Juaṉ 10:35 - Yus Papí: Shuarja̱i̱ Yus Yamaram Chicham Najanamu

³⁵ Kame Yus Papinium aarma nu tuke nekaschakait. Tuma asamtai ni chichame̱n antukarun Yuska ‘yúsaitrume’ takui̱ nuikia ti nekaschakait.

Juaṉ 10:35 Iomraidhean Croise

Naṉ. 15:1

Nuyá̱ ukunam Uunt Yus Apraman ishí íkiajtiusaṉ ímiaja̱i̱k chicharuk “Apramá, ashamkaipia, tantarja̱i̱ ejaktinia áintsanak ejaajme. Amincha nekas péṉker pujustinian amastatjai” tímiayi.

2 Sam. 7:5

“Winia takartin Tawit werim chicharkum ‘Uunt Yus chichartamuk “Wi pujustin ¿amek je̱a̱rtitniuitiam?” tawai’ titiá” tímiayi.

Mat. 24:35

Nuṉkasha nayaimpisha amuukartatui antsu winia chichamur amuukashtatui.

Mat. 27:35

Krúsnum ajintrurar suntar yaki Jesusa pushiri̱n jukit tusar nakurúsar awakmakua nuna súsarmiayi. Núja̱i̱ṉkia yaunchu Yúsnan etserin aarmia nu uminkiamiayi “Winia entsarmarun akantrarmiayi tura nakurúsar awakmakua nuna winia pushirun súsarmiayi.” YKan. 22:18

Mat. 5:18

Nekasan tájarme. Ashí túrunatniua nu amúatsa̱i̱ṉ nu akupkámu ishichkisha yapajniáshtatui. Nayaimpisha tura nuṉkasha tuke amúatsa̱i̱ṉ nu akupkámusha amuukashtatui.

Ruk. 16:17

Túrasha yaunchu akupkámu ashí chicham uminkiatniuiti. Nu chicham uminkiashtinkia nayaimpisha nuṉkasha amukatniuja̱i̱ naṉkaamas itiurchataiti.

Juaṉ 10:34

Nuyá̱ Jesussha chichaak “Atumí akupeamuri̱i̱n Yus timia nu áarmaiti ‘Átum yúsaitrume’ YKan. 82:6 tawai.

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 19:28

Nuyá̱ ashí uminkiamtai Jesus nuna nekáa yaunchu Yus Papinium aarma uminkiati tusa “kitiamajai” tímiayi.

Tur. 1:16

Pítiur ju̱na chichaak “Yatsurtirmesha umarutirmesha antuktarum. Yuska yaunchu ni Papiri̱i̱n Jútasnan áamtikramiayi. Jútaska akiintsa̱i̱ṉ Tawitkia, Yusa Wakaní̱ jintintiam Jútasnan áarmiayi. Jesusan ju̱i̱ti tusa nekapruamia núiti. Kame Tawitia áarmari̱ Yus Chicham asa tímiatrusaṉ uminkiatniuyi.

Rum. 13:1

Akupniúnka ashí shuar umirkatniuiti. Akupniúka Yus apujsamuiti. Yus apujsachma akupin atsawai.

Muis. 18:15

Ukunam atumí Uunt Yusri̱ átum weanmaya̱nak kame atumínia̱nak Yúsnan etserniun wiya jú̱ni̱nniak anaikiattawai. Tura nisha anturkatarum.

1 Sam. 15:1

Kame chíkich tsawantai̱ Samuir Sáuran chicharuk “Uunt Yus akuptúkmatai asuitin muukmin ukatkan Israer shuara úunt akupniuri̱ atí tusam anaikiamjame. Túramu asam yamaikia Uunt Yusa chichame̱ anturkata” tímiayi.

1 Sam. 28:6

Tura nuya̱ṉka Saur Uunt Yusan aniasmiayi túrasha mesekranmaani̱sha Urimnumaani̱sha tura Yúsnan pujurin ainia nunisha peṉké Uunt Yuska ái̱kchamiayi.