Juaṉ 1:18 - Yus Papí: Shuarja̱i̱ Yus Yamaram Chicham Najanamu

¹⁸ Yúsnaka chikichkisha peṉké wáinkiachuiti. Tura ni Uchirí̱ chíkichkia nu tuke Niji̱a̱i̱ tsaníaku asa Yusan paant awajtúrmasuitji.

Juaṉ 1:18 Iomraidhean Croise

Naṉ. 16:13

Akaarka Uunt Yus winia waitnia nuna wainkiayatan tuke iwiaaktsujak tu enentáimias “Ámeka winia Waitniua nú Yusaitme” tu anaikiamiayi.

Naṉ. 18:33

Nuyá̱ Uunt Yuska Aprajámja̱i̱ chichasua umik ikiukmiayi. Tura Aprajámsha waketkimiayi.

Jiin. 23:21

Esettsa enentáimsarum ni chichame̱sha nakittsuk anturkatarum. Antsu niṉkia Winia naarja̱i̱ akupeamu asa atumí yajauch túramurminkia tsaṉkurashtatui.

Jiin. 24:10

Tura nui̱ Israer shuara Yusri̱ wajamuri̱ṉkia kaya aya píniunmaṉ saar kiṉkia eṉketka nayaim kíṉkiampatak ajasua ániunam wajan wáinkiarmiayi.

Neka. 8:30

niji̱a̱i̱ pujumiajai. Ashí najankatniun tí nékana núnisauyajai. Tura ashí tsawant shiir enentáimtutaiyajai. Nuyá̱ nin tuke warasan pujuyajai.

Isa. 40:11

Kame murikiu wáinin ni murikrí̱n wáiniuk kakaram akuptáiri̱ji̱a̱i̱ uchichíri̱nkia irurartatui. Murikchinkia miniakas jurukiartatui. Tura amuntsainia núnaka waitnentas yaruakartatui.

Ukan. 2:12

Warí uchisha nukurí̱n “¿Tríkiusha tura wíniusha tui̱ aa?” túumam ajarmiayi. Tura pepru páasari̱nkia awatmia jaana núnis jáiniak nukurí̱ tiṉkiampri̱n eṉkemsar jákaruiti.

Wek. 12:8

Tura niṉkia nekaachminia nuna iniaktusan jintintsujai antsu ní̱ja̱i̱ṉkia paant iisan yapían chichaajai. Kame Uunt Yus urukuitiaj nunasha paant waitiui. Enta túmasha ai̱sha winia takartin Muisaiska ashamtsuksha ¿urukamtai náṉkamsarmesha chicharearum?” tímiayi.

Mat. 11:27

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nu shuarsha winia Aparun nékainiawai.

Ruk. 10:22

Winia Apar ashí surusuiti. Wisha ni Uchirí̱ asamtai Winia nékarui. Tura chíkich Winia nekas nekarainiatsui. Yus Apancha Wiki nékajai. Tura Wi wakeraj nú shuaran winia Aparun paant awajtajai. Nú shuarsha winia Aparun nékainiawai” tímiayi Jesus.

Juaṉ 1:14

Túrasha nú Chichamsha aya̱shtin ajas iiji̱a̱i̱ núkap tsawant pujumiayi. Yusa waitnenkartutairiji̱a̱i̱ tura ashí nekasa nuja̱i̱ piákuyi. Núnisaṉ ni péṉkeri̱n aya Yusa Uchirí̱ chíkichkia nu takusminia nuna iniakmamiayi. Nusha iisha paant wáinkiaitji.

Juaṉ 12:41

Isayas yaunchu Jesusan nayaimpiniam ti shiir pujan wainiak nuna tímiayi.

Juaṉ 13:23

Chikichík unuiniamuri̱ Jesus ti aneamu Niji̱a̱i̱ tsaniṉ yurumuk pujumiayi.

Juaṉ 14:9

Jesus chichaak “Jiripí, atumji̱a̱i̱ ti pujusu ai̱sha ¿tuke nékartsumek? Winia waitkia nuka Winia Aparnasha wáinkiaiti. ¿Itiurak nuikia ‘Apasha wainkiarkia maak’ tame?

Juaṉ 17:26

Nú shuaran Ame Náarmin nekaawarti tusan jintintiáitjiai tura nu arantcha jintintiáttajai. Núja̱i̱ṉkia Winia anenniuitmena nuka niin atí tura Wisha niin atajai” tú aujsamiayi Jesus.

Juaṉ 17:6

Ashí jú̱ nuṉkanmaya̱ surusármamna nú shuaran Ámin nekamtikiamjai. Áminiu áiniakui surusármame. Nisha ame chichammin umirtámkaruiti.

Juaṉ 3:11

Ti nekasan tájame. Nekas nékakur chichaaji. Íismajnia nusha ujaaji. Tuma ai̱ṉ ii chichame̱ ántatsrume.

Juaṉ 6:46

Aya Yusai̱ya̱ tauwa nuke Yúsnaka wáinniuiti. Chíkichkia peṉké wáinkiachuiti.

2 Kur. 4:4

Iwianchi uuntri̱ ju̱ nuṉká yusri̱ ana nu, nu aentsu enentái̱n ukusturuiti. Krístunu shiir chichaman ii étsermaja̱i̱ tsáapnin enentáimprara̱i̱ṉ tusa ukustawai. Krístuka Yusan ímiatrusaṉ nakumui.

Muis. 4:12

Nui̱ ji keamunmaya̱ Uunt Yus atumín chichartamkamiarme. Ni chichaamusha anturkamiarme túrasha chichaamu ánturiatrumek Nisha urukuit nusha peṉké wáinkiachmarme.

Kurs. 1:15

Íischamnia Yusan Krístuka nakumeawai. Yus ashí najanamu ainia nuna iwia̱i̱yaiti.

1 Tim. 1:17

Tuma asamtai uwir uwir tuke pujú Úunt Akupin tura jachaa núnisaṉ wáinchatai chikichik Yusa nuke iniaṉnatsuk tuke shiir awajsamu tura naṉkamantu páantin awajsamu atí. Nuke atí.

1 Tim. 6:16

Iwiaaku átinia nérenniuri̱ Níṉkiti. Ti tsáapninium pujakui nuntumtuachminiaiti. Wáinchatai asamtai shuar peṉké wáinkiacharu áiniawai. Niṉki ashí shiir awajsatniuiti tura Niṉki tuke ashí akupin atí. Núnisaṉ atí.

Jus. 5:13

Nuyá̱ chíkich tsawantai̱ Jusuí Jirikiúnam nuntumas íimiaj tukamá áishmaṉ puya̱n takus wajan wainkiamiayi. Tura chicharuk “¿Íi shuarkaitiam nuíchuka ii nemasri̱nkaitiam?” tímiayi.

1 Jṉ. 4:12

Chikichkisha Yusan wáinkiachuiti. Túmaitiat mái̱ anenai ajakrikia Yus ii enentái̱n pujurtamkui Niji̱a̱i̱ métek aneṉkratin ajaji.

1 Jṉ. 4:20

Tura shuar “wi Yusan aneajai” táyat chíkich Yus shuaran nakitiakka nuka wáitriniaiti. Kame Yus shuaran tuke wainnia nuna aneachkuṉka ¿itiurak Yusan wáinchasha aneat?

1 Jṉ. 4:9

Tuma asa ni Uchirí̱ chikichkiniak ju̱ nuṉkanam akuptúrmakmiaji. Iisha ni túrunamuja̱i̱ nekas iwiaaku pujaji. Nuja̱i̱ Yus iin yáintmak ni aneṉkrattain paant iniakturmasmiaji.

1 Jṉ. 5:20

Yusa Uchirí̱ ju̱ nuṉkanam taa nekas Yus ana nuna paant jintintramji. Yusa Uchirí̱ Jesukrístuja̱i̱ tsaniṉkia wekaakur nekas Yúsja̱i̱sha tsaniṉkiar wekaaji. Nekas Yus asa tuke iwiaaku átinia nuna nérenniuiti.