiai tawai. Wátsek, Yus nekas Nin aneakka uwemtikrati. ‘Wi Yusa Uchirí̱ntjiai’ turamchamkajⁱ” tiármiayi.

Mat. 27:54

Nuyá̱ suntar Jesusan wáinkiarmia nusha tura ni úuntri̱ṉkia nuṉka ú̱u̱rkamtai nuyá̱ chikitcha ashammai ajasmatai ti sapijmiakarmiayi. Tura chichaak “Ju̱ áishmaṉ nekas Yusa Uchirí̱nti” tiármiayi.

Ruk. 1:35

Tutai Yusa suntari̱ Marin chichaak “Yusa Wakaní̱ tarutrámtatui. Tura yuraṉmia núnisaṉ Uunt Yusa kakarmari̱ ijirmattawai. Nu tuma asamtai Uchi akiiniattana nu Yusai̱ya̱ asamtai ‘Yusa Uchirí̱nti’ tiártatui.

Juaṉ 10:35

Kame Yus Papinium aarma nu tuke nekaschakait. Tuma asamtai ni chichame̱n antukarun Yuska ‘yúsaitrume’ takui̱ nuikia ti nekaschakait.

Juaṉ 17:18

Ju̱ nuṉkanam akuptúkmam áintsanak Wisha nin ju̱ nuṉkanam akupkaruitjiai.

Juaṉ 17:21

Núja̱i̱ṉkia ashí nisha chikichik ajasárti. Wisha Amesha, Aparu, chikichik ájinia núnisaṉ nisha Iiji̱a̱i̱ chikichik ajasártai tusan seajme. Nuja̱i̱ ju̱ nuṉkanmaya̱ shuar akuptúkuitmena nuna nekaawartatui.

Juaṉ 17:8

Ame chichamem surusmam nuna ujakam nisha umirtámkaruiti. Ame akuptúkakmin Amiiní̱ya̱ táwitjiai. Nu nekasaiti tu enentáimtuiniawai.

Juaṉ 19:7

Tura Israer shuar chicharainak “Nu shuar ‘Yusa Uchirí̱ntjiai’ takui̱ jákatniuiti. Iiniu akupeamu aarma nui̱ núniskete” tiármiayi.

Juaṉ 20:28

Nuyá̱ Tumas “Winia Uuntruá, nekas winia Yúsruitme” tímiayi.

Juaṉ 20:31

Antsu Jesuska Kristu asa Yusa Uchirí̱nti tu enentáimtustarum tusan jú̱naka áarmajai. Tura enentáimtakmin Jesus ni iwiaakmari̱n yamarma nuna amastatui.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 3:34

Yus akupkámuka Yusa Chichame̱n étserui. Warí, Yuska ni Wakaní̱nkia nekapmas amaatsji.

Juaṉ 5:30

“Wikia, Wi wakeramun e̱a̱tsjai antsu Winia akuptúkua nu wakeramun túrajai. Tuma asan Wíkikia warinkisha túratsjai. Wi itiur ántaj tímiatrusnak súmamtikiajai. Witjiai súmamtikiunka nekasa nuja̱i̱ métek súmamtikiajai.

Juaṉ 6:27

Ju̱yá̱ yurumak amuukatin asamtai ti enentáimtuschatnuitrume̱. Antsu amuukashtin yurumak tuke iwiaaku pujustinian amaana nu takarsatniuiti. Nú yurumkanka Wi Aents Ajasu asan susattajrume. Tú tusa Yus Apa nuna túratniun surusuiti” tímiayi.

Juaṉ 6:38

Wi wakeraj nuna túratniun táchaitjiai antsu Winia akuptúkmia nuna umirkatniun táwitjiai.

Juaṉ 6:57

Iwiaaku Yus Apa Winia akuptúkua nuna iwiaakmari̱ji̱a̱i̱ iwiaaku pujajna núnisaṉ Winia yurakka winia iwiaakmarui̱ iwiaaku pujustatui.

Juaṉ 6:69

Ame Kristu asam nekas iwiaaku Yusna Tunaarinchaitme. Nuka enentáimtusar ti paant nékaji” tímiayi.

Juaṉ 8:42

Tura Jesus chichaak “Yus nekas atumí Aparí̱ntkiuiṉkia Winiasha anentíntrume Yusai̱ya̱ tau asamtai. Wisha winia enentáimmiarja̱i̱ ju̱i̱ táchaitjiai antsu Yus akuptúkuiti.

Rum. 1:4

Tura ni ti shiir wakaní̱ji̱a̱i̱ṉkia Yusa Uchirí̱nti. Tura ti kakarmaiti. Jakamunmaya̱ nantakmiaja̱i̱ nekas Yusa Uchirí̱a nu, paant nekanamiayi. Nisha ii Uuntri̱ Jesukrístuiti.

Rum. 8:3

Aya̱sh wakerutaiṉkia wi akupkámun enentáimtakui nuna naṉkaamas tunaan wakerumtikrimiayi. Tuma asamtai akupkámuka yáinkiachminiuyi. Antsu akupkámu tujintkiamia nuna Yus túraiti. Ni Uchirí̱n aya̱shtin awajás tunaan jarukat tusa akupkámiayi. Tura nuja̱i̱ aya̱sh tunáa wakeramun nupetkamiayi.

Rum. 9:5

Ni we̱a̱trí̱n Yusan tí peṉker enentáimtin irunmiayi. Krístusha aents ajas nú shuarnum akiiniamiayi. Krístuka Uunt Yus asa tura ashí akupin asa Niṉki tuke shiir awajnásti. Núnisaṉ atí.

Kar. 4:4

Tura tsawant jeamtai Yus ni Uchirí̱n akupkámiayi ju̱ nuṉkanam. Nisha Yúsaitiat nuwa̱nam akiiniamiayi. Tura aents ajasmiayi. Tura aents ajas yaunchu akupkámuncha umirkatniuyayi.