Juaṉ 10:30 - Yus Papí: Shuarja̱i̱ Yus Yamaram Chicham Najanamu

³⁰ Wikia winia Aparja̱i̱ aya chikichkitji” tímiayi Jesus.

Juaṉ 10:30 Iomraidhean Croise

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Mat. 28:19

Tuma asamtai ashí nuṉkanam werum ashí shuar jintintiárum Wí shuar awajsatarum. Túrarum Yus Apa náari̱ji̱a̱i̱, Yus Uchi náari̱ji̱a̱i̱ tura Yus Wakaní̱ náari̱ji̱a̱i̱ imiaitiarum.

Juaṉ 10:29

Winia Aparka murikiun surusuiti. Nisha ashí naṉkaamas kakaram asamtai ¿yaki Ni uwejé̱ya̱n atankit?

Juaṉ 10:36

Nisha yúsaitkiuiṉkia nuikia Yus Apa anaikia ju̱ nuṉkanam akupkámu asan ti nekas Yúschakaitiaj. Núja̱i̱ṉkia wi ‘Yusa Uchirí̱ntjiai’ takui̱ ¿itiurak ‘Yusan yajauch chicharui’ túrutrum?

Juaṉ 14:23

Jesus chichaak “Winia anentuka tájana nuna enentáimtawai. Winia Aparsha nu shuaran aneattawai. Tura Wisha winia Aparuí̱ nu shuarja̱i̱ tsaniṉkia pujustatji.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 16:15

Ashí winia Apar takakna nusha Wíniaiti. Nu asamtai ‘ashí Wínian ujatmáktatui’ tajai.

Juaṉ 17:10

Ashí Winia ana nuka Áminiuiti. Tura ashí Áminiu ana nuka Wíniaiti. Winia péṉkerusha ni túramuja̱i̱ shiir awajsaiti.

Juaṉ 5:17

Tura Jesus chichaak “Wina Aparka yamaisha tuke takaawai. Núnisnak wisha takaajai”

Juaṉ 5:23

Tuma asamtai ashí shuar Yus Apan shiir awajainia áintsaṉ ni Uchirí̱ncha métek shiir awajsatin áiniawai. Yus Apa ni Uchirí̱n akupka asamtai Uchirí̱n shiir awajeatsna nuka Yus Apancha shiir awajeatsui” tímiayi.

Juaṉ 8:58

Tutai Jesussha chichaak “Ti nekasan tájarme, Aprajámka pujatsa̱i̱ṉ Wikia Wíkitjiai” tímiayi Jesus.

Muis. 6:4

Wats Israertiram antuktarum. Ii Úunt Yusri̱ṉkia chikichkiti. Aya Níṉkiti Uunt Yus. Mar. 12:29

1 Tim. 3:16

Maa, imiá nekasaiti, Yus iwiaintiurmakma ashí naṉkaamas tí enentáimtustiniaiti. Tura ju̱i̱ti, Yuska aents ajas aya̱shtiuk jú̱ nuṉkanam paant wantinkiamiayi. Yus Wakancha “tuke peṉké mátrachuiti” Niin etserkamuiti. Yusa suntarí̱sha Nin wáinkiarmiayi. Ashí nuṉkanam nu etsernakmiayi. Túramtai ashí nuṉkanmaya̱ aents nekas enentáiji̱a̱i̱ enentáimtusaruiti. Tura nayaimpiniam iwiaintiurkamuyayi.

Tit. 2:13

Túrar ii Yusri̱ Jesukrístu, uwemtikramajnia nu, imiá shiir iwiarnar tatí tusar nákastiniaitji.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.

1 Jṉ. 5:7

Nu asamtai menaint “Yusa Uchirí̱nti” Jesusan tuíniawai. Nayaimpiniam Yus Apa tura Jesukrístu, Chícham aa nu tura Yus Wakancha, nuṉkanmasha Yus Wakancha, entsasha tura numpasha. Mash métekrak tuíniawai.