Juaṉ 1:47 - Yus Papí: Shuarja̱i̱ Yus Yamaram Chicham Najanamu

⁴⁷ Jesussha Natanaéran tíjiu̱ch winian wainiak chicharuk “Ju̱ shuar iistarum. Ti péṉker Israer shuaraiti. Peṉké anaṉkartichuiti.”

Juaṉ 1:47 Iomraidhean Croise

YKan. 32:2

Shuar anaṉkartichua nu Uunt Yussha makuchmin asa warasminiaiti. Rum. 4:7-8

YKan. 73:1

Yuska Israerja̱i̱sha tura ashí péṉker enentáimin ainia núja̱i̱sha tí peṉkeraiti.

Juaṉ 2:25

Niṉki ashí shuara enentái̱n neka asa chíkich ujatkat tusa atsumchamiayi.

Juaṉ 4:16

Nuya̱sha Jesus chichaak “Áishrum untsukam utitiá túram ju̱i̱ tatá” timiayi.

Juaṉ 8:31

Israer shuaran Nin shiir enentáimtusarmia nuna Jesus chicharainiak “Wi tájarmena nu yawe̱tsuk túrakrumka nekas winia unuiniamur átatrume.

Juaṉ 8:39

Tutai nisha chicharainiak “Iikia Israer shuar asakrin ii úuntri̱ṉkia Aprajámaiti” tiármiayi. Tura Jesus chichaak “Nekas enentáimin Aprajám weaitkiurmeka niya núnis túrawaintrume.

Rum. 9:4

Israer wea shuar áiniawai. Tura ni uchirí̱ya áinis Yus achikiáruiti. Yusa winchari̱sha niji̱a̱i̱ pujumiayi. Yaunchu Chicham ni we̱a̱trí̱ji̱a̱i̱ iwiaramuncha tura Muisais akupkámuncha susamiayi. Tura Yusa Je̱e̱n Nin shiir awajsatniun jintintiámiayi. Tura ukunam shiir tsaṉkatkattana nunasha ujakmiayi.

Rum. 9:6

Kame Yus ashí Ni timia nuna Israer shuaran súsachmataisha nuja̱i̱ “Yus timia nu uminkiachuiti” tíchamniaiti. Antsu jú̱nis enentáimpratniuiti, ashí Israer wea áiniayatan Yusja̱i̱ íismaka ashí nekas Israer shuar áiniatsui.

Jir. 3:3

Antsu iikia aya̱sh tsupirnakmaja̱i̱ péṉker átiniaitji tu enentáimtatsji. Iikia antsu ii wakaní̱ji̱a̱i̱ Yus shiir awajeaji tura Jesukrístunu asar Niṉki shiir wararji. Nu túrakur Muisais timia nu umintikia iitji.

1 Pit. 2:1

Tuma asamtai ashí yajauch ana nu iniaisatarum. Anaṉkartin ántar chichamtin átin, chikichna wakeruktin, ashí tsanumpratniusha iniaisatarum.

1 Pit. 2:22

Krístuka tunaan peṉké túrachmiayi. Tura chikichkinkesha peṉké anaṉkachmiayi. Isa. 53:9

Apu. 14:5

Nu shuar peṉké wáitrichu ásar Yusai̱sha ti shiir tunáa máatrachu armai.