Juaṉ 1:29 - Yus Papí: Shuarja̱i̱ Yus Yamaram Chicham Najanamu

²⁹ Nuyá̱ kashin Juaṉ Jesusan winian wainiak chichaak “Iistarum. Núiti Yusa Murikrí̱ ashí aentsu yajauchiri̱n asakána nu.

Juaṉ 1:29 Iomraidhean Croise

Isa. 53:10

Kame Uunt Yuska awatnarti timia nuja̱i̱ métek mantamnamiayi. Tura niṉkia tunaanum taṉku maar áestuatniua núniktin asa ukunam akiiniawartatna nunasha wáinkiartatui. Nuya̱ṉka náṉkatkachu tsawantnum pujustatui tura Uunt Yus wakeramuka níji̱a̱i̱ṉkia tuke péṉker uminkiattawai.

Isa. 53:11

Nuyá̱ Ni wakaní̱ wáitsamia nuja̱i̱ tsáapninian wainiak ti shiir enentáimprattawai. Winia takartin tí peṉkera túrin asa ni nékamuriji̱a̱i̱ ti untsurín makuchmin awajsattawai kame niṉkia ashí aentsu tunaari̱n entsaktatui.

Isa. 53:7

Tura Nisha wáitkiasma tí kuntuts pujayatcha peṉké chichakchamiayi. Murik mátai̱niam júam tura murikiu uré̱ tsúpin tsupiratsa júam chichaatsna núnisaṉ nisha peṉké chichakchamiayi.

Use. 14:2

Uunt Yusai̱ waketkirum seakrum “Ii yajauch túrutairi̱sha ashí tsaṉkurkarturta. Túram péṉker wáinmena nuja̱i̱ shiir enentáimkiartusta. Túrakmin ii wene̱ja̱i̱ yúmiṉkiakur waaka maar súamua áitkiasar kantampríttiaji.

Sak. 13:1

Kame nu tsawantinkia Tawit shuar tura Jerusaréṉnum pujuinia nuna tunaari̱n núnisaṉ mui̱jmiai̱ ajakárman nijiartin púkuni chíṉkiamu átatui.

Wek. 21:9

Tutai Muisais yaṉkú jiruja̱i̱ napin najana numiji̱a̱i̱ weak awajaimiayi. Tura aents napi esaimiuka nuna iisar péṉker ajarmiayi. Jṉ. 3:14-15

Mat. 1:21

Uchin áishmaṉkan takustatui tura nuna naari̱ JESUS anaikiattame. Ashí ni shuari̱n ni tunaarí̱ya̱ uwemtikrartin asa Jesus anaikiatniuiti” tímiayi.

Mat. 20:28

Wisha Aents Ajasuitiatan Winia yáintkiarat tusan táchaitjiai antsu shuaran yáiṉtaj tusan táwitjiai. Untsurí shuara tunaarí̱ tumashri̱n akikmatkataj tusan jákatniuitjiai. Nuna tarimjiai” tímiayi Jesus.

Juaṉ 1:35

Kashin ataksha Juaṉ ni unuiniamuri̱ jímiarja̱i̱ wajarmiayi.

Juaṉ 1:36

Jesussha nui̱ naṉkamakui Juaṉ wainiak chichaak “Iistarum, Yusa Murikrí̱ áuwiti” tímiayi.

Juaṉ 1:43

Kashin Jesus Kariréanam wétaj tusa pujus Jiripin wainiak “Nemartusta” tímiayi.

Juaṉ 2:1

Menaintiú tsawant naṉkaamasmatai nuatnaikiatin namper Kananum ámiayi. Kaná péprusha Kariréanmayauyi. Jesusa nukurí̱sha nui̱ pujumiayi.

Juaṉ 3:16

Yuska ashí shuaran ti anea asa, ni Uchirí̱n chikichik ana nuna shuaran uwemtikrarat tusa tsaṉkatkamiayi. Tuma asa ashí shuar Niin enentáimtana nu, jinium wécharat tusa antsu Yusai̱ tuke iwiaaku pujusárat tusa ni Uchirí̱n akuptúrmakmiaji.

Juaṉ 4:42

Nuyá̱ nuwa̱n chicharainiak “Yamaikia aya ame chichammiji̱a̱i̱ṉ Jesus enentáimtatsji antsu imia iik ni chichame̱sha anturkarji. Tura iisha yamaikia nékaji nekas ashí shuaran Uwemtikniuiti” tiármiayi.

Juaṉ 6:51

Wikia nayaimpinmaya̱ tara iwiaaku apatkuitjiai. Nu apatkun shuar yúakka tuke iwiaaku átiniaiti. Nu apatkun Wi susattaj nusha winia aya̱shruiti. Ashí shuar Yusai̱ iwiaaku pujusárti tusan winia aya̱shrun susattajai” tímiayi Jesus.

Tur. 13:39

Tura Muisais yaunchu akupkámia nuja̱i̱ tunáa tsaṉkurnarchamnia nu, yamaikia Jesusja̱i̱ tsaṉkurnartiniaiti.

Tur. 8:32

Nu papí áarman aujmia nu jú̱yayi. “Murikiua áitkiasaṉ jákatniunam júkiarmiayi. Tura uchich murik, ure̱ tsúpiram chichaatsna núnisaṉ nisha chichakchamiayi.

1 Kur. 15:3

Winia ujatkámunak ujakmajrume. Nu chichamsha ashí naṉkaamas úuntaiti. Ju̱i̱ti nu chicham, Ii tunaari̱n asakártasa Kristu jarutramkamiaji, Yus Papinium tana núnisaṉ.

2 Kur. 5:21

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Kar. 1:4

Yus ii Aparí̱ nuna wakera asamtai ii tunaarí̱ asakártaj tusa Jesus ni aya̱shí̱n surumak wáitsamiayi. Nuna tura ju̱ nuṉkanam ti yajauch túrutai̱ ana nuyá̱ aṉkant awajtámsatai tusa túraiti.

Kar. 3:13

Tura Kristu yamaikia uwemtikrampramji. Akupkámun umirkachu yumiṉkramuiti tana nuka iin túramtsuji. Antsu Kristu iin yaintmaktin krúsnum jaka yumiṉkramu ajasmiayi. Kame áarmaiti “Shuar jakati tusa numiniam nenasma yumiṉkramuiti.” Muis. 21:22-23

1 Tim. 2:6

Ashí shuara tunaari̱n akikmatkataj tusa jákatniunam Jesukrístu surumakmiayi. Tura tsawant jeamtai nu chicham ashí shuarnum etsernaktiniuyayi.

Tit. 2:14

Jesukrístuka iin jarutramkamiaji ii tunaarí̱nia̱ uwemtikrampratajtsa. Tura Winia ajasár tuke enentáiji̱a̱i̱ péṉker túrawarat tusa ii tunaari̱n japirtampramiaji.

Isr. 1:3

Níyaiti Yusan imiá métek nakumeana nu. Tura Níyaiti Yus naṉkaamas shiira nuna paant awajeana nu. Nisha aya ni chichame̱ja̱i̱ kakarma nuja̱i̱ ashí írunna nuna wáiniuk emeta pujurui. Tura ii yajauch túramuri̱n nijiatramak akupin pujutai̱nium Yusa untsuurí̱ni̱ pujusuiti.

Isr. 2:17

Túratin asa peṉké métek ni yáchi̱ya áinis ajasmiayi. Nuja̱i̱ iin tuke waitnentrampramniaitji. Tuma asa Yúsnan pujurniu uuntri̱ ajas Yusan tuke péṉker chichartamsamniaitji. Núnisaṉ murikiun maa Yus súsatniua áintsaṉ ni jakamuja̱i̱ ashí shuara tunaari̱n tsaṉkurniuiti.

Isr. 9:28

Núnisaṉ Kristu chikichkí jákatniunam surumak untsurí shuara tunaari̱n asakáruiti. Tura atakka aents yajauch túrukarman asakártinian wantinkiashtatui. Antsu ni tátintri̱n nákainia nuna uwemtikrattsa wantinkiattawai.

1 Pit. 1:19

Antsu Kristu numpe̱ ti shiira nuja̱i̱ uwemtikramuitrume. Nu nékarme. Yaunchu shuar tunáa túrakui Yus chichaak “Murik yajauchichu tunamárcha máarum Yus sútai̱niam ikiustarum. Nuna numpe̱n wainkian atumí tunaari̱n tsaṉkurattajai” tíniuyayi. Núnisaṉ Kristu iin jarutramka asa ii tunaarí̱nia̱ uwemtikrampraitji.

1 Pit. 2:24

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji.

1 Pit. 3:18

Kristu ii tunaari̱n asakártaj tusa jarutramkamiaji. Ashí asakárma asamtai atak tunaan jarukchatniuiti. Nisha tunaan peṉké túrichuitiat ii tunáa asakrin Yusai̱ ejetamtai tusa wáitrutmasmiaji. Aya̱shi̱i̱nkia jakayat ni wakaní̱ji̱a̱i̱ ni aya̱shi̱ ataksha iwiaaku ajasmiayi.

1 Jṉ. 2:2

Jesukrístu ii tunaari̱n asakártaj tusa jarutramkamiaji. Túrasha aya íiniunkechu antsu ashí shuara tunaari̱n asakártaj tusa jarukmiayi.

1 Jṉ. 3:5

Jesukrístu ii tunaarí̱ asakártaj tusa ju̱ nuṉkanam tamia nu nékarme. Tura Niṉkia yajauchin túrichuyayi.

1 Jṉ. 4:10

Ju̱ja̱i̱ nekas aneṉkrattaiṉkia paant nekanamniaiti, ii Yus aneaj núchaiti. Antsu ii ti tunáa árini̱ṉ Ni aneachmaitiataṉ Yuska ti anenma asa ni Uchirí̱n ii tunaari̱n asakárat tusa akuptúrmakmiaj nuja̱i̱ nekas nekanamniaiti.

Apu. 1:5

Núnisaṉ Jesukrístu shiir yaintmakarti. Ni tana nu imiá nekasaiti. Nisha emka jakamunmaya̱ yamaram iwiaakmaja̱i̱ nantakniuiti. Tura ju̱ nuṉkanmaya̱ akupniu Úuntri̱nti. Iin anenma asa ni numpe̱ja̱i̱ ii tunaari̱n nijiatramkaitji.

Apu. 12:11

íksaṉ ii yachi̱ nupetmakarai. Yus susamu murikiu numpe̱ya áinis Jesukrístu numpe̱ja̱i̱ nupetmakarai. Nisha jákatniuitkiusha surimiatsuk nekas chichaman páchitsuk etserkarmai. Núja̱i̱sha iwianchi úuntri̱n nupetkarmai.

Apu. 13:8

Túramtai ashí aents tuke iwiaaku átinia nu papinium ni naari̱ yámankamtaikniumia̱ anujkamu atsúarma nuka nu Yajasman tikishmátrarmai. Nu papincha Murik jaka nantakmia nu takakui.

Apu. 14:1

Nuyá̱ Murikiun Seun nainnium wajan wainkiamjai. Níji̱a̱i̱sha siantu kuaraintikuátru mir shuar wajaarmai. Nusha nijiái̱ Murikiu náari̱ncha tura ni Aparí̱ náari̱ncha anujtúkma aarmai.

Apu. 14:10

Yus nin kajerak ti asutiáttawai. Yapá pachimprachman áartinia áintsaṉ ti kajerkattawai. Túramtai asupri ti tsue̱r keá nuja̱i̱ jinium wáitsartatui. Yusa suntari̱ tura Murik íimmianum apenáwar jinium wáitsartatui.

Apu. 14:4

Nu shuarsha nuwa̱ja̱i̱ yajauch ajascharu ásar ti shiir áiniawai. Túrawar Murik wéana nui̱ nemarainiawai. Ju̱ nuṉkanmaya̱ shuarnumia̱ uwempraru ásarmatai Yussha tura Muriksha ti shiir enentáimtiarmai. Nisha emka juukma ti shiira núnisaṉ armai.

Apu. 15:3

Túramtai kantamáwarmai. Yusa takarniúri̱ Muisaisa kantari̱ncha tura Murikiu kantari̱ncha kantamáiniak tiarmai “Uuntá, Ashí Tujinchaitme. Tí peṉker tura ti enentáimturmin ashí najanaitme. Ashí Úunt Akupin asam ashí nekasa nu túrasha péṉkera nu túriniaitme.Use. 14:9

Apu. 17:14

Murikji̱a̱i̱sha mesetan najanawartatui. Túrasha Murik nupetkartatui. Nisha uuntja̱i̱ naṉkaamas Uunt asa tura núnisaṉ akupniúja̱i̱ naṉkaamas Akupin asa nupetmaktatui. Tura Niji̱a̱i̱ írutraa nu, Yus Winia atí tusa achikma ásar tura Nin tuke umirin ásar Niji̱a̱i̱ nupetmakartatui.”

Apu. 19:7

Tuma asamtai shiir enentáimsartai. Murikiu anajmarmari̱ shiir iwiarnarmatai ni nuatnaikiatin tsawantri̱ jeayi. Tuma asamtai ti shiir warasar nincha shiir awajsatai.

Apu. 19:9

Nuyá̱ nayaimpinmaya̱ suntar turutmiai “Ju̱ áatrarta ‘Murik nuatma nampernum ipiaamu ainia nuka ti shiir warasarti.’ Tu aartá, turutmiai. Ju̱ka Yus timia asa imiá nekasaiti.”

Apu. 21:14

Ti uunt kaya tuse apujsamu armai. Tura nui̱ ekenir péṉkramuyi. Nu tuse kayanam Murikiu akatrámuri̱ tuse armia nuna naari̱ áarmauyi.

Apu. 21:27

Antsu yajauchikia peṉké waya̱shtatui. Mui̱jmiainian túrincha tura wáitrincha peṉké waya̱chartatui. Antsu áyatik shuar tuke iwiaaku pujutai̱ papinium naari̱ aarma ainia nuke waya̱wartatui. Nu papincha Murik takakui.

Apu. 21:9

Nuyá̱ siati suntar piniṉ amúamunam wáitkiastinji̱a̱i̱ piákun takakua nuyá̱ chikichik taruti turutmiai “Winitiá. Murikiu anajmarmari̱n iniaktustatjame.”

Apu. 5:6

Nuyá̱ uunt pujutái̱ya̱ nui̱ tura kuatru taṉkunam ajapén tura úuntnum ajapén Murik wajan wainkiamjai. Maamua áintsaṉketiat iwiaakuyi. Kachurí̱sha siátiyi. Ni ji̱sha siátiyi. Nusha Yusa Wakaní̱ siati ashí nuṉkanam akuprámua nuuyi.

Apu. 5:8

Tura papin achikmatai kuatru taṉkusha tura paintikuátru uunt arma nusha Murikiun tikishmátrarmiayi. Ashí uunt arpa tuntuitiai̱n takaku armai. Tura ashí kuṉkuin eṉketain kuri najanamun takaku armai. Nu kuṉkuin Yus shuar áujsamuiti.Mat. 6:10; YKan. 141:2

Apu. 6:1

Tura siati asakamunmaya̱ emka asakamun wísha iimiai̱ṉ Murik ja̱a̱kmai. Túramtai chikichík taṉku ipiamtaja̱i̱ métek kakantar untsumun antukmajai. “Winitiá” timiai.

Apu. 6:16

Túrawar náintniasha kayancha tiarmai “Asutniátin tsawant jeayi. ¿Yaki aun katsuntrat? Nu asamtai saanakim iin yutukratáta. Túrarum Murik ti asutiámataj nuya̱sha tura akupin pujana nuya̱sha ú̱kratkata” tiarmai.

Apu. 7:14

Túrutkui “Uuntá, amek nékame” tímiajai. Tutai “Ju̱ shuar tí waitsaru áiniawai. Túrawar Murikiu numpe̱ja̱i̱ ni pushiri̱ nijiamawar puju awajsaru áiniawai.

Apu. 7:17

Muriksha akupin pujutai̱nium naka wajana au, ni murikrí̱nkia péṉker wáiniuk áyureak tí peṉker púkuni entsa waana nuí̱ apujsartatui. Tura Yus ni nea̱jkirtincha ukuitiurartatui” turutmiai.