Juaṉ 10:10 - Yus Papí: Shuarja̱i̱ Yus Yamaram Chicham Najanamu

¹⁰ Kásaka aya kasamkatniuncha mátniuncha emesratniuncha wakeruiniawai. Antsu Wikia yamaram iwiaakman tuke atsumtsuk nekaprarti tusan táwitjiai.

Juaṉ 10:10 Iomraidhean Croise

Isa. 56:11

Tuna ju̱ ya̱wá̱ yuruma ejemachu áiniawai, murikiu wainniusha nékachu áiniawai. Ashí niṉkia ní jinti̱ni̱ṉ werenawai aṉkant aṉkant ni wakeramuri̱n wénawai.

Mat. 18:10

“Uchi ainia nu nakitrairap. Yusa suntari̱ nin wáinkiatniua nu winia Aparuí̱ tíjiu̱ch pujuiniawai.

Mat. 18:11

Kame wi Aents Ajasu asan meṉkakarun e̱a̱ktajtsan táwitjiai.

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Mat. 21:13

Nuyá̱ tímiayi “Yus Papinium áarchamukait ‘Winia Je̱a̱r Yus aujtai̱ jé̱a̱iti.’ Isa. 56:7 Antsu átumka kasa matsamtaiya nútikiarme” tímiayi.Jrm. 7:11

Mat. 23:13

“Maa aneartarum jintinniutirmesha, Pariséutirmesha. Ántrarum shiir chichamtiniaitrume. Yus akupeamunam waya̱tin waiti epenniuitrume. Atumsha waya̱tsuk chikitcha waya̱taj tuinia nusha suritniuitrume.

Mar. 11:17

Nuyá̱ “‘Yus áujsatai tusar ashí shuar Yusa je̱e̱n waya̱mnia átatui’ tú aarchamukait Yusa Papiri̱i̱n. Antsu átumka Yusa je̱e̱ kasa matsamtaiya nútikiarme” tímiayi.Isa. 56:7; Jrm. 7:11

Ruk. 19:10

Wisha Aents Ajasu asan meṉkakaru ainia nuna e̱a̱kan uwemtikrartaj tusan táwitjiai” tímiayi.

Juaṉ 10:1

Jesus chichaak “Wi tájana nu ti nekasaiti. Shuar murikiun takakna nu ni murikrí̱n wenuimiunam kashi ikiuawai. Tura murik wenuimiunam pujuiniakui yajauch shuar murikiun kasamkatniun wakerakka wáitiniam waya̱chmin asa tanishnum waruk yajá waya̱wainti.

Juaṉ 10:11

Wikia péṉker wáinniuitjiai. Péṉker wáinniuka ni murikrí̱n uwemtikrartaj tusa jakattawai.

Juaṉ 12:47

Shuaran sumamtikiatniun táchaitjiai antsu uwemtikratniun táwitjiai. Tuma asamtai shuar winia chichamprun antuk umíachkuṉka sumamaiti. Tura Wikia sumamtikiachuitjiai.

Juaṉ 12:6

Kame kuítrinchan enentáimtak tíchamiayi. Antsu unuiniamu kuítri̱n wainiu asa yúpichuch kasamkamniuyayi. Tuma asa nuna tímiayi.

Juaṉ 3:17

Yus aentsun kajerak jinium surukat tusa ni Uchirí̱n akupkachmiayi. Antsu uwemtikrarat tusa akupkámiayi.

Juaṉ 5:40

Tuma ai̱ṉ nekas iwiaaku átaj tusarum Winí̱ tátin nakitiarme.

Juaṉ 6:33

Iis, Yusai̱ya̱ apatkuka nayaimpinmaya̱ tara núiti. Tuma asa ashí shuaran nekas iwiaakman suawai” tímiayi.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Rum. 2:21

Pai, chíkichka unuiniaitiatmesha ¿urukamtai imia ámeka unuimiatsum? “Kasamkashtiniaiti” tu étsereatsmek. Táyatmesha ¿urukamtai ámeka kasamam?

1 Tim. 1:15

Ju̱ chicham ti nekasaiti. Yajauch shuaran uwemtikrataj tusa Jesukrístu ju̱ nuṉkanam taramiayi. Nunasha ashí shuar nekaatin áiniawai. Tura wikia ashí shuarja̱i̱ naṉkaamas tunaan túriniaitjiai.

Isr. 6:17

Tuma asamtai Yuska “ti nekasan yapají̱tsuk túrattajai” tusa imia Niṉki pachimias tumammiayi. Nuja̱i̱ ni tsaṉkatkamun júkiartatna nu shuar Yus ti nekas umiktatna nuna nékainiawai.

Isr. 7:25

Tuma asa tuke iwiaaku pujak ni shuari̱n tuke Yusan áujtusminiaiti. Tuma asa shuar Nin enentáimtusar Yusai̱ weantkarun tuke uwemtikramniaiti.

2 Pit. 1:11

Tura ii Uuntri̱ Jesukrístu uwemtikramprajnia nu, Ni tuke akupeana nui̱ nakittsuk shiir awa̱intiámattarme.