Juaṉ 10:11 - Yus Papí: Shuarja̱i̱ Yus Yamaram Chicham Najanamu

¹¹ Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 10:11 Iomraidhean Croise

2 Sam. 24:17

Nuyá̱ Tawit Yusa suntari̱ ashí aentsun amukí̱ wéan wainiak Uunt Yusan chicharuk “¿Ju̱ aentssha warinia túrawaruit? Tunaan túraj nuka Witjiai. Tuma asamtai seajme, winiak wi shuarja̱i̱ asuutiuata” tímiayi Tawit.

YKan. 23:1

Winia waitnia nu Yúsaiti. Tuma asamtai wíniaka peṉké táatruschattawai.

YKan. 80:1

Israer shuar wáinniuitmena nu antukta. Murikiu wainniua núnisam Jusé ámeka wainkiam ewekámme. Kirupín ainia nu matsatmanum ajapén pujutainiam Ámeka tsáapin ajasam pujusta.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Isa. 53:6

Kame iisha murikiua núnisar ashí meṉkakamiaji tura aṉkant aṉkant ii wakeramuri̱ni̱ṉ wekaimiaji. Túrasha Uunt Yuska ashí shuarti yajauch túramuri̱n Nin áentskamiayi.

Isk. 34:2

“Aentsu uchiri̱yá, Israer shuar murikiun wáinin ainia nu chicharainiakum ‘Uunt Yus chichaak “Murikiu wáinin niiṉki wáinmamainiana nuka aneararti. Warí, murikiu wáinniuka murikiun wáinkiachartinkiait” túramprume’ tusam murikiu wáinin ujakárta” tawai.

Isk. 34:23

Kame Winia murikru wáinkiatniunka chikichkiniak anaikian Winia takartin Tawitian apujsattajai. Tura niṉkia tí peṉker wainiainiak nú murikiu wainniuri̱ átatui. Jṉ. 10:16

Isk. 37:24

Nuiṉkia Winia takartin Tawitiak úunt akupin tura niṉki ashí wáinin átatui. Nuyá̱ Wi akupkámu umiktin chichamnasha uminiak péṉker túrawartatui.

Mik. 5:4

Uunt Yusa kakarmari̱ji̱a̱i̱ núnisaṉ Ni Yusri̱ Uunt Yusa naari̱ ti naṉkamantua nuja̱i̱ ni shuari̱ wainiainiam imiatkincha matsamsartatui. Warí Nisha nuṉka náṉkatrana ímianai naṉkamantu awajsamu átatui.

Sak. 13:7

Maj, puyá̱a̱, Winia murikiu wáinin tura áishmaṉ Winia a̱i̱rua nu ijiuarta” tawai Ashí Akupin Uunt Yus. “Tura murikiu wáinniun mantuattajai túram murik pisarartatui. Antsu uchichincha nekapsan amukchartatjai.”

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Juaṉ 10:2

Antsu murikiu wáinniuka wáitiniam waya̱a̱wai.

Juaṉ 15:13

Shuar ni amikri̱n nekas yáiṉtaj tusa aneak jarana nuna naṉkaamas aneen áminkiait.

Ipi. 5:2

Kristu iin anenmajⁱ núnisrum anenaitiarum. Kame ii tunaari̱n akikmaktaj tusa Niṉki Yusan súsatniuncha tura ti shiir nekapújamnia áestamuncha núnis jákatniunam surumakmiayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 13:20

Aṉkant pujustinnium apujkartinia nú Yus, ii Uuntri̱ Jesukrístun jakamunmaya̱ iniantkímia nu, ni numpé̱ kakarmari̱ji̱a̱i̱ ashí péṉker ana nuna suramsarti. Nuja̱i̱ ni wakeramu túrattarme. Tura Jesukrístu kakarmari̱ji̱a̱i̱ ashí ni wakeramun iin pujurtamas takasti. Ii Uuntri̱ Jesukrístu ashí Yus shuaran tí peṉker Wáinniuiti. Tura ni numpe̱ja̱i̱ yamaram chichaman kakaram awajsámiayi. Nu chichamsha tuke meṉkakashtatui. Aya Kristu tuke shiir awajnásti. Núnisaṉ atí.

1 Pit. 5:4

Nuiṉkia murikiu wainniu Uuntri̱ taa wantiniak iwiarmamtai tawasap tí shiirmachia núninian suramsattawai. Aents súana nu shíirmach wari mamurtiniaiti. Tura úuntrum ámin suramsattana nuka peṉké mamurchattawai.

1 Jṉ. 3:16

Jesukrístu iin jarutramka asakrin nuja̱i̱ nekas iin anenmaj nu nékaji. Iisha núnisrik Yus shuar ainia nu ti aneakur ni yaiṉtai tusar jarukmin átiniaitji.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.