Juaṉ 10:12 - Yus Papí: Shuarja̱i̱ Yus Yamaram Chicham Najanamu

¹² Antsu aya kuitji̱a̱i̱ takauka ni murikri̱chu áiniakui tura nekas wáinniuchu asa péṉker waintsui. Kame úunt ya̱wa̱ winiakui murikiun ikiukí̱ pisaawai. Úunt ya̱wa̱sha murikiun achik tsakiṉmawai.

Juaṉ 10:12 Iomraidhean Croise

Mat. 10:16

“Aneartarum. Wisha murik ya̱wa̱num akupkátniua áintsanak akupeajrume. Tuma asamtai shiir nawamkartin áyatrum napi ti enentáimkia áintsarum anearum wetarum.

Mat. 7:15

Aneartarum. Wáitruiniak ‘Wi Yúsnan étserjai’ tuinia nu írunui. Pátatek murikiua áinis yúpichuch áiniawai tura ni enentái̱n nekas úunt ya̱wa̱ áinis áiniawai. Pátatek shiir chichainiawai tura ni enentái̱n yajauch piákuiti.

Juaṉ 10:13

Nu shuarsha akikiam takáa asa murikiun enentáimtatsui. Nu asamtai aya pisaawai.

Juaṉ 10:2

Antsu murikiu wáinniuka wáitiniam waya̱a̱wai.

Juaṉ 10:3

Waiti wáinniuka nekas murikiun wáinniun wáitin uratui. Muriksha ni wainniuri̱ chichame̱n nékainiawai. Nisha ashí ni murikrí̱n chikichik chikichik náari̱n anaitius untsúawai. Tura tsawai̱kia ni murikrí̱n ji̱i̱ki̱ ayurtainiam yarumui.

Tur. 20:29

Kame wi wématai chíkich táartatui. Núnaka nékajai. Tura nisha Yus shuaran amukártajtsa wakeriartatui, úunt ya̱wa̱sha murikiun amuinia áintsaṉ.

1 Tim. 3:3

Nampechusha tura suir enentáimtichusha átiniaiti. Aya kuítian ikiauṉkatniun enentáimtuschatniuiti. Antsu tsaṉka átiniaiti. Kajechusha átiniaiti. Chikichnancha wakerutkashtiniaiti.

1 Tim. 3:8

Núnisaṉ Yus shuaran yaincha péṉker ásar ashí shuar shiir enentáimtutai̱ ártiniaiti. Ni tana nuna tímiatrusaṉ umin, nampechu, aya kuítniak ikiauṉkatniun enentáimtichu ártiniaiti.

2 Tim. 4:10

Témas aya jú̱ nuṉkanmaya̱nak wakerak ajapa ikiuruk Tisarúnikianam weyi. Tura Kresentisha Karaseanam weyi. Núnisaṉ Títiusha Tarmasianam weyi.

Tit. 1:7

Enentáimprata. Yus shuara úuntri̱n Yusna ana nuna wainkiat tusa anaikiamuiti. Tuma asamtai nekas warinmaṉsha tíchamnia wekasatniuiti. Waantu enentáimtumatsuk kajetsuk tura nampechu átiniaiti. Chikichan waitkiau áchatniuiti. Tura anaṉkartua kuítrintin ajastaj tusa wakerukchatniuiti.

1 Pit. 5:2

Yus shuar ame íistiniaitmena nu, péṉker iistá, murikiu wáinin ni murikrí̱n wainnia áintsamek. Nakittsuk shiir enentáimsam túrata Yus wakerana nuke. “Chíkich akupta asamtai túrattajai” tútsuk tura nuja̱i̱ kuítrintin ajastin enentáimtsuk Yusa takatri̱ asamtai nekas wakeritia.

2 Pit. 2:3

Kuítian ti wakeruinia ásar wait chichaman unuitiamprar akíam kuítriniawartatui. Tura nú shuar yaunchu Yus jákatniunam sumamtikiawarma ásar ni amuukatin tsawantri̱ jeatémayi.