Juaṉ 1:19 - Yus Papí: Shuarja̱i̱ Yus Yamaram Chicham Najanamu

¹⁹ Jerusaréṉnumia̱ Israer shuar Yúsnan pujurniuncha Riwí shuarja̱i̱ Juaṉkai̱n yákit tusar akupkarmiayi.

Juaṉ 1:19 Iomraidhean Croise

Juaṉ 1:7

Nisha tsáapninia chichame̱n étserkui ashí aents Kristu nekas Yusa uchirí̱nti tu nekas enentáimtusar umirkarat tusa támiayi.

Juaṉ 10:24

Israer shuarsha Nin téntakar chicharainiak “¿Ame nekas Krístukaitiam? Ju̱ chichamaik etserkata. ¿Urukamtia nekas paant tátsum?” tiármiayi.

Juaṉ 10:31

Tutai Israer shuarsha atak kayan achikiar tukutaj tiármiayi.

Juaṉ 11:19

Tuma asamtai untsurí Israer shuar Mártasha Marisha ni umái̱ jakamtai utkui atsaṉkrataj tusa weriarmiayi.

Juaṉ 2:18

Nui̱ṉkia Israer shuara uuntri̱ Jesusan aniniak “Ju̱na túramniaitjiai tusam ¿warí iniakmastatam?”

Juaṉ 2:20

Takui̱ Israer shuar chicharainiak “Kuaraintisáis uwitin ju̱na je̱a̱mtinian pujursarmiayi. Ámeka menaintiú tsawantash je̱a̱mtám” tiármiayi.

Juaṉ 5:10

Tuma asamtai Israer shuar shiir ajasún chicharainiak “Yamái ayampratin tsawantaiti. Peakrum júkishtiniaitme” tiármiayi.

Juaṉ 5:15

Nuiṉkia áishmaṉsha tsuarama nuka Jesusaiti tusa Israer shuaran werí ujakmiayi.

Juaṉ 5:16

Núnaka ayampratin tsawantin tura asamtai Israer shuar Jesusan maatai tusar patatiarmiayi.

Juaṉ 5:18

takui̱ Israer shuar nuna naṉkaamas maatai tusa wakeriarmiayi. Ayampratin tsawantai̱ takaakui kajerkarmiayi. Tura nu arantcha “Yus Winia Aparuiti” takui̱ Yusja̱i̱ métek enentáimtumawai tusar nu arant kajerkarmiayi.

Juaṉ 6:41

Tura Jesus “Witjiai, nayaimpinmaya̱ apatuk akupkámu” takui̱ Israer shuar Jesusan áujmatiarmiayi.

Juaṉ 6:52

Nuyá̱ nuamtak tunaikiar chichainiak “¿Ju̱sha itiurak ni aya̱shi̱ncha ayurtamatjik?” tiármiayi.

Juaṉ 7:1

Nu naṉkaamasmatai Jesus Kariréanam wekaimiayi. Jutanam wéchamiayi Israer shuara uuntri̱ nui̱ mátaj tutai.

Juaṉ 7:11

Israer shuara úuntri̱sha námper irunturmanum e̱a̱kar “Nu áishmaṉsha ¿tui̱ṉ pujá?” tiármiayi.

Juaṉ 7:15

Israer shuara úuntri̱sha nuna iisar ti enentáimsar chichaak “Ju̱sha unuimiátrachiatcha ¿itiurak imiá neka?” tiármiayi.

Juaṉ 8:22

Israer shuarsha chicharainiak “Wi wéamunam wéchamniaitrume tutai nuiṉkia mámatpiash” tiármiayi.

Juaṉ 8:48

Nuikia Israer shuar chicharainiak “Maa, ti nekas tátsujik ‘Ame Samarianmaya̱ áentsuitme. Tuke yajauch áiniawai nusha. Nu arantcha iwianchrukuitme amesha’ nekas taji” tiármiayi.

Juaṉ 8:52

Nuiṉkia Israer shuar chicharainiak “Pai, yamaikia ti paant íwianch takakme. Aprajámsha ashí Yúsnan etserniusha jákaruiti tura Ame ‘Wi tájana nuna enentáimtaka peṉké jákashtiniaiti’ tátsumek.

Juaṉ 8:57

Takui̱ Israer shuar Jesusan chicharainiak “Warí seṉkuintia uwiksha takaktsume túmaitiatmekek ¿Aprajám wáinkiaitiam?” tiármiayi.

Tur. 13:25

Tura Juaṉsha ni jákatniuri̱ jeatémamtai chichaak ‘Átum enentáimtarmena núchaitjiai. Wikia Yusa anaikiamuri̱, Kristu tutai nákarmena núchaitjiai. Antsu Niṉkia winia ukunmarui̱ winittiawai. Tura Nisha wíji̱a̱i̱ṉkia tí naṉkamantu asamtai wikia sapatri̱ncha atitrataj tíchamniaitjiai’ tímiayi.

Tur. 19:4

Tutai Papru chichaak “Juaṉsha tunaaruminia̱ enentáimprarum imiantiarum tíchamka. Nuyá̱ tíchamka winia ukurui̱ winittiana nu nekas enentáimtustarum. Nisha Jesus Yusa anaikiamuri̱nti, tu ujatmákchamka” tímiayi Papru.

Muis. 24:8

Yúsnan pujurin Riwí shuaran akupkármajna nu repra suṉkurnan atumíin ashí jintintramainiak tiártatna nu umíakrum nekasa nu tímiatrusrum anturkatarum.

1 Jṉ. 1:5

Yus imiá tsáapnin asamtai kiritin Niiṉkia peṉké atsawai. Nu chichaman Jesukrístu iin unuitiamprakrin nuna atumniasha ujajrume.