Juaṉ 10:16 - Yus Papí: Shuarja̱i̱ Yus Yamaram Chicham Najanamu

¹⁶ Chíkich muriknasha takakjai. Nusha ju̱ wenuimiunmaya̱nchu áiniawai. Nunasha itiattajai. Nu muriksha Winia umirtukar ashí métek matsamsar chikichík wenuimiunmaya̱ ajasártatui tura chikichik wáinin átatui.

Juaṉ 10:16 Iomraidhean Croise

Naṉ. 49:10

Nekas nérentin táatsa̱i̱ṉ úunt akupniu akuptáiri̱ Jutaka atankichmin átatui. Nunasha ashí aents umirin ártatui.

YKan. 86:9

Ashí uunt nuṉka mátsatkamu Ame najantkamamna nu Ame pujamunam taar tikishmátramprartatui. Túrawar Ame náarmincha páantin shiir awajsártatui.

Isa. 11:10

Tuma asamtai nu tsawantiṉkia untsurí nuṉkanmaya̱ aents Isái shuari̱ya̱ átatna nuna e̱a̱kartatui. Nuka pepru ajapéri̱n tarach awajamua ánis Ni pujamuri̱ṉkia ti shiir páantin átatui.

Isa. 43:6

Araki̱a̱ṉka surusta tiártatjai antsu nuṉkaani̱a̱ṉka emetawairap tiártatjai. Winia uchirka jeashtanmaya̱sha nútiksarmek nawantruka nuṉka náṉkata ímiania̱sha ikiatruktarum.

Isa. 49:6

Nu Yus chichartak “Winia takartin ajasam Israer wea iniantkiaram tura Israer shuar iwiaaku juákaru ainia nu ataksha Yusai̱ni̱ awakearam irurartiniaitmena nuka aya ishichik takataiti. Antsu Wikia ashí nuṉkanmaya̱ aents tsáapninium wekasarat tusan akupkámajme. Túran ashí nuṉka náṉkata ímianai uwempratin chicham ejettame” turutmiai. Ruk. 2:32; Tur. 13:47

Isa. 52:10

Ashí nuṉkanam pujuinia nu aents iimmiainiamunam Uunt Yus ni kakaram kunturi̱n iniakmasuiti. Tuma asamtai ashí nuṉka náṉkata ímianai pujuinia nu shuarsha uwempratniun wáinkiartatui.

Isa. 56:8

Tura Ashí Uuntri̱ Uunt Yus Israer shuar ji̱i̱rar yajá ishiakman írumeana nu chichaak “Nu arant chikichnasha irurarjana ju̱ja̱i̱ métek irurartatjai” tawai. Jṉ. 10:16

Isk. 34:12

Kame murikiu péṉker wáinin ni murikrí̱n yuraṉkim utsantramunam nuyá̱ kashi ajasmánumsha tsakiṉmakarun ti enentáimtana núnisan Wisha winia murikrun ti enentáimtustatjai. Túran ashí nuṉkanam awakmamak tsakiṉmakarmia nuya̱ntka aṉkant awajsartatjai.

Isk. 34:23

Kame Winia murikru wáinkiatniunka chikichkiniak anaikian Winia takartin Tawitian apujsattajai. Tura niṉkia tí peṉker wainiainiak nú murikiu wainniuri̱ átatui. Jṉ. 10:16

Isk. 34:6

Kame Winia murikruka waakaar ashí naint tura naintiar naintiar ainia nui̱sha yujainiawai. Túrunawar ashí nuṉkanmaani̱ tsakiṉmakarai. Túmainiakuisha peṉké enentáimtuiniatsui núnisaṉ nuna e̱a̱kartincha peṉké atsuiniawai.

Isk. 37:22

Núnisnak Israer shuarnaka ni náintri̱ni̱ṉ tura ni nuṉke̱ni̱ṉ chikichik nuṉkak awajsaran chikichik akupniuk awajtúsartatjai. Tura atakka kanakar jimiará nuṉka ajasár akupniúrtinkia ajaschartatui.

Isk. 37:24

Nuiṉkia Winia takartin Tawitiak úunt akupin tura niṉki ashí wáinin átatui. Nuyá̱ Wi akupkámu umiktin chichamnasha uminiak péṉker túrawartatui.

Use. 1:10

Túrasha ukunmaṉka Israer shuarka entsá naikim írunna imianú untsurí nekapmarchamnia ajasártatui. Tura átumka ‘Wí shuarchaitrume’ tunamármena núnaka iniaisar antsu ‘tuke iwiaaku Yusa uchirí̱ntrume’ tunattarme.

Sak. 2:11

“Kame nu túrunamtai uunt nuṉka mátsatkamu untsurí Uunt Yusai̱ pachinkiartatui. Túrunawar Wi shuar ajasártatui. Nuya̱ṉka Wisha atumji̱a̱i̱ matsamsattajai. Nu túrunamtai antsu nuiṉkia Ashí Akupin Uunt Yus atumíin akuptúkua nu nekaattarme” tawai Uunt Yus.

Mat. 17:5

Tura Pítiur tu auju wajái̱ yuraṉkim ti puju amuamiayi. Tura nu yuraṉminmaya̱n chichaman antukarmiayi. “Ju̱ka winia aneamu Uchiruiti. Nin ti shiir enentáimtajai. Ni péṉker anturkatarum” tímiayi. Tu chichasmiayi Yus.

Ruk. 15:8

“Nuyá̱ chíkich enentáimsatai. Nuwa̱ tias kuítian takakna nuna chikichik meṉkakamtai wáinkiataj tusa jinia ekeemak je̱a̱n japimiak émamkes e̱a̱kchattawak.

Juaṉ 10:11

Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 10:2

Antsu murikiu wáinniuka wáitiniam waya̱a̱wai.

Juaṉ 10:27

Wisha winia murikrun untsúam anturtuiniak nemartuiniawai. Wisha wínianak mash nékajai.

Juaṉ 10:3

Waiti wáinniuka nekas murikiun wáinniun wáitin uratui. Muriksha ni wainniuri̱ chichame̱n nékainiawai. Nisha ashí ni murikrí̱n chikichik chikichik náari̱n anaitius untsúawai. Tura tsawai̱kia ni murikrí̱n ji̱i̱ki̱ ayurtainiam yarumui.

Juaṉ 10:4

Tura ashí ni murikrí̱n ji̱i̱r émtuki̱ wéawai. Muriksha ni chichame̱n ántuiniak untsúam nemarainiawai.

Juaṉ 10:5

Chíkich shuarnaka nékachu ásar nemarainiatsui. Antsu ni chichame̱n nékainiachu ásar pisainiawai” tímiayi.

Juaṉ 11:52

Tura aya Israer shuarnakcha antsu níji̱a̱i̱sha ashí nuṉkanam Yus shuar ajasárun irurtajtsa jákatniuyi.

Juaṉ 17:20

Aya níniunkeka seatainiatsjame antsu ashí ni chichame̱ncha antukar Winia nekas enentáimtursartatna nusha ame yaiṉkiarta tusan seajme.

Juaṉ 6:37

Ashí shuaran Winia Apar tsaṉkatrukarmiania nu, Wí shuar ajasártatui. Winin winiana núnaka peṉké nakitrashtatjai.

Tur. 15:14

Nuik túrachman Yus túramia nuna ii yachi̱ Semuṉ Pítiur ujatmákji. Ju̱i̱ti, Yuska Israer shuarcha waitnentak Winia ajasarat tusa chikishtarchiniak achikiuiti, tímiayi.

Tur. 22:14

Tura Ananías chichaak ‘Iwiaaku Yus, winia wakeramurun nekartuat tusa winia Uchirnasha tunaarinchaa nuna íisat tusa winia chichampruncha antukat tusa ámin yaunchu Yus anaitiamkaiti.

Rum. 11:25

Yatsuru, naṉkamantu enentáimtumara̱i̱rum tusan yaunchu nekaachman ujajrume. Ju̱i̱ti, Israer shuarnumia̱ṉka Yusan nekas enentáimtustinian nakimiainia írunui. Túrasha ashí Israer shuarcha Yus shuar ajastin ainia nu umikiarmatai

2 Tis. 2:13

Tura yatsuru, Uunt Jesus aneamu árumna nu iisha atumín enentáimtusar ii Yusri̱ yumiṉsaji. Átum nekas ana nuka umikiurme. Tuma asakrumin Yusa Wakaní̱ atumí enentái̱n péṉker awajtámsaitrume. Nu tuma asamtai yámankamtaikniumia̱ Yuska “átum uwempramniaitrume” túramprume.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

1 Pit. 2:10

Yaunchu nusháa shuar áuyarme. Tura antsu yamaikia Yus shuar ajasrum, Niniu ajasurme. Use. 1:9-10; Rum. 9:25-26 Yus shuar ajatsrumni̱ṉ ¿ya waitnentrampramia? Antsu yamaikia Yus waitnentramuitrume. Use. 2:23; Rum. 11:30

1 Pit. 2:25

Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

1 Pit. 5:4

Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.

Apu. 3:20

Enentáimprata. Shuar wáitiniam wajas untsumna áintsanak Wi ámin untsúajme. Winia anturtukam ame enentáimin awa̱intiakminkia Wi wai̱ntiuattajme. Tura waya̱n ámiji̱a̱i̱ yurumáttajai. Tura amesha Wiji̱a̱i̱ yurumáttame.