Juaṉ 1:21 - Yus Papí: Shuarja̱i̱ Yus Yamaram Chicham Najanamu

²¹ Takui̱ ataksha anintruiniak “¿Nuikia yáitiam. Yúsnan etserin yaunchu amia nú Iríaskaitiam?” tutai Juaṉsha “Atsá, núchaitjiai” tímiayi. Nuyá̱ ataksha anintruiniak “Nuikia ¿Yúsnan etserin tátinia núkaitiam?” tiármiayi. Tutai nisha “Atsá” timiayi.

Juaṉ 1:21 Iomraidhean Croise

Mks. 4:5

Nekaatarum. Yamaikia Uunt Yusa tsawantri̱ ti uunt tura ti ashamái̱ átatna nu jeachmanumaṉ Winia chichampru etserniun Iríasan akupkáttajai.

Mat. 11:14

Yaunchu Yúsnan etserin ‘Kristu táatsa̱i̱ṉ Irías tátiniaiti’ tímiayi. Tura nekaatin wakerakrumka Juaṉ nu Iríasaiti.

Mat. 16:14

Tutai nisha aya̱k “Chíkichkia imiakratin Juáṉkaiti. Tura chíkich Iríasaiti turamainiawai. Chikitcha Jirimíasaiti, chikitcha chíkich aents Yúsnan etserniuiti turamainiawai” tiármiayi.

Mat. 21:11

Chikitcha “Yúsnan etserin Jesusaiti Nasarétnumia̱ tura Kariréa nuṉkanmaya̱iti” tiármiayi.

Ruk. 1:17

Úunt Yusai̱ya̱ akatrámu átatui. Yaunchu Yúsnan etserin Irías kakaram etserkamia núnisaṉ nisha etserkattawai. Nuja̱i̱ shuaran ni uchirí̱ji̱a̱i̱ nawamtikiartatui.Mks. 4:5-6 Tura umichu ainia nuna eseer enentáimtikrartatui. Ni Uuntri̱ taakui ni enentái̱ iwiaramu ártí tusa etserkattawai” tímiayi Yusa suntari̱.

Juaṉ 1:22

Takui̱ “¿Nu arantcha yáitiam. Nui̱ṉkia iin akuptámkarjinia nusha warí títiatajⁱ. Warintia enentáimiam?” tiármiayi.

Juaṉ 1:25

Nisha chicharainiak “Nuikia Krístuchuitiatmesha, Iríaschaitiatmesha, Yúsnan etserin tátinia núchaitiatmesha ¿urukamtai imiakratam?” tiármiayi.

Juaṉ 6:14

Nu shuarsha Jesus túramun iisar “Ju̱ nekas Yúsnan etserin tátinia núchakait” tiármiayi.

Juaṉ 7:40

Chíkich shuarsha nuna antukar “Ju̱ nekas Yúsnan etserin tátinia nuiti” tiármiayi.